ପୂର୍ବତନ ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକଙ୍କୁ ଭେଟିଲେ ରାଜ୍ୟ ସଭାପତି ମନମୋହନ ସାମଲ

ଭୁବନେଶ୍ୱର, ତା.୨୦/୦୬: କୋଭିଡରେ ଆକ୍ରାନ୍ତ ହୋଇ ଗତ ଦୁଇ ବର୍ଷ ଧରି ଜୀବନ ସଂଗ୍ରାମରେ କରୋନାକୁ ପରାଜିତ କରି ସୁସ୍ଥ ହୋଇ ଗତକାଲି ଓଡ଼ିଶାକୁ ଫେରିଛନ୍ତି ପୂର୍ବତନ ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକ। ଆଜି ସନ୍ଧ୍ୟାରେ ଶ୍ରୀ ନାଏକଙ୍କୁ ତାଙ୍କ ଭୁବନେଶ୍ୱର ସ୍ଥିତ ବାସଭବନରେ ରାଜ୍ୟ ସଭାପତି ଶ୍ରୀ ମନମୋହନ ସାମଲ ଭେଟି ତାଙ୍କର ସ୍ଵାସ୍ଥ୍ୟବସ୍ଥା ସମ୍ପର୍କରେ ବୁଝିଥିଲେ। ଏଥି ସହିତ ବିଭିନ୍ନ ପ୍ରସଙ୍ଗରେ ମଧ୍ୟ ଆଲୋଚନା କରିଥିଲେ।

ଏହି ଅବସରରେ ବରିଷ୍ଠ ନେତା ସଜ୍ଜନ ଶର୍ମା, ବିରଞ୍ଚି ତ୍ରିପାଠୀ, ଦିଲ୍ଲୀପ ମଲ୍ଲିକ, ଶାରଦା ଶତପଥୀ, ନିରଞ୍ଜନ ମିଶ୍ର, ସରୋଜ କର, ସୁଜିତ୍ ଦାସ, ରତିକାନ୍ତ ଦାସ, ଲାଲା ମନୋଜ ରାୟ, ଦୂର୍ଗା ନାୟକ, ଦୀପକ ରାୟ ମହାପାତ୍ର ପ୍ରମୁଖ ଉପସ୍ଥିତ ଥିଲେ।