ଭଜା ଚଣା ନା ଭିଜା ଚଣା, ଡାଏଡିସିଆନଙ୍କ ଠାରୁ ଜାଣନ୍ତୁ କେଉଁଟା ସ୍ୱାସ୍ଥ୍ୟ ପାଇଁ ଲାଭଦାୟକ?

ସୁସ୍ଥ ଜୀବନଯାପନ କରିବାକୁ ସମସ୍ତେ ଚାହିଁଥାନ୍ତି । ଏଥି ପାଇଁ ଲୋକେ ବହୁତ ପ୍ରକାରର କାର୍ଯ୍ୟ ମଧ୍ୟ କରିଥାନ୍ତି । କେହି କେହି ଜିମ୍ ଯାଇ ନିଜକୁ ଫିଟ୍ ରଖୁଛନ୍ତି ତ ଆଉ କେହି ମର୍ଣ୍ଣିଓ୍ବାକ୍ ଯାଇ ଫିଟ୍ ରହୁଛନ୍ତି । ଏଥି ସହ ଲୋକମାନେ ଡାଏଟ୍ ମଧ୍ୟ ମେଣ୍ଟେନ୍ କରୁଛନ୍ତି । ଏହି ସବୁ କରିବା ପରେ ମଧ୍ୟ ଲୋକେ ସୁସ୍ଥ ରହିପାରନ୍ତି ନାହିଁ । ତେବେ ଆଜି ଆପଣଙ୍କୁ ଏକ ଖାଇବା ବିଷୟରେ କହିବୁ ଯାହାକୁ ଖାଇଲେ ଆପଣ ସୁସ୍ଥ ଜୀବନଯାପନ କରିପାରିବେ । ଆସନ୍ତୁ ଜାଣିବା ଏହି ଖାଦ୍ୟର ନାମ କ’ଣ ?

ଏହି ଖାଦ୍ୟର ନାମ ହେଉଛି ‘ଚଣା’ । ଚଣାକୁ ଖାଇଲେ ଶରୀର ସୁସ୍ଥ ରହିଥାଏ । ଏଥି ସହ ବିଭିନ୍ନ ପ୍ରକାର ରୋଗ ଦୂର ହେବାକୁ ମଧ୍ୟ ଲାଗିଥାଏ । ଅଧିକାଂଶ ଲୋକେ ଚିନ୍ତାରେ ପଡି ଯାଆନ୍ତି, କାହିଁକି ନା ଏହି ଚଣାକୁ କିପରି ଖାଇଲେ ଭଲ ଲାଭ ମିଳିବ । କିଛି ଲୋକ ଏହି ଚଣାକୁ ଭାଜିକି ଖାଉଥିବାବେଳେ ଆଉ କିଛି ଲୋକ ଏହାକୁ ଭିଜାଇ ଖାଇଥାନ୍ତି । ଆପଣ କ’ଣ ଜାଣିଛନ୍ତି କି ଭଜା ଚଣା ଶରୀର ପାଇଁ ଲାଭ ନା ଭିଜା ଚଣା ଲାଭ । ତେବେ ଆସନ୍ତୁ ଜାଣିବା ଏହି ଭଜା ଏବଂ ଭିଜା ଚଣାର ଲାଭ ବିଷୟରେ ।

ଭିଜା ଚଣାର ଲାଭ :

