ଲତାଜୀଙ୍କ ପ୍ରଥମ ଗୀତ ଆଜି ପର୍ଯ୍ୟନ୍ତ ହୋଇନାହିଁ ରିଲିଜ୍, ଜାଣନ୍ତୁ କଣ ରହିଛି କାରଣ

କୋକିଳା କଣ୍ଠି ଭାବରେ ସାରା ବିଶ୍ବରେ ବେଶ୍ ପରିଚିତ ଥିଲେ ଗାୟିକା ଲତା ମଙ୍ଗେସକର ।  ସେ ଆମ ମଧ୍ୟରେ ନାହାନ୍ତି ସତ କିନ୍ତୁ ତାଙ୍କ ସ୍ୱର ଏବେ ବି ଆମ ହଦୟରେ ଜୀବିତ ରହିଛି । ଲତାଜୀଙ୍କ ଦେହାନ୍ତ ହେବାର ତିନି ବର୍ଷ ବିତିଗଲାଣି। ବହୁତ କମ୍ ଲୋକ ଜାଣନ୍ତି ଯେ ଲତା ମଙ୍ଗେସକରଙ୍କ ଫିଲ୍ମ କ୍ୟାରିଅର ଆର୍ଥିକ ଅନଟନ ଯୋଗୁଁ ଆରମ୍ଭ ହୋଇଥିଲା । ଆପଣ କଣ ଜାଣିଛନ୍ତି କି ଲତା ମଙ୍ଗେସକରଙ୍କ ଗୀତକୁ ସେହି ଫିଲ୍ମରୁ ହଟାଇ ଦିଆଯାଇଥିଲା ଯେଉଁଥିରେ ସେ ପ୍ରଥମ ଥର ପାଇଁ ଗାଇଥିଲେ।

କିନ୍ତୁ ଆପଣ କଣ ଜାଣନ୍ତି ଯେ ତାଙ୍କର ପ୍ରଥମ ଗୀତ କେବେ ମୁକ୍ତିଲାଭ କରିନଥିଲା ? ଆଜି ଆମେ ଆପଣଙ୍କୁ ଏବିଷୟରେ ଜଣାଇବୁ । ସ୍ୱର କୋକିଲାଙ୍କ କ୍ୟାରିଅରର ପ୍ରଥମ ଗୀତ ଥିଲା ‘ନାଚୁ ୟା ଗାଡେ, ଖେଲୁ ସାରି ମନି ହୌସ ଭାରି’ । ସେ ଏହି ଗୀତଟି ୧୯୪୨ ମସିହାରେ କିଟି ହସାଲ ନାମକ ଏକ ମରାଠୀ ଚଳଚ୍ଚିତ୍ର ପାଇଁ ରେକର୍ଡ କରିଥିଲେ ।  କିନ୍ତୁ ଏହି ଗୀତଟିକୁ ଫିଲ୍ମରୁ ହଟାଇ ଦିଆଯାଇଥିଲା ।

ଯାହା ପରେ ଲତା ମଙ୍ଗେସକରଙ୍କ ସେହି ଗୀତ କେବେ ମୁକ୍ତିଲାଭ କରିନଥିଲା ।  ଲତାଜୀ ୨୮ ସେପ୍ଟେମ୍ବର ୧୯୨୯ରେ ଇନ୍ଦୋରରେ ପ୍ରସିଦ୍ଧ ସଂଗୀତଜ୍ଞ ଦୀନନାଥ ମଙ୍ଗେସକରଙ୍କ ଘରେ ଜନ୍ମ ହୋଇଥିଲେ । ସେ ଏକ ମରାଠୀ ପରିବାରର ଥିଲେ । ସେ ତାଙ୍କ ପିତାଙ୍କଠାରୁ ସଙ୍ଗୀତ ଜ୍ଞାନ ଉତ୍ତରାଧିକାରୀ ଭାବରେ ପାଇଥିଲେ ।  ଯଦିଓ ଲତାଜୀ ଅନେକ ବଡ଼ ସଂଗୀତଜ୍ଞଙ୍କ ସହ ଗୀତ ଗାଇଥିଲ। କୁହାଯାଏ ଯେ ଥରେ ସେ ଏକ ଗୀତ ରେକର୍ଡିଂ କରୁଥିବା ସମୟରେ ଚେତାଶୂନ୍ୟ ହୋଇଯାଇଥିଲେ ।

ଥରେ ଲତାଜୀ ସଂଗୀତଜ୍ଞ ନୌସାଦଙ୍କ ସହ ଏକ ଗୀତ ରେକର୍ଡ କରୁଥିଲେ ।  ତାପରେ ସେ ଚେତାଶୂନ୍ୟ ହୋଇଗଲେ ।  ସେ କହିଥିଲେ ଯେ ‘ଆମେ ଗ୍ରୀଷ୍ମ ଋତୁରେ ଅପରାହ୍ନରେ ଗୀତ ରେକର୍ଡ କରୁଥିଲୁ ଏବଂ ମୁମ୍ବାଇରେ ବହୁତ ଗରମ ।  ସେ ସମୟରେ ରେକର୍ଡିଂ ଷ୍ଟୁଡିଓରେ ଏୟାର କଣ୍ଡିସନିଂ ନଥିଲା ଏବଂ ଅନ୍ତିମ ରେକର୍ଡିଂ ସମୟରେ ଫ୍ୟାନଗୁଡ଼ିକ ବନ୍ଦ ହୋଇଯାଉଥିଲା ।  ଯାହା ଯୋଗୁଁ ମୁଁ ଚେତାଶୂନ୍ୟ ହୋଇ ଯାଇଥିବା ସେ କହିଥିଲେ ।