ଗର୍ଭାବସ୍ଥା ସମୟରେ ଟ୍ରାଭେଲ କରିବାକୁ ଚିନ୍ତା କରୁଛନ୍ତି କି ? ଜାଣନ୍ତୁ କେଉଁ ସବୁ ଜିନିଷକୁ ଧ୍ୟାନ ଦେବେ

ଗର୍ଭାବସ୍ଥା ସମସ୍ତ ମହିଳାଙ୍କ ପାଇଁ ଏକ ଆରାମଦାୟକ ଏବଂ ଖୁସିର ସମୟ ହୋଇଥାଏ । କିନ୍ତୁ ଏହି ସମୟରେ ଗର୍ଭବତୀ ମହିଳାମାନେ ବହୁତ ଯତ୍ନ ନେବା ଆବଶ୍ୟକ ହୋଇଥାଏ । ଏହା ସହିତ ସାଧାରଣ ମହିଳାଙ୍କ ଅପେକ୍ଷା ସେହି ସମୟରେ ଗର୍ଭବତୀ ମହିଳାଙ୍କୁ ନିଜ ସ୍ୱାସ୍ଥ୍ୟର ଅଧିକ ଯତ୍ନ ନେବା ଉଚିତ । ଏହା ବ୍ୟତୀତ ଅନେକ ପ୍ରକାରର ସତର୍କତା ମଧ୍ୟ ରଖିବାକୁ ପଡିଥାଏ । ଖାଇବା ଅଭ୍ୟାସଠାରୁ ଆରମ୍ଭ କରି ଉଠିବା ଏବଂ ବସିବା ପର୍ଯ୍ୟନ୍ତ ମହିଳାମାନଙ୍କୁ ଗର୍ଭାବସ୍ଥାରେ ଅନେକ ଜିନିଷର ଯତ୍ନ ନେବାକୁ ପଡିଥାଏ ।

ଏଥି ସହିତ, ଯଦି ମହିଳାମାନେ ବାହାରକୁ ଭ୍ରମଣ କରିବାକୁ ଯାଉଛନ୍ତି କିମ୍ବା ଗର୍ଭାବସ୍ଥାରେ ଏହା ବିଷୟରେ ଚିନ୍ତା କରୁଛନ୍ତି, ତେବେ ସେମାନେ ନିଶ୍ଚିତ ଭାବରେ ଏହା ବିଷୟରେ ଡାକ୍ତରଙ୍କ ପରାମର୍ଶ ନେବା ଉଚିତ୍ । ତଥାପି, ଆମେ ଆଜି ଆପଣଙ୍କୁ ଏହାକୁ ନେଇ କିଛି କଥା କହିବୁ, ଯେ ଗର୍ଭାବସ୍ଥାରେ ଯାତ୍ରା କରିବା ଠିକ୍ କି ଭୁଲ୍ । ଏହା ସହ କେଉଁ ସବୁ ଜିନିଷର ଅଧିକ ଧ୍ୟାନ ରଖିବା ଉଚିତ ।

କେଉଁ ସମୟରେ ଭ୍ରମଣ କରିବେ :
ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ ଗର୍ଭଧାରଣର ଦ୍ୱିତୀୟ ଓ ତୃତୀୟ ମାସରେ ଯାତ୍ରା କରିବା ସେମାନଙ୍କ ସ୍ୱାସ୍ଥ୍ୟ ପାଇଁ ଉଚିତ୍ । ତେବେ ଭ୍ରମଣ ପାଇଁ ଏହା ଏକ ସୁରକ୍ଷିତ ସମୟ ହୋଇଥାଏ । କିନ୍ତୁ ଏହା ସହିତ ଡାକ୍ତରମାନେ ଏହା ମଧ୍ୟ କହିଛନ୍ତି, ଯେ ଯଦି ଜଣେ ମହିଳା ଗର୍ଭଧାରଣ ସମୟରେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି, ତେବେ ତାଙ୍କୁ କୌଣସି ସ୍ଥାନକୁ ଯାତ୍ରା କରିବାକୁ ବାରଣ କରାଯାଇପାରେ । ଏଭଳି ପରିସ୍ଥିତିରେ ମହିଳା ତୁରନ୍ତ ଡାକ୍ତରଙ୍କ ପାଖକୁ ଯିବା ଉଚିତ୍ । ଯାହା ଦ୍ୱାରା ତାଙ୍କ ସ୍ୱାସ୍ଥ୍ୟରେ ଆଗକୁ କିଛି ସମସ୍ୟା ହେବ ନାହିଁ ।

