ଜିଲ୍ଲାପାଳଙ୍କୁ 5-ଟି ସଚିବଙ୍କ ଅପିଲ: ସାଧାରଣ ଲୋକଙ୍କ ପାଖରେ ପହଞ୍ଚ, ଅଭାବୀ ଲୋକଙ୍କୁ ସାହାଯ୍ୟ କର

ଭୁବନେଶ୍ୱର, ୧୬/୦୪: ଲୋକଙ୍କ ଜୀବନ ବଂଚାଇବା ପାଇଁ ରାଜ୍ୟ ଓ କେନ୍ଦ୍ର ସରକାର ଲକଡାଉନର ସାହରା ନେଇଛନ୍ତି । କିନ୍ତୁ ଏହାଯୋଗୁ ସାଧାରଣ ଲୋକଙ୍କ ଜୀବିକା ମଧ୍ୟ ପ୍ରଭାବିତ ହୋଇଛି। ଅସହାୟ,ନିରାଶ୍ରୟ ଓ ଅଭାବୀ ଲୋକଙ୍କୁ ଏହି ସମୟରେ ସାହାଯ୍ୟ କରିବାକୁ ଫାଇଭ୍ ଟି ସଚିବ  ଭି.କେ ପାଣ୍ଡିଆନ୍ ରାଜ୍ୟର ସମସ୍ତ ଜିଲ୍ଲାପାଳଙ୍କୁ ନିବେଦନ କରିଛନ୍ତି । ଜନସେବାର ଏହାହିଁ ପ୍ରକୃଷ୍ଟ ସମୟ ବୋଲି ସେ କହିଛନ୍ତି ।

ଜିଲ୍ଲାପାଳ ଓ ପ୍ରଶାସନିକ ଅଧିକାରୀଙ୍କୁ ସେବା ଓ ମାନବିକତାର ସଂକଳ୍ପ କରାଇ 5-ଟି ସଚିବ ଭି.କେ. ପାଣ୍ଡିଆନ୍‌ କହିଛନ୍ତି ଯେ,  ‘‘ଅସହାୟ ଲୋକଙ୍କୁ ସାହାଯ୍ୟ କରିବା ପାଇଁ ବର୍ତ୍ତମାନଠାରୁ ଭଲ ସମୟ ଆଉ ନାହିଁ  । ତେଣୁ ସହାୟତା ଆବଶ୍ୟକ କରୁଥିବା ଲୋକଙ୍କୁ ସାହାଯ୍ୟ କରିବା ପାଇଁ ଏହା ଉତ୍କୃଷ୍ଟ ସମୟ  । ନିଜର ଶକ୍ତିକୁ ଅସହାୟ ଲୋକଙ୍କୁ ସାହାଯ୍ୟ କରିବାରେ ହିଁ ବ୍ୟବହାର କରନ୍ତୁ । ଅତିରିକ୍ତ ମାଇଲ୍‌ ଯାଇ ଲୋକଙ୍କ ସେବା କରନ୍ତୁ ଓ ସେବାର ଉତ୍କୃଷ୍ଟ ମାନଦଣ୍ଡ ସ୍ଥିର କରନ୍ତୁ । ସମସ୍ତ ମାନବିକ କାର୍ଯ୍ୟ ବିପଦମୁକ୍ତ ’’

ଏହାସହ ସେ ଏକ ନ୍ୟୁୟର୍କର ରୁଟି ଚୋରି ଘଟଣା ଉପରେ ପର୍ଯ୍ୟବେସିତ ଏକ ହୃଦୟସ୍ପର୍ଶୀ ଭିଡିଓ ସେୟାର କରିଛନ୍ତି । ଭାରତର  ଜିଲ୍ଲାପାଳ ସିଷ୍ଟମ ଭଳି ସାରା ବିଶ୍ୱରେ ବହୁତ୍‌ କମ୍‌ ଅନୁଷ୍ଠାନ ଅଛି । ଏହି ଶକ୍ତିଶାଳୀ ତଥା ଚିନ୍ତାଧାରାକୁ ଦୃଷ୍ଟିରେ ରଖି ଭି.କେ ପାଣ୍ଡିଆନ୍, 5 ଟି ସଚିବ ରାଜ୍ୟର ସମସ୍ତ ଜିଲ୍ଲା ଜିଲ୍ଲାପାଳଙ୍କୁ ଅଭାବୀ ଲୋକଙ୍କ ସେବା ପାଇଁ ଉତ୍ସର୍ଗ କରିବାକୁ ନିବେଦନ କରିଛନ୍ତି।