ତେଲେଙ୍ଗାନା ନଲଗୋଣ୍ଡାରେ ହେଲିକପ୍ଟର ଦୁର୍ଘଟଣା, ଦୁଇ ପାଇଲଟଙ୍କ ମୃତ୍ୟୁ

ତେଲେଙ୍ଗାନା ୨୬/୦୨: ଶନିବାର ତେଲେଙ୍ଗାନାର ନଲଗୋଣ୍ଡାରେ ଭୟଙ୍କର ବିମାନ ଦୁର୍ଘଟଣା । ଏହି ଦୁର୍ଘଟଣାରେ ଦୁଇ ପାଇଲଟଙ୍କ ମୃତ୍ୟୁ ହୋଇଥିବା ସୂଚନା । କୁହାଯାଉଛି ଯେ, ଆକାଶରେ ନିୟନ୍ତ୍ରଣ ହରାଇ ଜମିରେ ପଡିଥିଲା । ଘଟଣା ସମୟରେ ବିମାନରେ ଜଣେ ପାଇଲଟ ଓ ଜଣେ ଟ୍ରେନି ପାଇଲଟ ଉପସ୍ଥିତ ଥିଲେ ।

ଏହି ଦୁର୍ଘଟଣାରେ ଜଣେ ପାଇଲଟଙ୍କ ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଆହତ ହୋଇଥିଲେ । ତେବେ ଚିକିତ୍ସା ପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଏନେଇ ତେଲେଙ୍ଗାନା ପୋଲିସ ନିଶ୍ଚିତ କରିଛି । ସୂଚନାନୁସାରେ, ହେଲିକପ୍ଟରଟି ଜଣେ ଟ୍ରେନିଂ ପାଇଲଟ୍ ଦ୍ୱାରା ପରିଚାଳିତ ହେଉଥିଲା । ଉଭୟ ପାଇଲଟଙ୍କ ପରିଚୟ ଏପର୍ଯ୍ୟନ୍ତ ଜଣାପଡିନାହିଁ ।

ହେଲିକପ୍ଟରରେ ଥିବା ଲୋକଙ୍କ ବିଷୟରେ ଅଧିକ ସୂଚନା ପାଇଁ ପୋଲିସ ଟ୍ରେନିଂ ଏକାଡେମୀ ସହିତ ଯୋଗାଯୋଗ କରୁଛି । ସୂଚନାନୁସାରେ, ଏହି ବିମାନଟି ହାଇଦ୍ରାବାଦର ଏକ ଫ୍ଲାଇଙ୍ଗ ଇନଷ୍ଟିଚ୍ୟୁଟର ଅଟେ, ଯାହା ଆନ୍ଧ୍ରପ୍ରଦେଶର ନାଗାର୍ଜୁନ ସାଗରରେ ମଧ୍ୟ ଏହାର ବେସରୁ କାର୍ଯ୍ୟ କରିଥାଏ ।

ମିଳିଥିବା ସୂଚନା ଅନୁଯାୟୀ, ପେଡାଡଭୁରା ମଣ୍ଡଳର ତୁଙ୍ଗାଟୁରୀ ଗ୍ରାମରେ କାମ କରୁଥିବା କୃଷକମାନେ ଦେଖିଥିଲେ ଯେ ବିମାନଟି କ୍ଷେତରେ ଖସିପଡିଛି । ସେମାନେ ଶୀଘ୍ର ଘଟଣାସ୍ଥଳରେ ପହଞ୍ଚିଥିଲେ । ସେମାନେ ନିଆଁକୁ ଆୟତ୍ତ କରିବାକୁ ଏବଂ ଜାହାଜରେ ଥିବା ପାଇଲଟମାନଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ କିନ୍ତୁ ସେତେବେଳକୁ ଜଣେ ପାଇଲଟଙ୍କର ମୃତ୍ୟୁ ହୋଇଥିଲା ।