ଜେନେରାଲ ଶ୍ରେଣୀରେ ଯୋଡ଼ି ହେବ ୬ ହଜାରରୁ ଅଧିକ ବଗି
ନୂଆଦିଲ୍ଲୀ: ଭାରତୀୟ ରେଳ ବିଶ୍ବର ସବୁଠୁ ବଡ଼ ରେଳ ନେଟୱର୍କ । ନିଇତି ପ୍ରାୟ ଅଢେଇ କୋଟିରୁ ଉର୍ଦ୍ଧ୍ବ ଲୋକ ଟ୍ରେନରେ ଯାତ୍ରା କରନ୍ତି । ସାଧାରଣତଃ ରିର୍ଜଭ କ୍ଲାସ୍ରେ ଯେତିକି ଲୋକ ଯାତ୍ରା କରନ୍ତି ଜେନେରାଲ କ୍ଲାସ୍ରେ ୧୦୦ ସିଟ୍ ଥିବା ପରେ ବି ୪୦୦ ଲୋକ ଗୋଟିଏ ଗୋଟିଏ ବଗିରେ ଯାତ୍ରା କରୁଥିବା ଦେଖିବାକୁ ମିଳେ । କାରଣ ଅଚାନକ ଯିବାକୁ ହେଲେ ରିର୍ଜଭବେସନରେ ଟିକେଟ୍ ମିଳେ ନାହିଁ । ତେଣୁ ଜେନେରାଲ କ୍ଲାସ୍ରେ ପେଲାଠେଲା ହୋଇ ଯାତ୍ରା କରନ୍ତି ଯାତ୍ରୀ । କିନ୍ତୁ ଏବେ ଯେମିତି ହେବନି । କାରଣ ଜେନେରାଲ ଶ୍ରେଣୀରେ ଯୋଡ଼ି ହେବ ଆହୁରି ଅନେକ ବଗି । ତେଣୁ ଭିଡ଼ କମିବା ସହିତ ଆହୁରି ଆରାମ ଦାୟକ ହେବ ଯାତ୍ରା ।କମ୍ ପଇସାରେ ଯାତ୍ରା କରିବାକୁ ହେଲେ ଇଣ୍ଡିଆନ ରେଳବାଇ ହିଁ ସବୁଠୁ ଆଗରେ ରହିବ । ସେଇଥିଲାଗି ତ ପ୍ରତିଦିନ କୋଟି କୋଟି ଲୋକ ଏଥିରେ ଯାତ୍ରା କରନ୍ତି । କିନ୍ତୁ ସିଟ୍ଠୁ ଅଧିକ ସଂଖ୍ୟାରେ ଯାତ୍ରୀ ଯାତ୍ରା କରୁଥିବା କାରଣରୁ ପ୍ରବଳ ଭିଡ଼ ହୁଏ । ତେଣୁ ଜେନେରାଲ ଶ୍ରେଣୀରେ ବଗି ସଂଖ୍ୟା ବଢାଇବାକୁ ଜୋରଦାର ପ୍ରସ୍ତୁତି କରୁଛି ରେଳ ମନ୍ତ୍ରଣାଳୟ । ବଜେଟ୍ରେ ଏନେଇ ବି ଅର୍ଥ ବ୍ୟୟବରାଦ ହୋଇଛି । ରେଲୱେ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ଆଗାମୀ ବର୍ଷେ ଭିତରେ ୬ ହଜାରରୁ ଅଧିକ ବଗି ନିର୍ମାଣ କରାଯିବ । ଯାହାଦ୍ବାର ପ୍ରାୟ ୬ ଲକ୍ଷ ଯାତ୍ରୀ ଉପକୃତ ହେବେ । ତେବେ ଜେନେରାଲ ବଗି ସେହି ଟ୍ରେନ୍ରେ ଯୋଡ଼ାଯିବ ଯେଉଁ ଟ୍ରେନ୍ରେ ଅଧିକ ଯାତ୍ରୀ ଯାତ୍ରା କରୁଥିବେ ।