ତେବେ ଆମେ ଆଜି ଆପଣଙ୍କୁ ଜଣାଇବୁ ଯେ ପ୍ରଥମ ତିନି ମାସରେ ଗର୍ଭବତୀ ମହିଳାଙ୍କ ପାଇଁ ଯାତ୍ରା କରିବାରେ ଅଧିକ ବିପଦର ଆଶଙ୍କା ରହିନଥାଏ । ସେଥିପାଇଁ ଏହି ପରିସ୍ଥିତିରେ, ଦ୍ୱିତୀୟ ଓ ତୃତୀୟ ମାସରେ ସେମାନେ ବାହାରକୁ ଯାତ୍ରା କରିପାରିବେ ।

ତୃତୀୟ ମାସ ସୁରକ୍ଷିତ ହୋଇଥାଏ :

ତୃତୀୟ ମାସରେ ମୁଣ୍ଡବିନ୍ଧା, ବାନ୍ତି ଏବଂ ଅସୁସ୍ଥତା ପରି ସମସ୍ୟା କମ୍ ଅନୁଭବ ହୋଇଥାଏ । ଯାହାଫଳରେ ଏହି ମାସରେ ଗର୍ଭବତୀ ମହିଳାମାନଙ୍କ ମନୋବଳ ଉନ୍ନତ ହୋଇଥାଏ ଏବଂ ସେମାନଙ୍କ ସ୍ୱାସ୍ଥ୍ୟ ଭଲ ରହିଥାଏ ।

ଗର୍ଭାବସ୍ଥା ସମୟରେ କେଉଁ ଜିନିଷ ଜରୁରୀ ହୋଇଥାଏ :

ଗର୍ଭାବସ୍ଥାରେ ଯେକୌଣସି ପ୍ରକାରର ଯାତ୍ରାର ପ୍ଲାନ କରୁଛନ୍ତି, ସେଥିପାଇଁ ଆପଣଙ୍କୁ ଡାକ୍ତରଙ୍କ ପରାମର୍ଶ ନେବା ଉଚିତ ଏବଂ ସମସ୍ତ ଆବଶ୍ୟକୀୟ ଚେକଅପ୍ କରିବା ମଧ୍ୟ ଜରୁରୀ । ଏହା ସହ ଯାତ୍ରା କରିବା ସମୟରେ ନିଜ ସ୍ୱାସ୍ଥ୍ୟ ପ୍ରତି ଅଧିକ ଧ୍ୟାନ ଦେବା ଜରୁରୀ ହୋଇଥାଏ । ଏହା ପରେ ଡାକ୍ତର ଦେଇଥିବା ମେଡିସିନ୍‌କୁ ଠିକ୍‌ ସମୟରେ ଖାଇବା ଓ ସମସ୍ତ ମେଡିକାଲ ରିପୋର୍ଟ ମଧ୍ୟ ନିଜ ପାଖରେ ରଖିବା ଜରୁରୀ । ତେବେ ଗର୍ଭାବସ୍ଥା ସମୟରେ ଏହି ସବୁ କଥାକୁ ଧ୍ୟାନ ଦେଇ ବାହାରକୁ ଟ୍ରାଭେଲ କରିବା ଆପଣଙ୍କ ସ୍ୱାସ୍ଥ୍ୟ ପାଇଁ ଠିକ୍‌ ରହିବ ।