ରୁଚି ଗ୍ରାହକ ଜିତିଲେ ୧୨ଲକ୍ଷ ଟଙ୍କାର କାର୍
ରୁଚି ଫେଷ୍ଟିଭାଲ ଅଫର୍ରେ ଗ୍ରାହକମାନଙ୍କୁ ଆକର୍ଷଣୀୟ ପୁରସ୍କାର
ଭୁବନେଶ୍ୱର,୨୬ା୨ : ଓଡ଼ିଶାରେ ଘରେ ଘରେ ବେଶ୍ ଲୋକପ୍ରିୟ ରୁଚି ମସଲା ଦୀର୍ଘ ୪୬ବର୍ଷ ଧରି ତା’ର ପ୍ରିୟ ଗ୍ରାହକମାନଙ୍କୁ ବିଭିନ୍ନ ସମୟରେ ସେମାନଙ୍କ ସହଯୋଗ ପାଇଁ ବିଶେଷ ଉପହାର ଓ ରିହାତି ପ୍ରଦାନ କରିଆସୁଛି। ଏହି କ୍ରମରେ ଗତବର୍ଷ ଜୁଲାଇ- ନଭେମ୍ବର ମଧ୍ୟରେ ରୁଚି କରି ପାଉଡ଼ର, ଚିକେନ ମସଲା, ମିଟ୍ ମସଲା ଓ ଗରମ ମସଲାର ୫୦ ଓ ୧୦୦ ଗ୍ରାମ ପ୍ୟାକ୍କୁ ନେଇ ଫେଷ୍ଟିଭାଲ ବୋନାଞ୍ଜା ଅଫର୍ ଜରିଆରେ ଗ୍ରାହକମାନେ ପ୍ରତିଦିନ ସ୍ୱର୍ଣ୍ଣ ଓ ରୌପ୍ୟମୁଦ୍ରା ଉପହାର ଜିତିଥିଲେ। ଲକିଡ୍ର ଜରିଆରେ ଉଠାଣ କରାଯାଇ ବମ୍ପର ପୁରସ୍କାର ଭାବେ ପାରାଦ୍ୱୀପର ଜଣେ କର୍ମଜୀବି ରଂଜନ ପଟ୍ଟନାୟକ ପ୍ରଥମ ପୁରସ୍କାର ଭାବେ ଜିତିଛନ୍ତି ୧୨ ଲକ୍ଷ ମୂଲ୍ୟର ଟାଟା ନେକ୍ସନ କାର । ଭୁବନେଶ୍ୱରର ସ୍ୱସ୍ତି ପ୍ରିମିୟମଠାରେ ଶନିବାର ଦିନ ଆୟୋଜିତ ଏକ ବର୍ଣ୍ଣାଢ଼୍ୟ କାର୍ଯ୍ୟକ୍ରମରେ ଓଡ଼ିଆ ଚଳଚ୍ଚିତ୍ର ଜଗତର ତାରକା ଆକାଶ ଦାସ ନାୟକ ଓ ପ୍ରକୃତି ମିଶ୍ର ବିଶିଷ୍ଟ ଅତିଥି ଭାବେ ଯୋଗ ଦେଇ ଏହି ପୁରସ୍କାର ପ୍ରଦାନ କରିଥିଲେ। ଖାଦ୍ୟ ପ୍ରକ୍ରିୟାକରଣ ଶିଳ୍ପ ଉଦ୍ୟୋଗ କ୍ଷେତ୍ରରେ ଗ୍ରାହକମାନଙ୍କ ପାଇଁ ଓଡ଼ିଶାରେ ଏହା ଏକ ବଡ଼ ପୁରସ୍କାର ବୋଲି ଘୋଷଣା କରାଯାଇଛି। ସେହିଭଳି ଦ୍ୱିତୀୟ ପୁରସ୍କାର ଭାବେ କେନ୍ଦ୍ରାପଡ଼ାର ସ୍ୱରାଜ ରାଉତରାୟ, କଟକର ଅକ୍ଷୟ ସ୍ୱାଇଁ, ବ୍ରହ୍ମପୁରର ରବୀନ୍ଦ୍ର କୁମାର ନାୟକଙ୍କୁ ମିଳିଛି ହୋଣ୍ଡା ଆକ୍ଟିଭା ଗାଡ଼ି, ତୃତୀୟ ପୁରସ୍କାର ଭାବେ କଟକର ଜଗନ୍ନାଥ ପାଣିଗ୍ରାହୀ ଓ ସୂର୍ଯ୍ୟକାନ୍ତ ସାହୁ, ଭୁବନେଶ୍ୱରର ଅଭିଜୟ ଦାଶ, ନେମାଳର ମୃତ୍ୟୁଞ୍ଜୟ ଦଳାଇ, ପୁରୀର ହିଂମାଶୁ ପ୍ରଧାନଙ୍କୁ ରେଫ୍ରିଜେରେଟର