ହିନ୍ଦୀ ଉପନ୍ୟାସକୁ ମିଳିଛି ଅନ୍ତର୍ଜାତୀୟ ’ବୁକର’ ପୁରସ୍କାର

ନୂଆଦିଲ୍ଲୀ: ପ୍ରଖ୍ୟାତ ଲେଖିକା ଗୀତାଞ୍ଜଳି ଶ୍ରୀଙ୍କ ପ୍ରଥମ ଥର ପାଇଁ  ହିନ୍ଦୀ ଉପନ୍ୟାସ ରେତ ସମାଧୀ ବା ଟମ୍ବ ଅଫ୍ ସ୍ୟାଣ୍ଡକୁ ମିଳିଛି ସମ୍ମାନଜନକ ଆନ୍ତର୍ଜାତୀୟ ‘ବୁକର’ ପୁରସ୍କାର । ଭାରତୀୟ ଭାଷାରେ ବୁକର ପୁରସ୍କାର ପାଇବାରେ ପ୍ରଥମ ଉପନ୍ୟାସ ଭାବେ କୀର୍ତ୍ତିମାନ ସୃଷ୍ଟି କରିଛି ରାତ ସମାଧୀ । ଦିଲ୍ଲୀର ଲେଖିକା ଗୀତାଞ୍ଜଳି ଶ୍ରୀ ଏହାକୁ ହିନ୍ଦୀ ଭାଷାରେ ଲେଖିଥିବା ବେଳେ ଡେଜି ରକବେଲ ଏହାକୁ ଇଂରାଜୀରେ ଅନୁବାଦ କରିଥିଲେ ।୨୦୧୮ରେ ଏହାର ହିନ୍ଦୀ ସଂସ୍କରଣ ରେତ୍ ସମାଧୀ ଉନ୍ମୋଚିତ ହୋଇଥିଲା । ପରେ ଏହାକୁ ଇଂରାଜୀ ଭାଷାରେ ଅନୁବାଦ କରାଯାଇଥିଲା । ବହିର ଟାଇଟେଲ ରଖାଯାଇଥିଲା ଟମ୍ବ ଅଫ୍ ସାଣ୍ଡ । ଏହି ପୁରସ୍କାର ପାଇଁ ବିଶ୍ୱର ୧୩୫ଟି ବହିକୁ ଚୟନ କରାଯାଇଥିଲା । ଗୀତାଞ୍ଜଳିଙ୍କ ପୁସ୍ତକ ରେତ ସମାଧୀ ୫୦ ହଜାର ପାଉଣ୍ଡ ପୁରସ୍କାର ପାଇବା ପାଇଁ ଯୋଗ୍ୟ ବିବେଚିତ ହୋଇଛି ।