ଆଜିଠୁ ପୁଣି ୩ ଦିନିଆ ରିମାଣ୍ଡରେ ଶର୍ମିଷ୍ଠା

ଭୁବନେଶ୍ୱର: କ୍ୟାମେରାମ୍ୟାନ ମାନସ ସ୍ବାଇଁ ହତ୍ୟା ମାମଲା । ଆଜିଠୁ ୩ ଦିନ ଧରି ମାଷ୍ଟର ମାଇଣ୍ଡ ଶର୍ମିଷ୍ଠା ଓ ଝୁନା ଭୋଇକୁ ଘାଣ୍ଟିବ କ୍ରାଇମବ୍ରାଞ୍ଚ । ଦ୍ବିତୀୟ ପର୍ଯ୍ୟାୟର ୩ ଦିନିଆ ରିମାଣ୍ଡର ଆଜି ପ୍ରଥମ ଦିନ । ବିଭିନ୍ନ ଦିଗକୁ ନେଇ ଶର୍ମିଷ୍ଠା ଓ ଝୁନାକୁ ପଚରାଉଚରା କରିବ କ୍ରାଇମବ୍ରାଞ୍ଚ । ଗତକାଲି ୫ ଦନିଆ ରିମାଣ୍ଡ ପାଇଁ କ୍ରାଇମବ୍ରାଞ୍ଚ ଆବେଦନ କରିଥିଲା । ହେଲେ ୩ ଦିନ ରିମାଣ୍ଡ ପାଇଁ ଅନୁମତି ଦେଇଥିଲେ ଚାନ୍ଦବାଲି JMFC କୋର୍ଟ । ତେବେ ପ୍ରଥମ ପର୍ଯ୍ୟାରେ ମିଳିପାରିନଥିବା କିଛି ତଥ୍ୟକୁ ଖୋଜିବ କ୍ରାଇମବ୍ରାଞ୍ଚ ।

କୁଆଡେ ଗଲା ମେମୋରୀ ଚିପ୍ ? କଣ ଥିଲା ସେ ଚିପରେ ? କେଉଁ ଦୃଶ୍ୟ ଥିଲା ଯେ, ତାଙ୍କୁ ହତ୍ୟା କରିଲ ? ମାନସ କାହିଁକି ଚିପ ନେଇଥିଲା ? କାହା ପାଖରେ ରହିଛି ସେ ଅଦୃଶ୍ୟ ଚିପ୍ ? ନିରଞ୍ଜନଙ୍କ ଡାଏରୀରେ କଣ ଅଛି ? ଫ୍ଲାଟକୁ କେମିତି ଆସିଲା ଡାଏରୀ ? ଏମିତି କିଛି ପ୍ରଶ୍ନକୁ ନେଇ ଦୁଇ ଅଭିଯୁକ୍ତଙ୍କଠୁ ସତ ଉଗାରିବ କ୍ରାଇମବ୍ରାଞ୍ଚ । ସେପଟେ ସୁଟିଂ ହୋଇଥିବା କିଛି ଫାଇଲ୍ସକୁ ମାନସ ନେଇଯାଇଥିଲା ବୋଲି ଜେରାରେ କହିଛି ଶର୍ମିଷ୍ଠା । କିନ୍ତୁ କଣ ସେ ଦୃଶ୍ୟ ସେ ନେଇ ଶର୍ମିଷ୍ଠା ଖୋଲିନି ମୁହଁ ।

ଝୁନା ବିରୋଧରେ ହତ୍ୟାକାଣ୍ଡ ଭୂମିକାର ପ୍ରମାଣ ମିଳିଥିଲେ ମଧ୍ୟ ରିମାଣ୍ଡରେ କ୍ରସଚେକ କରିବ ତଦନ୍ତକାରୀ ଦଳ । ଏପରିକି ଡାଏରୀରେ ନିରଞ୍ଜନଙ୍କ କିଛି ହାତ ଲେଖା କଥା ଉଲ୍ଲେଖ ରହିଛି । ତାକୁ ନେଇ ମଧ୍ୟ ତନାଘନା କରିବ ଟିମ୍ । ପୂର୍ବରୁ ମୁଖ୍ୟ ହତ୍ୟାକାରୀ ଶର୍ମିଷ୍ଠାକୁ କ୍ରାଇଂବ୍ରାଞ୍ଚ ବିଭିନ୍ନ ସ୍ଥାନକୁ ନେଇ ମାନସ ହତ୍ୟା ସମ୍ବନ୍ଧରେ ସୂଚନା ପାଇସାରିଛି  । କେଉଁଠାରେ ଓ କେମିତି ହତ୍ୟା କରିଥିଲେ  । ହତ୍ୟା ପାଇଁ କେଉଁ କେଉଁ ଉପକରଣ କିଣାଯାଇଥିଲା ଓ କେଉଁଠୁ କିଣାଯାଇଥିଲା  । କିଏ ଓ କେମିତି ଏହି କାର୍ଯ୍ୟରେ ଶର୍ମିଷ୍ଠାକୁ ସାହାଯ୍ୟ କରିଥିଲେ ତାହାର ସମସ୍ତ ଦସ୍ତାବିଜ ସଂଗ୍ରହ କରିସାରିଛି କ୍ରାଇମବ୍ରାଞ୍ଚ  ।