ତ୍ରିପୁରାରେ ଆଜିଠୁ ନୂଆ ସରକାର
ତ୍ରିପୁରାରେ ମାଣିକ ସାହା ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ଏହି ଶପଥ ଗ୍ରହଣ ସମାରୋହରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ ବିଜେପି ଅଧ୍ୟକ୍ଷ ଜେପି ନଡ୍ଡା ଉପସ୍ଥିତ ଥିଲେ। ମାଣିକ ସାହାଙ୍କୁ ସୋମବାର ସର୍ବସମ୍ମତି କ୍ରମେ ବିଧାୟକଙ୍କ ନେତା ଭାବରେ ନିର୍ବାଚିତ କରାଯାଇଥିଲା।ମାଣିକ ସାହାଙ୍କ ସମେତ ମୋଟ ୯ ଜଣ ବିଧାୟକ ମନ୍ତ୍ରୀ ପଦର ଶପଥ ନେଇଥିଲେ। ରାଜ୍ୟପାଳ ଏସ.ଏନ୍ ଆର୍ଯ୍ୟ ମାଣିକ ସାହାଙ୍କୁ ରାଜ୍ୟର ଦ୍ୱାଦଶ ମୁଖ୍ୟମନ୍ତ୍ରୀ ଭାବେ ଶପଥ ପାଠ କରାଇଥିଲେ। ସେପଟେ ତ୍ରିପୁରା କଂଗ୍ରେସ ନିର୍ବାଚନ ପରେ ହୋଇଥିବା ହିଂସାକୁ ଦର୍ଶାଇ ଶପଥ ଗ୍ରହଣ ସମାରୋହକୁ ବହିଷ୍କାର କରିଛି।