ରାଜନୈତିକ ଶତ୍ରୁତାକୁ କେନ୍ଦ୍ର କରି ଜଣେ ବ୍ୟକ୍ତିଙ୍କୁ ହତ୍ୟା

ଜଣାଯାଇଛି  ଯେ, ନକୁଳ ବାଣ୍ଠଙ୍କୁ ୨୦୧୬ ଫେବୃଆରୀ ୧୩ରେ ସଙ୍ଘବଦ୍ଧ ଭାବେ ଆକ୍ରମଣ କରାଯାଇ ହତ୍ୟା କରାଯାଇଥିଲା। ନକୁଳ ନିଜ ଗ୍ରାମ ଖଇରପଟି ବାଲୁଙ୍କେଶ୍ୱର ମହାଦେବଙ୍କ ପୀଠରେ ଆୟୋଜିତ ମାଘ ସପ୍ତମୀ ଯାତ୍ରାରେ ଦୋକାନ କରିବାକୁ ମନସ୍ଥ କରିଥିଲେ। ଦୋକାନ ପାଇଁ ସେ ଇଟାମାଟି ବଜାରରୁ ସଉଦାପତ୍ର କିଣି ଅପରାହ୍ଣରେ ବାଇକ୍ ଯୋଗେ ଶଙ୍ଖେଇ-କେସ୍ତପଡ଼ା ରାସ୍ତା ଦେଇ ଗ୍ରାମକୁ ଫେରୁଥିଲେ। ତେବେ ତାଙ୍କୁ ହତ୍ୟା କରିବାକୁ ଯୋଜନା କରାଯାଇଥିଲା। ଯୋଜନା ଅନୁଯାୟୀ କେସ୍ତପଡ଼ା ଛକ ନିକଟରେ ଅସ୍ତ୍ରଶସ୍ତ୍ର ଧରି ଦୁର୍ବୃତ୍ତମାନେ ଅପେକ୍ଷା କରି ରହିଥିଲେ। ସେହି ବାଟ ଦେଇ ନକୁଳ ଆସିବା ମାତ୍ରେ ତାଙ୍କୁ ଦୁର୍ବୃତ୍ତମାନେ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିଲେ। ସେ ତଳେ ପଡ଼ିଯିବା ପରେ ଦୁର୍ବୃତ୍ତମାନେ ତାଙ୍କର ଆଖି ତାଡ଼ି ଦେଇ ପଳାଇ ଯାଇଥିଲେ। ଘଟଣାସ୍ଥଳରେ ନକୁଳଙ୍କ ମୃତ୍ୟୁ ଘଟିଥିଲା। ରାଜନୈତିକ ଶତ୍ରୁତା ଯୋଗୁଁ ସ୍ୱାମୀଙ୍କୁ ହତ୍ୟା କରାଯାଇଛି ବୋଲି ତାଙ୍କ ପତ୍ନୀ ପୁଷ୍ପାଞ୍ଜଳି ଶରଣକୁଳ ଥାନାରେ ଅଭିଯୋଗ କରିଥିଲେ।