ସତ ହେଲା ପ୍ରମୋଦ ଭଗତଙ୍କ ପିଲାଦିନର ସ୍ୱପ୍ନ

ଭୁବନେଶ୍ୱର: ଟୋକିଓ ପାରା ଅଲମ୍ପିକରେ ସ୍ୱର୍ଣ୍ଣପଦକ ଜିତିଥିବା ଓଡ଼ିଆ ପୁଅ ପ୍ରମୋଦ ଭଗତ ଜନ୍ମମାଟିକୁ ଫେରିଛନ୍ତି । ଭାରତ ଫେରିବା ପରେ ପ୍ରମୋଦଙ୍କ ସହ ଭେଟ ହୋଇଛନ୍ତି ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର । ତେନ୍ଦୁଲକରଙ୍କୁ, ପ୍ରମୋଦ ଗତ ୮ ତାରିଖରେ ଭେଟିଥିଲେ । ସଚିନଙ୍କୁ ଭେଟିବା ତାଙ୍କର ପିଲାଦିନର ସ୍ୱପ୍ନ ଥିଲା ବୋଲି ପ୍ରମୋଦ ଭଗତ କହିଛନ୍ତି ।

ତେନ୍ଦୁଲକରଙ୍କୁ ଭେଟିବା ପରେ ନିଜକୁ ବିଶ୍ୱାସ କରିପାରିନଥିବା କହିଛନ୍ତି । ଛୁଆ ହିସାବରେ ମୁଁ ତାଙ୍କଠାରୁ ପ୍ରେରଣା ପାଇଛି । ସଚିନଙ୍କ ସହ ହୋଇଥିବା କଥା ବାର୍ତ୍ତାକୁ କେବେ ଭୁଲି ହେବନି । ତେନ୍ଦୁଲକର ଦେଇଥିବା ଉପଦେଶ ଜୀବନ ସାରା ମନେ ରହିବ । ଟୋକିଓ ମିକ୍ସ ଡବଲ୍ସରେ ପଲକ କୋହଲି ଭଲ ଖେଳିଥିଲେ ମଧ୍ୟ ତାଙ୍କ ଅଭିଜ୍ଞତା କମ ଯୋଗୁଁ ମ୍ୟାଚ ହାରିଲୁ । ଆଗାମୀ ଦିନରେ ଯୋଡ଼ି ଭଲ କରିବ ବୋଲି ଆଶା ରଖିଛନ୍ତି ପ୍ରମୋଦ ।