ରିଙ୍କୁ ତୁମ ବାହାଘରକୁ ଯିବି ଆଉ ନାଚିବି, ପ୍ରତିଶୃତି ଦେଲେ ଶାହରୁଖ

କୋଲକାତା: ବଲିଉଡ ତାରକା ଶାହରୁଖ ଖାନ ଆଇପିଏଲ୍ ୨୦୨୩ରେ ତାଙ୍କ ଦଳ କୋଲକାତା ନାଇଟ୍ ରାଇଡର୍ସକୁ ସମର୍ଥନ କରିବାକୁ ଆଜିକାଲି ଷ୍ଟାଡିୟମରେ ନଜର ଆସୁଛନ୍ତି | କିଙ୍ଗ ଖାନ ପ୍ରାୟ ସବୁ ମ୍ୟାଚରେ ନିଜ ଦଳକୁ ଚିୟର କରୁଥିବାର ଦେଖିବାକୁ ମିଳିଛି। ଅନ୍ୟପଟେ କ୍ରମାଗତ ପାଞ୍ଚଟି ଛକା ମାରିବା ପରେ ଦଳର ଷ୍ଟାର ବ୍ୟାଟ୍ସମ୍ୟାନ୍ ରିଙ୍କୁ ସିଂ ବର୍ତ୍ତମାନ ଚର୍ଚ୍ଚାରେ ରହିଛନ୍ତି। ଏବେ ବ୍ୟାଟ୍ସମ୍ୟାନ୍ ଏକ ବଡ଼ ଖୁଲାସା କରିଛନ୍ତି। ରିଙ୍କୁ ସିଂ କହିଛନ୍ତି ଯେ ଶାହରୁଖ ଖାନ ତାଙ୍କୁ ତାଙ୍କ ବିବାହରେ ଆସି ନାଚିବାକୁ ପ୍ରତିଶୃତି ଦେଇଛନ୍ତି। ଗୁଜୁରାଟ ଟାଇଟାନ୍ସ ବିପକ୍ଷରେ ଖେଳାଯାଇଥିବା ଏକ ମ୍ୟାଚରେ ରିଙ୍କୁ ସିଂ ଶେଷ ଓଭରର ଶେଷ ପାଞ୍ଚଟି ବଲରେ କ୍ରମାଗତ ୬ଟି ଛକା ମାରି ଦଳକୁ ଜିତାଇଥିଲେ। ଏହି ମ୍ୟାଚ୍ ପରେ ଶାହରୁଖ ଖାନ ମଧ୍ୟ ନିଜ ଟୁଇଟର ଜରିଆରେ ରିଙ୍କୁ ସିଂଙ୍କ ପାଇଁ ପୋଷ୍ଟ କରିଥିଲେ।
ବର୍ତ୍ତମାନ, କେକେଆର ଏବଂ ଆରସିବି ମଧ୍ୟରେ ଖେଳାଯାଇଥିବା ମ୍ୟାଚ ପରେ ରିଙ୍କୁ ସିଂ ପ୍ରକାଶ କରିଛନ୍ତି ଯେ ଶାହରୁଖ ଖାନ ତାଙ୍କୁ ସେହି ରାତିରେ ଡାକିଥିଲେ। ରିଙ୍କୁ କହିଥିଲେ,ଯେ ସେ (ଶାହରୁଖ ଖାନ) ମୋ ବିବାହ ବିଷୟରେ କହୁଥିଲେ। ରିଙ୍କୁ ଆହୁରି କହିଛନ୍ତି ଯେ ଶାହରୁଖ ଖାନ କହିଥିଲେ ଯେ, “ଲୋକମାନେ ତାଙ୍କୁ ତାଙ୍କ ବିବାହକୁ ନିମନ୍ତ୍ରଣ କରନ୍ତି, କିନ୍ତୁ ମୁଁ ଯାଏ ନାହିଁ। କିନ୍ତୁ ତୁମର ବାହାଘରକୁ ମୁଁ ଯିବି ଆଉ ନାଚିବି’ | ଉଲ୍ଲେଖ ଥାଉ କି ରିଙ୍କୁ ସିଂ ଚଳିତ ସିଜିନରେ ମୋଟ ୮ଟି ମ୍ୟାଚ୍ ଖେଳିଛନ୍ତି। ଏହି ମ୍ୟାଚଗୁଡିକରେ ବ୍ୟାଟିଂ କରି ସେ ୨୫୧ ରନ୍ ସଂଗ୍ରହ କରିଛନ୍ତି ଏଥିରେ ୨ଟି ଅର୍ଦ୍ଧଶତକ ମଧ୍ୟ ରହିଛି | ରିଙ୍କୁ ଏପର୍ଯ୍ୟନ୍ତ ମୋଟ ୧୫ଟି ଚୌକା ଓ ୧୮ଟି ଛକା ମାରିଛନ୍ତି।