୨ ମାସ ପରେ ମୁହଁ ଖୋଲିଲେ ସୌମ୍ୟରଂଜନ

କିଛିମାସ ପରେ ପୁଣି କ୍ୟାମେରା ସାମ୍ନାକୁ ଫେରିଲେ ଖଣ୍ଡପଡା ବିଧାୟକ ସୌମ୍ୟରଂଜନ ପଟ୍ଟନାୟକ । ବିଜେଡିରୁ ବହିଷ୍କୃତ ହେବା ପରେ ମିଡିଆରୁ ଦୂରେଇ ରହିବା ସହ ଗଣମାଧ୍ୟମ ସାମ୍ନାରେ କିଛି କହୁନଥିଲେ କି ପରାମର୍ଶ ବି ଦେଉନଥିଲ । ହେଲେ ହଠାତ୍‌ ଏବେ ପୁଣି ଥରେ ସୌମ୍ୟରଂଜନ ସାଧାରଣ ସଭାରେ ଯୋଗ ଦେଲେ, ଗଣମାଧ୍ୟମକୁ ପ୍ରତିକ୍ରିୟା ବି ଦେଲେ । ଯାହାକୁ ନେଇ ତେଜିବାରେ ଲାଗିଛି ରାଜନୀତି । ବିଜେଡିର ପୂର୍ବତନ ଉପସଭାପତି ତଥା ଖଣ୍ଡପଡ଼ାର ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କୁ ନେଇ ଚର୍ଚ୍ଚା ସବୁବେଳେ ଲାଗିରୁହେ । କେତେବେଳେ ସରକାରଙ୍କୁ ସମାଲୋଚନା କରିବା ହେଉ କି ସରକାରଙ୍କ ଦୋଷଦୁର୍ବଳତାକୁ ବାହାରକୁ ଆଣିବା ହେଉ…ତାଙ୍କର ଗୋଟିଏ ମନ୍ତବ୍ୟ ରାଜନୀତିରେ ସୃଷ୍ଟି କରେ ଝଡ଼ । ହେଲେ ଦଳରୁ ବିଦା ହେବା ପରେ ଗୋଟିଏ ପ୍ରକାର ଅଦୃଶ୍ୟ ହୋଇଯାଇଥିଲେ ସୌମ୍ୟ । ଏମିତିକି ମିଡିଆ ସାମ୍ନାକୁ ବି ଆସୁନଥିଲେ । ହେଲେ ଛାତ୍ର ନିର୍ବାଚନକୁ ନେଇ ସେ ଯେଉଁ ପ୍ରତିକ୍ରିୟା ରଖିଛନ୍ତି ତାହାକୁ ନେଇ ବଢିଲାଣି ଚର୍ଚ୍ଚା ।