ଖାଦ୍ୟପାନୀୟର କିଛି ନିୟମ

ଖାଦ୍ୟ ଖାଇବା ବେଳେ ଖାଦ୍ୟ ପ୍ରତି ସର୍ବଦା ଯତ୍ନବାନ ହେବା ଆବଶ୍ୟକ। ଆବଶ୍ୟକ ଠାରୁ ଅଧିକ ଖାଦ୍ୟ ଖାଇଲେ ପାଚନ ତନ୍ତ୍ର ଉପରେ କୁପ୍ରଭାବ ପକାଇଥାଏ। ରାତି ଭୋଜନରେ ସାଧାରଣ ଖାଦ୍ୟ ଖାଆନ୍ତୁ ଅଥାତ ଅଧିକ ତେଲ ମସଲାଯୁକ୍ତ ଖାଦ୍ୟ ଖାଆନ୍ତୁ ନାହିଁ।

ଖାଦ୍ୟ ଖାଇବାର ୩୦ ମିନିଟ ପରେ ପାଣି ପିଅନ୍ତୁ। ଖାଦ୍ୟ ଖାଇବା ପରେ ତୁରନ୍ତ ଶୁଅନ୍ତୁ ନାହିଁ।ତମ୍ବାର ପାତ୍ରରେ ପାଣି ପିଇବା ଖୁବ ଲାଭଦାୟକ ଅଟେ। ତମ୍ବାରେ ବ୍ୟାକ୍ଟେରିଆ ମାନଙ୍କୁ ନଷ୍ଟ କରିବାର ଗୁଣ ରହିଛି। ଯାହା ଆମକୁ ବିଭିନ୍ନ ସଂକ୍ରମଣ ରୋଗରୁ ରକ୍ଷା କରିବାରେ ସାହାଯ୍ୟ କରିଥାଏ। ତମ୍ବା ପାତ୍ରରେ ଥିବା ପାଣି ପିଇଲେ ଯକୃତ ସୁସ୍ଥ ରହିଥାଏ। ତେଣୁ ନିୟମିତ ତମ୍ବା ପାତ୍ରରେ ପାଣି ପିଇବା ଉଚିତ।

ପ୍ରତିଦିନ କିଛି ସମୟ ବ୍ୟାୟାମ କରନ୍ତୁ। ଏହା ଦ୍ୱାରା ସ୍ୱାସ୍ଥ୍ୟ ଜନିତ ବହୁ ସମସ୍ୟା ଦୂର ହୋଇଥାଏ।ଶୋଇବାର କିଛି ସମୟ ପୂର୍ବରୁ ଇଲୋଟ୍ରୋନିକ ଦ୍ରବ୍ୟର ବ୍ୟବହାର କରନ୍ତୁ ନାହିଁ। ଏହା ମସ୍ତିଷ୍କ ଉପରେ କୁପ୍ରଭାବ ପକାଇଥାଏ। ରାତି ସମରେ ନିଶ୍ଚୟ ୮ ଘଣ୍ଟା ଶୁଅନ୍ତୁ। ଶରୀର ସୁସ୍ଥ ରହିବା ପାଇଁ ଏହା ନିତ୍ୟାନ୍ତ ଆବଶ୍ୟକ।

ଆମେ ଖାଦ୍ୟ ଖାଇ ଦିନ ସମୟରେ ଅଧିକ ସମୟ ବସିଥାଉ। ମାତ୍ର ସିଧାଭାବେ ବସିବା କଥା ନୁହେଁ ନଚେତ ଶରୀରର ବିଭିନ୍ନ ଅଙ୍ଗ ବ୍ୟଥା ହେବା ସହ ମେରୁଦଣ୍ଡ ଉପରେ ମଧ୍ୟ କୁପ୍ରଭାବ ପଡ଼ିଥାଏ।