ଚଣାକୁ ଭିଜାଇ ରଖିବା ଦ୍ବାରା ପୋଷକ ତତ୍ତ୍ବର ଶୋଷଣ ବ୍ରୁଦ୍ଧି ପାଏ, ଯାହା ଫଳରେ ଏହା ପ୍ରୋଟିନ୍, ଫାଇବର, ଭିଟାମିନ୍ ଏବଂ ଖଣିଜ ପଦାର୍ଥରେ ଭରପୂର ହୋଇଥାଏ । ଚଣାକୁ ଭିଜାଇ ଖାଇବା ଦ୍ବାରା ପାଚନ ଶକ୍ତି ଉନ୍ନତ ହୁଏ ଏବଂ ଗ୍ୟାସ୍ ସମ୍ବନ୍ଧୀୟ ସମସ୍ୟା ଦୂର ହେବାକୁ ଲାଗିଥାଏ । ଭିଜା ଚଣାରେ ପ୍ରୋଟିନ୍ ଏବଂ ଫାଇବରର ପରିମାଣ ଅଧିକ ଥିବାରୁ ଏହା ଓଜନ ନିୟନ୍ତ୍ରଣରେ ମଧ୍ୟ ସାହାଯ୍ୟ କରେ । ଯଦି ଆପଣ ଓଜନ ସମସ୍ୟାକୁ ନେଇ ଚିନ୍ତାରେ ରହୁଛନ୍ତି ତେବେ ଆପଣ ନିଶ୍ଚିତ ଭାବରେ ଭିଜା ଚଣା ଖାଇବା ଅଭ୍ୟାସ୍ କରନ୍ତୁ । ଦେଖିବେ ବହୁତ୍ ଅଳ୍ପ ଦିନ ମଧ୍ୟରେ ଆପଣଙ୍କର ଓଜନ କମ୍ ହୋଇଯିବ । ଏଥି ସହ ଭିଜା ଚଣା ମ୍ୟାଗ୍ନେସିୟମ ଏବଂ ପୋଟାସିୟମ ଭଳି ଖଣିଜ ପଦାର୍ଥର ଏକ ଭଲ ଉତ୍ସ । ଯାହା କୋଲେଷ୍ଟ୍ରଲ୍ ସ୍ତରକୁ ହ୍ରାସ କରିବାରେ ସାହାଯ୍ୟ କରିପାରେ । ଭିଜା ଚଣା ଆଣ୍ଟିଅକ୍ସିଡାଣ୍ଟରେ ଭରପୂର, ଯାହା ଚର୍ମ କ୍ଷତିକୁ ରୋକିଥାଏ । ଏହା ସହିତ ଭିଜା ଚଣାରେ କମ୍ ଗ୍ଲାଇସେମିକ୍ ଇଣ୍ଡେକ୍ସ ଥାଏ ଯାହା ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରିବାରେ ସାହାଯ୍ୟ କରେ ।

ଭଜା ଚଣାର ଲାଭ :

ଭଜା ଚଣାରେ ପ୍ରୋଟିନ୍, ଫାଇବର ଏବଂ ଆବଶ୍ୟକୀୟ ଭିଟାମିନ ଭରପୂର ପରିମାଣରେ ରହିଥାଏ । ଭଜା ଚଣା ଓଜନ ନିୟନ୍ତ୍ରଣରେ ସାହାଯ୍ୟ କରେ । ଭଜା ଚଣା ମାଂସପେଶୀ ସ୍ବାସ୍ଥ୍ୟରେ ଉନ୍ନତି ଆଣିଥାଏ । ଏଥି ସହ ପ୍ରୋଟିନ୍ ଏବଂ ଫାଇବର ହେତୁ ଭଜାଚଣା ନିରନ୍ତର ଶକ୍ତି ସ୍ତର ଯୋଗାଇପାରେ । ଭଜା ଜଣା ଇନସୁଲିନ୍ ସମ୍ବେଦନଶୀଳତାକୁ ସମର୍ଥନ କରିପାରେ ଏବଂ ଟାଇପ୍ ୨ ମଧିମେହ କରିଚାଳନାରେ ସାହାଯ୍ୟ କରିପାରେ । ଭଜା ଚଣା ହାଡ଼ର ସ୍ବାସ୍ଥ୍ୟକୁ ବ୍ରୁଦ୍ଧି କରିପାରେ । ଅର୍ଥାତ୍ ଭିଜା ଏବଂ ଭଜା ଚଣା ଉଭୟର ସେବନ ସ୍ବାସ୍ଥ୍ୟ ପାଇଁ ବହୁତ୍ ଲାଭଦାୟକ ହୋଇଥାଏ । ବର୍ତ୍ତମାନ ଏହା ଲୋକଙ୍କ ବ୍ୟକ୍ତିଗତ ପସନ୍ଦ ଉପରେ ନିର୍ଭର କରେ ଯେ ସେମାନେ କ’ଣ ଖାଇବାକୁ ଚାହାଁନ୍ତି ।