ଚନ୍ଦ୍ରାୟନ ୫କୁ ନେଇ ପ୍ରଧାନମନ୍ତ୍ରୀଙ୍କ ବଡ଼ ଘୋଷଣା, ଏକାଠି କାମ କରିବେ ଭାରତ ଓ ଜାପାନର ସ୍ପେସ ଏଜେନ୍ସି

ଚନ୍ଦ୍ରାୟନ ୫ କୁ ନେଇ ଖୁସି ଖବର ।  ଚନ୍ଦ୍ରାୟନ ୫ କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବଡ ଘୋଷଣା ।  ଭାରତ ଓ ଜାପାନର ସ୍ପେସ ଏଜେନ୍ସି ଉଭୟ ଚନ୍ଦ୍ରାୟନ ୫ ଦିଗରେ କାମ କରିବେ ।  ଚନ୍ଦ୍ରାୟନ ୫ ମିଶନ ପାଇଁ ଭାରତୀୟ ଅନ୍ତରୀକ୍ଷ ଅନୁସନ୍ଧାନ ସଂଗଠନ ଇସ୍ରୋ ଓ ଜାପାନ ୟେରୋସ୍ପେଶ ଏକ୍ସପ୍ଲୋରେସନ ଏଜେନ୍ସି JAXA ମଧ୍ୟରେ ଆଲୋଚନା ହୋଇଥିବା କହିଛନ୍ତି ପ୍ରଧାନମନ୍ତ୍ରୀ ।

ଟୋକିଓରେ ଜାପାନ ପ୍ରଧାନମନ୍ତ୍ରୀ ଶିଗେରୁ ଇସିବାଙ୍କ ସହ କଥା ହେବା ପରେ ଏନେଇ ଘୋଷଣା କରିଛନ୍ତି ।  ଇସିବାଙ୍କ ସହ ଆଲୋଚନା ଗଠନମୂଳକ ଓ ଉଦ୍ଦେଶ୍ୟ ପୂର୍ଣ୍ମ ରହିଥିବା କହିଥିଲେ ମୋଦୀ ।  ଚନ୍ଦ୍ରାୟନ ମିଶନ ୩  ର ସଫଳତା ପରେ ଚନ୍ଦ୍ରାୟନ ୫ ରେ ଭାରତ ଜାପାନ ସହ ମିଶି କାମ କରିବା ଦ୍ବାରା ଅତ୍ୟାଧୁନିକ ଟେକନିକ ଓ ଅନୁସନ୍ଧାନ ମୂଳକ କାରକ ଉପରେ ଅଧିକ ଗୁରୁତ୍ବ ଦେବାର ଲାଭ ଉଠାଇ ପାରିବ ।ଏହି ମିଶନରେ ଏକ ଭାରତ ନିର୍ମିତ ଲ୍ୟାଣ୍ଡର ଓ ଜାପାନ ନିର୍ମିତ ରୋବର ବ୍ୟବହୃତ ହେବ ।  ଏହି ରୋବର ଚନ୍ଦ୍ରପୃଷ୍ଠରେ ସବୁଠୁ ଭାରି ରୋବର ହେବ । ଯାହା ଜାପାନରୁ ଚନ୍ଦ୍ରପୃଷ୍ଠକୁ ଉତ୍ତକ୍ଷେପଣ କରାଯିବ । ଚନ୍ଦ୍ରାୟନ ୪ ପରେ ଚନ୍ଦ୍ରାୟନ ୫  କୁ ଲଞ୍ଚ କରାଯିବ । ଏହି ମିଶନ ଦ୍ବାରା ଚନ୍ଦ୍ରରୁ ମାଟିର ନମୂନା ଆଣିବା ନେଇ ଲକ୍ଷ୍ୟ ରଖାଯାଇଛି ।