ପୁରସ୍କାର ପ୍ରଦାନ କରାଯାଇଥିଲା । ୪ର୍ଥ ପୁରସ୍କାର ଭାବେ ପୁରୀର ସୁବାସ ସାହୁ, ଭଦ୍ରକର ଶୀତାଂଶୁ ଶେଖର ସାହୁ ଓ ସୁମିତନ ନାୟକ, ଭୁବନେଶ୍ୱରର ଲିନା କାଣ୍ଡି ଓ ଲୋକନାଥ ମହାରଥୀଙ୍କୁ ମାଇକ୍ରୋ ଓଭାନ୍ ଏବଂ ୫ମ ପୁରସ୍କାର ଭାବେ ୧୦ଜଣଙ୍କୁ ମିକ୍ସର ଗ୍ରାଇଣ୍ଡର ଉପହାର ପ୍ରଦାନ କରାଯାଇଥିଲା । ସେହିଭଳି ଅନ୍ୟ ୭ଜଣଙ୍କୁ ସାନ୍ତ୍ୱନାମୂଳକ ପୁରସ୍କାର ପ୍ରଦାନ କରାଯାଇଥିଲା । ବିଶିଷ୍ଟ ଉଦ୍ୟୋଗୀ ତଥା ପ୍ରଯୋଜକ ଅକ୍ଷୟ କୁମାର ପରିଜା ଓ ମହାବୋଧି ସୋସାଇଟିର ଟ୍ରଷ୍ଟି ଡକ୍ଟର ସୌରେନ୍ଦ୍ର କୁମାର ମହାପାତ୍ର ପ୍ରମୁଖ ଅତିଥି ଭାବେ ଯୋଗଦେଇଥିଲେ ।
ଓଡ଼ିଶାର ଏକନମ୍ବର ମସଲା ବ୍ରାଣ୍ଡ ଭାବେ ଅଶେଷ ଲୋକପ୍ରିୟତା ଅର୍ଜନ କରିଥିବା ରୁଚି ଉଦ୍ୟୋଗ ୪୬ ବର୍ଷର ଯାତ୍ରା ମଧ୍ୟରେ କୋଟିକୋଟି ଗ୍ରାହକମାନଙ୍କର ବିଶ୍ୱାସନୀୟତାକୁ ପାଥେୟ କରି ସଫଳତା ପାଇଛି ବୋଲି କହିଥିଲେ ବିଶିଷ୍ଟ ଉଦ୍ୟୋଗୀ ତଥା ‘ରୁଚି’ର ପରିଚାଳନା ନିର୍ଦ୍ଦେଶକ ଡକ୍ଟର ଶରତ କୁମାର ସାହୁ । ଓଡ଼ିଶାବାସୀଙ୍କ ଏହି ଭଲପାଇବାର ପ୍ରତିଦାନ ଓ ଋଣ ସୁଝିବା ପାଇଁ ‘ରୁଚି’ ତା’ର ଗ୍ରାହକମାନଙ୍କୁ ପୂର୍ବରୁ ଏଭଳି ଅନେକ ଉପହାର ଦେଇଆସିଛି ଏବଂ ଆଜିର ଏହି ପୁରସ୍କାର ହେଉଛି ସବୁଠାରୁ ଏକ ବଡ଼ ଉପହାର ।
ଏହି ସ୍ୱତନ୍ତ୍ର ଉପହାର ଯୋଜନାରେ ଗ୍ରାହକମାନଙ୍କ ପାଖରୁ ରୁଚି ୨୫ଲକ୍ଷ ବାର୍ଚାା ପାଇଥିଲା ଓ ୧କୋଟି ୨୦ଲକ୍ଷ ପ୍ୟାକେଟ ବିକ୍ରି
କରିଥିଲା। ଏହି ଯୋଜନା ଅବଧିରେ କମ୍ପାନୀ ୪୦ପ୍ରତିଶତ ଅଧିକ ସାମଗ୍ରୀ ବିକ୍ରି କରିଥିଲା । ପ୍ରତିମାସର ପୁରସ୍କାର ସ୍ୱରୂପ ମଧ୍ୟ ପୂର୍ବରୁ ୧୫୦ଜଣ ଗ୍ରାହକଙ୍କୁ ସ୍ୱର୍ଣ୍ଣ ଓ ୧୫୦ଜଣ ଗ୍ରାହକଙ୍କୁ ରୌପ୍ୟମୁଦ୍ରା ପ୍ରଦାନ କରାଯାଇଛି । ମସଲା, ସିମାଇ, ପାସ୍ତା, ନୁଡୁଲ୍ସ, ସେରେଲ୍ସ, ଫ୍ରୋଜନ୍ ରେଡ଼ି ଟୁ ଇଟ୍ ଓ ରେଡ଼ି ଟୁ କୁକ୍ ସାମଗ୍ରୀ ସହିତ ଅନେକ ସ୍ୱାସ୍ଥ୍ୟପ୍ରଦ ଖାଦ୍ୟସାମଗ୍ରୀ ଏବଂ ପାନୀୟ ପ୍ରସ୍ତୁତ କରୁଥିବା ଓଡ଼ିଶାର ଏକ ବୃହତ ଖାଦ୍ୟପ୍ରକ୍ରିୟାକରଣ ଅନୁଷ୍ଠାନ ଭାବେ ‘ରୁଚି’ ଓଡ଼ିଶା ଏବଂ ଓଡ଼ିଶା ବାହାରେ ସ୍ୱତନ୍ତ୍ର ପରିଚୟ ସୃଷ୍ଟି କରିଛି । ଆଗାମୀ ସୁବର୍ଣ୍ଣ ଜୟନ୍ତୀ ବର୍ଷ ପାଳନ ପରିପ୍ରେକ୍ଷୀରେ ଗ୍ରାହକମାନଙ୍କ ପାଇଁ ଅନୁରୂପ ଉପହାର ଯୋଜନା ଜାରି ରହିବ ବୋଲି କହିଥିଲେ ନିର୍ଦ୍ଦେଶକ ଅରବିନ୍ଦ ସାହୁ। ଏହି ଅବସରରେ ରୁଚି ସାମଗ୍ରୀଗୁଡ଼ିକୁ ନେଇ ପ୍ରସ୍ତୁତ ମସାଲେଦାର କଂବୋ ପ୍ୟାକ୍ ମଧ୍ୟ ଉନ୍ମୋଚିତ ହୋଇଥିଲା। ଅନ୍ୟମାନଙ୍କ ମଧ୍ୟରେ ‘ରୁଚି’ର ନିର୍ଦ୍ଦେଶିକା ଶ୍ରୀମତୀ ସଙ୍ଗୀତା ସାହୁ, ରଶ୍ମୀ ସାହୁ, ସଲିନା ସାହୁ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। ରୁଚିର ମାର୍କେଟିଂ ବିଭାଗ ମୁଖ୍ୟ ଦେବବ୍ରତ ପଟ୍ଟନାୟକ ଅତିଥିମାନଙ୍କୁ ସ୍ୱାଗତ କରିଥିଲେ। କଣ୍ଠଶିଳ୍ପୀ ସତ୍ୟଜିତ ଜୟହୋ ସଙ୍ଗୀତ ପରିବେଷଣ କରିଥିଲା ବେଳେ କଳାକାର ପ୍ରଜ୍ଞା, ଶଙ୍କର, ଶିବାନୀ ପ୍ରମୁଖ କାର୍ଯ୍ୟକ୍ରମ ପରିବେଷଣ କରିଥିଲେ। ମୋକ୍ଷ ଡ୍ୟାନ୍ସ ଏକାଡ଼େମୀ ପକ୍ଷରୁ ମନୋଜ୍ଞ ସାଂସ୍କୃତିକ ବିଚିତ୍ରା ପରିବେଷଣ କରାଯାଇଥିଲା। ଜାଗୃତି ଓ ଅଙ୍କିତା କାର୍ଯ୍ୟକ୍ରମ ସଂଯୋଜନା କରିଥିଲେ। ରୁଚିର ସେଲସ୍ ହେଡ଼୍ ଦିଲ୍ଲୀପ ସାହୁ, ମାନବସମ୍ବଳ ବିଭାଗ ସହକାରୀ ମହାପ୍ରବନ୍ଧକ ଅମ୍ବରୀଶ ପଟ୍ଟନାୟକ, ଲୋକସଂପର୍କ ପ୍ରବନ୍ଧକ
ଶୁଭେନ୍ଦୁ କୁମାର ଭୂୟାଁ, ପ୍ରଶାସନିକ ପ୍ରବନ୍ଧକ ମୃଣାଳିନୀ ରାଉତ, ହେରାଲଡ଼୍ର ମୁଖ୍ୟ ସୂର୍ଯ୍ୟ ରଥ, ହ୍ୱାଇଟ କାନଭାସ୍ର ମୁଖ୍ୟ ଉଲ୍ଲାସ ଚନ୍ଦ୍ର ବେହୁରା, ଚିଚାୁ ମିଶ୍ର, ରୁଚିର ଉପପ୍ରବନ୍ଧକ ନ୍ୟାୟବ୍ରତ ରାଉତ, ଅଙ୍କିତ ମହାପାତ୍ର, ସାଗର ରଂଜନ ବାରିକ ଓ ସୋନାଲି ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।