ପିତୃ ଦୋଷରୁ ମୁକ୍ତି ପାଇଁ କରନ୍ତୁ ଏହି କାମ

ଘରେ ଦୀପ ଜାଳିବା ଦ୍ୱାରା କେବଳ ଭଗବାନ ସନ୍ତୁଷ୍ଟ ହୁଅନ୍ତି ନାହିଁ ବରଂ ବାସ୍ତୁ ଦୋଷ ମଧ୍ୟ ଦୂର ହୋଇଯାଏ। ଯଦି ଆପଣ ନିୟମିତ ପୂଜା କରିବାକୁ ସକ୍ଷମ ନୁହଁନ୍ତି, ତେବେ ପିତୃ ଦୋଷ, ବାସ୍ତୁ ଦୋଷ ଏବଂ ଗ୍ରହମାନଙ୍କର ଅଶୁଭ ପ୍ରଭାବକୁ କମ୍ କରିବା ପାଇଁ ପ୍ରତିଦିନ ଏକ ଦୀପ ଜାଳନ୍ତୁ। ଘରେ ଘିଅ କିମ୍ବା ତେଲର ଦୀପ ଜାଳିବା ଦ୍ୱାରା ଧାର୍ମିକ ଲାଭ ମିଳିଥାଏ। ଆସନ୍ତୁ ଜାଣିବା ଘରର କେଉଁ ସ୍ଥାନରେ ଦୀପ ଜାଳିବାର କ’ଣ ଲାଭ ହୋଇଥାଏ।

ପିତୃପୁରୁଷଙ୍କୁ ଶାନ୍ତ କରିବା ପାଇଁ –

କୁହାଯାଏ ଅସ୍ୱଥ ଗଛରେ ପିତୃପୁରୁଷମାନେ ରୁହନ୍ତି। ତେଣୁ ପ୍ରତ୍ୟେକ ଦିନ ଅସ୍ୱଥ ଗଛ ମୂଳରେ ଜଳ ଢାଳିବା ସହିତ ଘିଅର ଦୀପ ଜାଳିବା ଉଚିତ। ଏହା କରିବା ଦ୍ୱାରା ପିତୃପୁରୁଷମାନେ ଖୁସି ହୁଅନ୍ତି । ପିତୃପୁରୁଷଙ୍କ ଆଶୀର୍ବାଦ ପାଇବାକୁ, ଘରର ଦକ୍ଷିଣ ଦିଗରେ ଏକ ଦୀପ ଜାଳନ୍ତୁ।

ମା ଅନ୍ନପୂର୍ଣ୍ଣାଙ୍କ କୃପା ପାଇବାକୁ ପାଇଁ –

ଯେଉଁମାନେ ରୋଷେଇ ଘର ଚୁଲିର ଉଭୟ ପାର୍ଶ୍ୱରେ ଦୀପ ଜାଳନ୍ତି, ସେମାନଙ୍କର ଖାଦ୍ୟର ଅଭାବ ନଥାଏ। ଏହିପରି ଲୋକଙ୍କ ଘରେ ଅନ୍ନର ଭଣ୍ଡାର ରହିଥାଏ।

ଧନ ବୈଭବ ପ୍ରାପ୍ତି –

ଶୁକ୍ରବାର ଦିନ ସନ୍ଧ୍ୟାରେ ଘରର ଐଶାନ୍ୟ କୋଣରେ ଘିଅର ଦୀପ ଜାଳିବା ଦ୍ୱାରା ମା ଲକ୍ଷ୍ମୀଙ୍କ ଆଶୀର୍ବାଦ ପ୍ରାପ୍ତ ହୋଇଥାଏ। ଦୀପରେ ଲାଲ୍ ରଙ୍ଗର ସୂତା ସହିତ କିଛି କେଶର ମିଶାଇ ଜାଳନ୍ତୁ।  ଯଦି ଆପଣ ଦାରିଦ୍ର୍ୟରୁ ମୁକ୍ତି ପାଇବାକୁ ଚାହାଁନ୍ତି, ତେବେ ଦକ୍ଷିଣ ଦିଗରେ ଏକ ତେଲ ଦୀପ ଜାଳନ୍ତୁ।