ମାସ୍କ ଚେକିଂ ବେଳେ ପୋଲିସର ମାଡ଼ ଅଭିଯୋଗ; ଉତ୍ୟକ୍ତ ଲୋକଙ୍କ ରାସ୍ତା ଅବରୋଧ

ଭଦ୍ରକ ୧୪/୦୧ : ମାସ୍କ ଚେକିଂ ସମୟରେ ପୋଲିସ ଠାରୁ ମାଡ଼ ଖାଇ ଜଣେ ଯୁବକ ଆହତ ହୋଇଛନ୍ତି । ଏହାକୁ ବିରୋଧ କରି ରାସ୍ତା ରୋକ କରିଛନ୍ତି ଉତ୍ୟକ୍ତ ସ୍ଥାନୟ ବାସିନ୍ଦା। ଏଭଳି ଘଟଣା ଭଦ୍ରକ ଜିଲ୍ଲା ଚାନ୍ଦବାଲି ରାସ୍ତାର ହଲଦିଡିହ ଛକ ପାଖରେ ଦେଖିବାକୁ ମିଳିଛି।

ଖବର ଅନୁସାରେ ଭଦ୍ରକ ଚାନ୍ଦବାଲି ରାସ୍ତାର ହଳଦୀଡିହ ଛକ ନିକଟରେ ଟାୟାର ଜାଳି ରାସ୍ତାରୋକ କରିଛନ୍ତି ଉତ୍ୟକ୍ତ ଲୋକେ । ସେଠାରେ ପ୍ରତ୍ୟକ ଦିନ ପୁରୁଣାବଜାର ପୋଲିସ ଦ୍ୱାରା ମାସ୍କ ଓ ହେଲମେଟ ଚେକିଂ କରାଯାଏ।  ତେବେ ସନ୍ଧ୍ୟା ବେଳେ ପୁରୁଣାବଜାର ପୋଲିସ ଚେକିଂ କରୁଥିବା ସମୟରେ ନାଥସାହି ଅଞ୍ଚଳର ଜଣେ ଯୁବକଙ୍କୁ ପୋଲିସ ମାଡ଼ ମାରିଥିବା  ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ପୋଲିସ ମାଡ଼ରେ ଯୁବକ ଜଣଙ୍କ ଆହତ ହୋଇ ଭଦ୍ରକ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣା ପଡ଼ିଛି । ତେବେ ସ୍ଥାନୀୟ ଲୋକେ ପୋଲିସର ମାତ୍ରାଧିକ କାର୍ଯ୍ୟାନୁଷ୍ଠାନକୁ ବିରୋଧ କରି  ରାସ୍ତା ରୋକ କରିଛନ୍ତି । ଉତ୍ତେଜନାକୁ ଦେଖି ଭଦ୍ରକ ଏସଡ଼ିପିଓ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଛନ୍ତି ।