ଓଡିଆ ଯୁବବର୍ଗର ସ୍ୱାର୍ଥ ପାଇଁ ଲଢେଇ ଜାରୀ ରଖିବ ଯୁବମୋର୍ଚ୍ଚା: ଇରାସିସ ଆଚାର୍ଯ୍ୟ

ପୁରୀ / ଭୁବନେଶ୍ୱର,ତା.୨୨/୦୨: ନବୀନ ସରକାରର ୨୩ ବର୍ଷର ଶାସନରେ ଓଡିଆ ଯୁବକ ଆଜି ନିଷ୍ପେସିତ । ଦେଶର ୧୦ ପ୍ରତିଶତ ଖଣିଜ ପଦାର୍ଥ ଉତ୍ପାଦନରେ ଭାଗ ରହୁଥିବା ଓଡିଶାରେ ବରୋଜଗାରୀ ସମସ୍ୟା ଆଜି ଶୀର୍ଷରେ ପହଂଚିଛି । ଅପାର ସମ୍ଭାବନା ଭରା ରାଜ୍ୟ ଓଡିଶାରେ ମାଳ ମାଳ କଂପାନୀ ଓ ଖଣି ଥାଇ ମଧ୍ୟ ସର୍ବାଧିକ ଓଡିଆ ଦାଦନ ଖଟିବା ପାଇଁ ବାହାର ରାଜ୍ୟକୁ ଯାଉଛନ୍ତି । ରାଜ୍ୟ ସରକାରଙ୍କ ବିଭିନ୍ନ ବିଭାଗରେ ବହୁ ସଂଖ୍ୟାରେ ପଦ ପଦବୀ ଖାଲି ପଡିଥିବା ସମୟରେ ମୁଖ୍ୟମନ୍ତ୍ରୀଙ୍କ ନିଜ କାର୍ଯ୍ୟାଳୟରେ ୧୧ ଜଣ ଅବସରପ୍ରାପ୍ତ ଅଧିକାରୀ ନିୟୋଜିତ ଅଛନ୍ତି । ଏଥିରୁ ରାଜ୍ୟ ସରକାରଙ୍କ ଯୁବ ବର୍ଗ ପ୍ରତି ବୈମାତୃକ ମନୋଭାବ ସ୍ପଷ୍ଟ ବାରୀ ହୋଇପଡୁଛି । ଜରାଜୀର୍ଣ୍ଣ ଶିଳ୍ପ ରାଜ୍ୟର ଶିଳ୍ପନୀତି ପଥଭ୍ରଷ୍ଟ, ସ୍ଥାନୀୟ ଯୁବ ବର୍ଗଙ୍କୁ ରୋଜଗାର ଦେବା ଆଇନ ଆଜି ଶୀତଳ ଭଣ୍ଡାରରେ, ଶିଳ୍ପ ଓ ଶିଳ୍ପାୟନ ଆଜି ଦିଗହରା, ମେକ୍ ଇନ୍ ଓଡିଶାର ସୁନେଲୀ ଚିତ୍ର ଦେଖାଇଥିବା ରାଜ୍ୟ ସରକାରଙ୍କ ଆଭିମୁଖ୍ୟ ଭିନ୍ନ । ରାଜ୍ୟର ମାତ୍ରାଧିକ ଜିଲ୍ଲାରେ ଏମ୍ପ୍ଲୟେମଂଟ ଅଫିସରେ ଗୋଟିଏ ବି ନିଯୁକ୍ତି ନକରାଇ ପାରିବା ରାଜ୍ୟ ସରକାରଙ୍କ ନିଯୁକ୍ତି ଅଭିଯାନର ପର୍ଦ୍ଦାଫାଶ କରୁଛି । ପ୍ରାକୃତିକ ସୈାନ୍ଦର୍ଯ୍ୟର ଅନନ୍ୟ କେନ୍ଦ୍ର ଓଡିସାରେ ୪୫୦ କିଲୋମିଟର ସୁଦୀର୍ଘ ବିସ୍ତିର୍ଣ୍ଣ ବେଳାଭୁମି ସହ ଅରଣ୍ୟ, ମନ୍ଦିର ଓ ପର୍ବତରେ ସୁସଜ୍ଜିତ ଆମ ରାଜ୍ୟରେ ପର୍ଯ୍ୟଟନ କେବଳ ନାମକୁ ମାତ୍ର । ସୈାନ୍ଦର୍ଯୀକରଣ ନାମରେ ରାଜ୍ୟର ଐତିହ୍ୟ ଓ ସଂସ୍କୃତି ଉପରେ କୁଠାରଘାତ କରୁଛନ୍ତି ରାଜ୍ୟ ସରକାର । କ୍ରୀଡାର ବ୍ୟବସାୟକରଣ କରି ଇଭେଂଟ ମ୍ୟାନେଜମ୍ୟାଂଟ କଂପାନୀ ଜରିଆରେ ବ୍ୟାପକ ଅର୍ଥ ଲୁଟ୍ କରାଯାଉଛି । ରାଜ୍ୟ ସାରା ବ୍ୟାପକ ମାତ୍ରାରେ ମଦ ଦୋକାନ ଖୋଲି