‘ ମନ୍ତ୍ରୀ ଦିବ୍ୟଶଙ୍କର ନିଜକୁ କ୍ଲିନ ଚିଟ ଦେବାକୁ କିଏ’

ମନ୍ତ୍ରୀ ଇସ୍ତଫା ଦେଲେ ଯାଇ ହିଁ ତଦନ୍ତ ନିରପେକ୍ଷ ହୋଇ ପାରିବ  । ଦିବ୍ୟଶଙ୍କର ନିର୍ଦେଶରେ ମମିତା କୁ ମରାଯାଇଛି ଆଉ ତଥ୍ୟ ପ୍ରମାଣ ନଷ୍ଟ କରାଯାଇଛି । କାହିଁକି ଏତଲା ପ୍ରଥମେ ଗ୍ରହଣ କରାଗଲା ନାହିଁ । ଏହାର ଉତ୍ତର ମନ୍ତ୍ରୀ ରଖିବେ କି । କେମିତି 3 ଟି ଥାନା ଗୋବିନ୍ଦ କୁ ନିଆଗଲା । ଗୋବିନ୍ଦ କୁ ଟିଟଲାଗଡ଼ ନେଇ ଖସେଇ ଦେବାର ଯୋଜନା ମନ୍ତ୍ରୀ କରିଥିଲେ କି ତାହାର ଉତ୍ତର ଦିଅନ୍ତୁ । କାହିଁକି ଏ ସବୁ ପ୍ରଶ୍ନର ପୋଲିସ ସଠିକ ଉତ୍ତର ଦେଇ ପାରୁନାହିଁ ତାହାର ଉତ୍ତର ମନ୍ତ୍ରୀ ଦିଅନ୍ତୁ ।

ତଦନ୍ତ ସରି ନଥିବା ବେଳେ ମନ୍ତ୍ରୀ ନିର୍ଲଜ ଭଳି ସାମ୍ନା କୁ ଆସି ନିଜକୁ ନିଜେ କ୍ଲିନ ଚିଟ ଦେଉଛନ୍ତି।  ମନ୍ତ୍ରୀ ଓ ମୁଖ୍ୟମନ୍ତ୍ରୀ ଓଡ଼ିଶା ବାସୀଙ୍କୁ ଭ୍ରମିତ କରୁଛନ୍ତି । ଦୀର୍ଘ ଦିନ ପରେ ବାରମ୍ବାର ଯେଉଁ ସଫେଇ ଦେଉଛନ୍ତି ଯଦି ପକୃତରେ ଆପଣ ଚାହୁଁଛନ୍ତି ତଦନ୍ତ ଠିକ ଭାବରେ ହେଉ ତେବେ କୁହନ୍ତୁ ମୋ ବିରୁଦ୍ଧରେ ଯେଉଁ ଅଭିଯୋଗ ଆସିଛି ତାହାର ପୋଲିସ ତଦନ୍ତ କରୁ । ଏମିତି ଯଦି ମନ୍ତ୍ରୀ କରିଥାନ୍ତେ ତେବେ ଏ ସଫେଇର ଆବଶ୍ୟକତା ପଡି ନଥାନ୍ତା । ଯେଉଁ ଯେଉଁ ପ୍ରଶ୍ନ ପଚାରାଯାଉଛି ତାହାର ଉତ୍ତର ଦିଅନ୍ତୁ । ଭେଳିକି କରନ୍ତୁ ନାହିଁ । ମନ୍ତ୍ରୀଙ୍କର ବିବେକ ନାହିଁ ।  ପୋଲିସ ଉପରେ ଚାପ ପ୍ରୟୋଗ କରାଯାଉଛି । ତେଣୁ ପୋଲିସ ଆଗାମୀ ଦିନରେ ଓଡ଼ିଶା ବାସୀଙ୍କ ଆଶା ଓ ବିଶ୍ୱାସ ହରାଇବ। ଯିଏ ତଣ୍ଟି ଚିପିଛି ସେ ଯେତିକି ଦୋଷୀ ତାର ପ୍ରଛଦ ପଟରେ ଥିବା ଲୋକ ଅଧିକ ଦୋଷୀ । 40 ଦିନ କାହିଁକି ନଷ୍ଟ କଲେ ରାଜ୍ୟ ସରକାର । ପ୍ରଥମ ଦିନରୁ ସିବିଆଇ କୁ ଦେଲେନି । ଜଣା ପଡି ଯାଇଥାନ୍ତା କିଏ ଦୋଷୀ କିଏ ନିର୍ଦୋସୀ । ମନ୍ତ୍ରୀଙ୍କୁ ବୁଲି ବୁଲି ଏମିତି ନିଜକୁ ନିଜେ କ୍ଲିନ ଚିଟ ଦେବାକୁ ପଡ଼ନ୍ତାନି ।