ମଦୁଆ ସ୍ୱମୀର ସଇତାନ କାଣ୍ଡ, ଚଳନ୍ତା ଅଟୋରୁ ପତ୍ନୀ ଓ ନବଜାତ ଶିଶୁକୁ ଠେଲି ଦେଇ କଲା ଗୁରୁତର
ମଦୁଆ ସ୍ୱମୀଙ୍କ ଉନ୍ମତ୍ତ କାଣ୍ଡ। ଚଳନ୍ତା ଅଟୋରୁ ପତ୍ନୀ ଓ ନବଜାତ ଶିଶୁକୁ ଠେଲି ଦେଲେ। ଉଭୟ ଶିଶୁ ଓ ମାଆ ଗୁରୁତର ଆହତ ହୋଇଛନ୍ତି। ବାଲେଶ୍ଵର ସୋର ଅଞ୍ଚଳରେ ଏପରି ଘଟଣା ଘଟିଛି। ଔପଦା ବ୍ଲକ୍ କମାରପାଳ ଗରୁଡହତା ଅଞ୍ଚଳର ପ୍ରଦୀପ ଗିରି କେନ୍ଦ୍ରାପଡା ରାଜକନିକା ଅଞ୍ଚଳର ସଙ୍ଗୀତାଙ୍କୁ ପ୍ରେମ ବିବାହ କରିଥିଲେ। ୪ ଦିନ ତଳେ ସୋରସ୍ଥିତ ଏକ ନର୍ସିଂହୋମରେ ଶିଶୁ ପୁତ୍ରକୁ ଜନ୍ମ ଦେଇଥିଲେ ସଙ୍ଗୀତା। ଆଜି ନର୍ସିଂହୋମରୁ ଡିସ୍ଚାର୍ଜ ହୋଇଥିଲେ ।
ଘରକୁ ଫେରୁଥିବା ବେଳେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଉତ୍କ୍ଷିପ୍ତ ହୋଇ ସ୍ୱାମୀ ପ୍ରଦୀପ ଉଭୟ ନବଜାତ ଶିଶୁ ଓ ମାଆକୁ ରାଜବନ୍ଧ ଛକ ନିକଟରେ ଚଳନ୍ତା ଅଟୋରୁ ତଳକୁ ଠେଲି ଦେଇଥିଲେ। ସ୍ଥାନୀୟ ଲୋକ ଉଭୟଙ୍କୁ ଉଦ୍ଧାର କରି ପ୍ରଥମେ ସୋର ଡାକ୍ତରଖାନାକୁ ଆଣିଥିଲେ। ସେଠାରୁ ସେମାନଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ସ୍ୱାମୀ ପ୍ରଦୀପ ଗିରି ଫରାର ଅଛି।