ରାଜ୍ୟ ସରକାର ପ୍ରାୟୋଜିତ ଭାବେ ଯୁବ ପୀଢିକୁ ନିଶାଶକ୍ତ କରି ଓଡିଶାର ଭବିଷ୍ୟତକୁ ଅନ୍ଧକାରମୟ କରୁଛନ୍ତି । ନିଶା କାରବାର ଯୋଗୁଁ ରାଜ୍ୟରେ ଆଇନଶୃଙ୍ଖଳା ବିପର୍ଯ୍ୟସ୍ତ ହୋଇପଡିଛି । ଏ ସମସ୍ତ ପ୍ରସଙ୍ଗରେ ରାଜ୍ୟ ସରକାରଙ୍କ ବିଫଳତାକୁ ନେଇ ଭାରତୀୟ ଜନତା ପାର୍ଟୀ ଆଜି ପୁରୀଠାରେ ଅନୁଷ୍ଠିତ କାର୍ଯ୍ୟକାରିଣୀ ବୈଠକରେ ଦୃଢ ନିନ୍ଦା କରିଛି ।

ଅମୃତକାଳ ବଜେଟରେ ଯୁବଗୋଷ୍ଠୀକୁ ସର୍ବାଧିକ ପ୍ରାଧାନ୍ୟ ଦେଇଥିବାରୁ କାର୍ଯ୍ୟକାରିଣୀ ତରଫରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜ୍ଞାପନ କରାଯାଇଛି । ପ୍ରଧାନମନ୍ତ୍ରୀ କୈାଶଳ ବିକାଶ ଯୋଜନାର ୧ମ, ୨ୟ, ୩ୟ ପରେ ଚଳିତ ବର୍ଷ ୪ର୍ଥ ଅଧ୍ୟାୟରେ ଆଜି ପର୍ଯ୍ୟନ୍ତ ୧ କୋଟି ୩୪ ଲକ୍ଷ ଯୁବକଯୁବତୀମାନଙ୍କୁ କୈାଶଳ ବିକାଶ ତାଲିମ ନେଇଛନ୍ତି । ଆୟକର ସୀମା ବୃଦ୍ଧି, କ୍ରୀଡା ବଜେଟକୁ ୩୩ ହଜାର କୋଟିକୁ ବୃଦ୍ଧି, ଅଗ୍ନବୀର ଭଳି ଯୋଜନାରେ ୧୦ ଲକ୍ଷରୁ ଉର୍ଦ୍ଧ୍ୱ କର୍ମ ନିଯୁକ୍ତି ପ୍ରଦାନ, ସ୍କିଲ ଇଣ୍ଡିଆ, ଷ୍ଟାର୍ଟ ଅଫ୍ ଇଣ୍ଡିଆରେ ଯୁବବର୍ଗ ପାଇଁ ଲାଭାକୃତ ହୋଇଛି । କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଦାୟୀତ୍ୱ ପାଇବା ପରେ ସମଗ୍ର ଦେଶରେ ଶିକ୍ଷା ବ୍ୟବସ୍ତାକୁ ଗୁରୁକୁଳ ପଦ୍ଧତିରେ ପିଏମଶ୍ରୀ ଯୋଜନାକୁ ଲାଗୁ କରାଇ ୨୭ ହଜାରରୁ ଉର୍ଦ୍ଧ୍ୱ କୋଟି ଟଙ୍କାର ଐତିହାସିକ ନିବେଶକୁ କାର୍ଯ୍ୟକାରିଣୀରେ ସ୍ୱାଗତ କରାଯାଇଛି । ଏହା ବ୍ୟତୀତ ନୂତନ ୭୦୦୦ କେନନ୍ଦ୍ରୀୟ ବିଦ୍ୟାଳୟ ଖୋଲିବା, ଆଦିବାସୀ ଛାତ୍ରଛାତ୍ରୀଙ୍କ ପାଇଁ ନୂତନ ଏକଲବ୍ୟ ବିଦ୍ୟାଳୟର ଅନୁମୋଦନ ଦ୍ୱାରା ଓଡିଶା ଭଲି ରାଜ୍ୟ ବିଶେଷ ଲାଭାନ୍ୱିତ ହୋଇଛି ।

