ସୋମବାର ପଦ୍ମପୁର ଉପନିର୍ବାଚନ : ୩୧୯ଟି ବୁଥ୍ରେ ପଡିବ ଭୋଟ
ପଦ୍ମପୁର ୦୪।୧୨ : ସୋମବାର ପଦ୍ମପୁର ଉପନିର୍ବାଚନ। ଭୋଟ୍ ଦେବେ ପଦ୍ମପୁର ଭୋଟର । ନିଜ ମନ ପସନ୍ଦର ନେତା ବାଛିବେ । ୮ ତାରିଖରେ ଭୋଟ୍ ଗଣତି ପରେ ଆସିବ ଫଳାଫଳ । ପଦ୍ମପୁର ନିର୍ବାଚନକୁ ଅବାଧ ଓ ନିରପେକ୍ଷ କରିବା ପାଇଁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି। ନିର୍ବାଚନ ମଣ୍ଡଳୀରେ ୩୧୯ ଟି ବୁଥ୍ ରହିବ। ୭୪ ଟି ଅତି ସମ୍ବେଦନଶୀଳ, ୫୨ ଟି ସମ୍ବେଦନଶୀଳ, ୩ଟି ବ୍ଲକ ରେ ୬ଟି ପିଙ୍କ୍ ବୁଥ୍ ଓ ୧୦ଟି ମଡେଲ୍ ବୁଥ୍ କରାଯାଇଛି । ନିର୍ବାଚନ ପାଇଁ ଅଧିକ କେନ୍ଦ୍ରୀୟ ଫୋର୍ସ ମୁତୟନ ହେବେ। ମାଓ ଉପଦ୍ରୁତ ଅଞ୍ଚଳ ପାଇଁ ଅର୍ଦ୍ଧସାମରିକ ବାହିନୀ ଆସି ପହଞ୍ଚିଛନ୍ତି। ଅତିସମ୍ବେଦନଶୀଳ, ସମ୍ବେଦନଶୀଳ ବୁଥ୍ ରେ ଏମାନଙ୍କୁ ମୁତୟନ କରାଯିବ । ଏହାକୁ ନେଇ ଇଣ୍ଟର୍ ଷ୍ଟେଟ୍ ବୋର୍ଡର ସମନ୍ବୟ ବୈଠକ ମଧ୍ୟ ଶେଷ ହୋଇଛି । ଏନେଇ ଜିଲ୍ଲାପାଳ ସୂଚନା ଦେଇଛନ୍ତି ।
କିଭଳି ନିର୍ବାଚନକୁ ସ୍ୱଚ୍ଛ ,ଅବାଧ କରାଯାଇ ପାରିବ ସେ ନେଇ ବ୍ୟାପକ ବ୍ୟବସ୍ଥା କରାଯାଇଛି। ଜନସାଧରଣଙ୍କୁ ନିଜର ଅଧିକାର ସାବ୍ୟସ୍ତ କରିବାକୁ ଏବଂ ଅଧିକରୁ ଅଧିକ ଲୋକେ ନିର୍ବାଚନ ପ୍ରକ୍ରିୟାରେ ଭାଗ ନେଇ ଶାନ୍ତି ଶୃଙ୍ଖଳାର ସହିତ ଭୋଟ୍ ଦେବାକୁ ନିବେଦନ କରିଛନ୍ତି ବରଗଡ଼ ଜିଲାପାଳ ଓ ଏସ୍.ପି ।