ପୁଣି ଏକ ନୂଆ ବିବାଦରେ ଫସିଲେ କଣ୍ଠଶିଳ୍ପୀ ହ୍ୟୁମାନ ସାଗର

ବାରମ୍ବାର ନିଜ ଗୀତକୁ ନେଇ ବିବାଦରେ ଛନ୍ଦି ହୋଉଛନ୍ତି ଓଡିଶାର ଖ୍ୟାତନାମା କଣ୍ଠଶିଳ୍ପୀ ହ୍ୟୁମାନ ସାଗର । କିଛି ଦିନ ପରେ ପୁଣି ଏକ ନୂଆ ବିବାଦରେ ଫସିଛନ୍ତି ହ୍ୟୁମାନ ସାଗର । ଛେଣ୍ଡିପଦା ରାଣୀ ନାଁ ରେ ଏକ ଗୀତ ଗାଇ ବିବାଦୀୟ ହୋଇଛନ୍ତି ହ୍ୟୁମାନ । କଥା ଯାଇ ପହ଼ଞ୍ଚିଛି ଥାନାରେେ । ବିବାଦୀୟ ଗୀତ ନେଇ ଥାନାରେ ହୋଇଛି ଅଭିଯୋଗ ।

ସୂଚନା ଅନୁସାରେ ଯେ, କିଛିଦିନ ତଳେ ଝିଅ ମାନଙ୍କୁ କୋରୋନା ସହ ସହିତ ତୁଳନା କରି ଗୀତଗାଇ ଥିଲେ। ଯାହାକୁ ନେଇ ତୀବ୍ର ପ୍ରତିବାଦ ଦେଖାଦେଇଥିଲା । ଏନେଇ ସୋସିଆଲ ମିଡିଆରେ ଭୁଲ ମଧ୍ୟ ମାଗିଥିଲେ ହ୍ୟୁମାନ ସାଗର । ଏହି ପ୍ରତିବାଦ ଥମିନଥିଲା ବେଳେ ଛେଣ୍ଡିପଦା ରାଣୀ ଗୀତକୁ ନେଇଏବେ ପୁଣିଥରେ ବିବାଦ ଭିତରେ ଛନ୍ଦି ହୋଇପଡିଛନ୍ତି । ଏ ନେଇ ଛେଣ୍ତିପଦା ଥାନାରେ ଯୁବ ମଞ୍ଚ ପକ୍ଷରୁ ଲିଖିତ ଅଭିଯୋଗ ହୋଇଛି । କିଛିଦିନ ତଳେ ଛେଣ୍ତିପଦା ନାଆଁକୁ ନେଇ ଏକ ସଙ୍ଗୀତ ୟୁଟୁବରେ ଅପଲୋଡ ହୋଇଥିଲା । ଏବଂ ଏହି ଗୀତରେ କଣ୍ଠଦାନ କରିଥିଲେ ହ୍ୟୁମାନ ସାଗର । ଏବେ ଏହି ଗୀତକୁ ନେଇ ଛେଣ୍ତିପଦା ଅଞ୍ଚଳରେ ତୀବ୍ର ଅସନ୍ତୋଷ ଦେଖା ଦେଇଛି ।