ପ୍ରଧାନମନ୍ତ୍ରୀ ମୋଦିଜୀଙ୍କ ଯୁଗାନ୍ତକାରୀ ଜନକଲ୍ୟାଣକାରୀ ଯୋଜନାଗୁଡିକୁ ଯୁବକମାନଙ୍କ ଭିତରେ ଅଧିକରୁ ଅଧିକ ଭାବେ ପ୍ରସାରଣ କରିବା ପାଇଁ ଆଜିର କାର୍ଯ୍ୟକାରିଣୀରେ ନିଷ୍ପତି ନିଆଯାଇଛି । ସାଢ଼େ ଚାରିକୋଟି ଓଡ଼ିଆଙ୍କ ହକ୍ ପାଇଁ ଲଢ଼େଇ ସହ ସେବା ମାନସିକତା ସଂକଳ୍ପ ନେବେ ଯୁବକମାନେ । ଆଜି ଅନୁଷ୍ଠିତ ଯୁବମୋର୍ଚ୍ଚା ରାଜ୍ୟ କାର୍ଯ୍ୟକାରିଣୀ ବୈଠକରେ ରାଜ୍ୟର ସାଂପ୍ରତିକ ରାଜନୈତିକ ଓ ସାମାଜିକ ପ୍ରସଙ୍ଗ ଉପରେ ବିସ୍ତୃତ ଆଲୋଚନା କରାଯାଇଥିଲା । ବିଶେଷ ଭାବେ ରାଜ୍ୟରେ ବେରୋଜଗାର, ବିପର୍ଯ୍ୟସ୍ତ ଶିକ୍ଷା ବ୍ୟବସ୍ଥା, ଛାତ୍ରଛାତ୍ରୀମାନଙ୍କର ଦକ୍ଷତା ବିକାଶ ନହେବା, ଶିକ୍ଷିତ ଯୁବକଯୁବତୀମାନଙ୍କୁ ସ୍ଥାୟୀ ନିଯୁକ୍ତି ନମିଳିବା, ଦାଦନ ଶ୍ରମିକ ଭାଇ ଭଉଣୀମାନଙ୍କର ଦକ୍ଷତା ମ୍ୟାପିଂ ନକରି ନିଯୁକ୍ତି ନଦେବା, ଯୁବ ପ୍ରତିଭାଙ୍କୁ ଅଣଦେଖା କରିବା ଆଦି ରାଜ୍ୟ କାର୍ଯ୍ୟକାରିଣୀରେ ଆଲୋଚନା ହୋଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଯୁବକଯୁବତୀମାନଙ୍କ ପାଇଁ ଅନେକ ଯୋଜନା ଲାଗୁ କରିଛନ୍ତି । ଦେଶର ଯୁବକମାନଙ୍କ ପାଇଁ ପ୍ରଧାନମନ୍ତ୍ରୀ ସ୍କିଲ ଇଣ୍ଡିଆ, ଡିଜିଟାଲ ଇଣ୍ଡିଆ, ଷ୍ଟାର୍ଟଅପ ଇଣ୍ଡିଆ, ମେକ ଇନ ଇଣ୍ଡିଆ, ଅଗ୍ନିପଥ ଆଦି ଲାଗୁ କରିଛନ୍ତି । କେନ୍ଦ୍ର ସରକାରଙ୍କ ଯୁବ କଲ୍ୟାଣ ନୀତି ଏବଂ ବିଭିନ୍ନ ପଦକ୍ଷେପ ସଂପର୍କରେ ଆଲୋଚନା ହୋଇଥିଲା ।
ଯୁବମୋର୍ଚ୍ଚା ରାଜ୍ୟ ସଭାପତି ଶ୍ରୀ ଇରାସିସ୍ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକାରିଣୀ ବୈଠକରେ ରାଜ୍ୟ ସଭାପତି ସମୀର ମହାନ୍ତି, ରାଜ୍ୟ ସାଧାରଣ ସଂପାଦକ ମାନସ କୁମାର ମହାନ୍ତି, ରାଜ୍ୟ ସାଧାରଣ ସଂପାଦକ ତଥା ଯୁବମୋର୍ଚ୍ଚା ପ୍ରଭାରୀ ଗୋଲକ ମହାପାତ୍ର, ବିଧାୟକ ସୁରଜ ସୂର୍ଯ୍ୟବଂଶୀ, ଯୁବମୋର୍ଚ୍ଚା ରାଷ୍ଟ୍ରୀୟ ଉପସଭାନେତ୍ରୀ ଅର୍ପିତା ଅପରାଜିତା ବଡଜେନା, ରାଜ୍ୟ ପ୍ରଭାରୀ ଶଶାଙ୍କ ରାଜ, ଯୁବମୋର୍ଚ୍ଚା ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ଦୀପଜ୍ୟୋତି ମୁଣ୍ଡଙ୍କ ସମେତ ସମସ୍ତ ପଦାଧିକାରୀ, ଜିଲ୍ଲା ସଭାପତି ଏବଂ କାର୍ଯ୍ୟକାରିଣୀ ସଦସ୍ୟମାନେ ଯୋଗ ଦେଇଥିଲେ ।