ଖାଲି ପେଟରେ ଚା’ ପିଇଛନ୍ତି କି ? ହୋଇପାରେ ଏହି ସବୁ ସମସ୍ୟା…

ଯଦି ଆପଣ ସକାଳୁ ଉଠି ଖାଲି ପେଟରେ ଚା’ ପିଇବାକୁ ପସନ୍ଦ କରନ୍ତି। ତେବେ ଏହି ଅଭ୍ୟାସ ଆପଣଙ୍କ ପାଇଁ କ୍ଷତିକାରକ ହୋଇପାରେ । ଅନୁସନ୍ଧାନରୁ ଜଣାପଡିଛି ଯେ, ଯଦି ଆପଣ ଖାଲି ପେଟରେ ଚା’ ଓ କଫି ଖାଲି ପିଇବାକୁ ପସନ୍ଦ କରୁଛନ୍ତି, ତାହାଲେ ଏହା ଆପଣଙ୍କ ହଜମ ପ୍ରକ୍ରିୟାରେ ସମସ୍ୟା ସୃଷ୍ଟି କରିବା ସହ ମେଟାବୋଲିଜିମକୁ ମଧ୍ୟ କ୍ଷତି ପହଞ୍ଚାଏ । ଖାଲି ପେଟରେ ଚା’ପିଇବା ଦ୍ୱାରା ଡିହାଇଡ୍ରେସନ୍, କୋଷ୍ଠକାଠିନ୍ୟ, ପେଟରେ ଗ୍ୟାସ୍, ବାନ୍ତି ଭଳି ସମସ୍ୟା ମଧ୍ୟ ହୋଇପାରେ ।

ଖାଲି ପେଟରେ ଚା’କିମ୍ବା କଫି ପିଇଲେ କ୍ଷତି ହୋଇଥାଏ –

ଆମେ ଖାଲି ପେଟରେ ଚା ପିଇବା ଦ୍ୱାରା ଯକୃତରୁ ମୁକ୍ତ ହୋଇଥିବା ପିତ୍ତ ରସ ହଜମ ପ୍ରକ୍ରିୟାରେ ସାହାଯ୍ୟ କରେ ନାହିଁ । ଯାହା ଫଳରେ ବାନ୍ତି, ମୁଣ୍ଡ ବୁଲାଇବା, ହୃଦଘାତ ଏବଂ ପେଟ ଯନ୍ତ୍ରଣା ଭଳି ସମସ୍ୟା ସୃଷ୍ଟି ହୋଇଥାଏ । ଯାହା ଫଳରେ ପାଟିରେ ଅନେକ ବ୍ୟାକ୍ଟେରିଆ ଉତ୍ପନ୍ନ ହୋଇଥାନ୍ତି, ଚା ପିଇବା ସମୟରେ ପେଟ ଭିତରକୁ ଯାଆନ୍ତି ଓ ଗୁଡ଼ ବ୍ୟାକ୍ଟେରିଆକୁ ବ୍ୟାଘାତ କରିଥାନ୍ତି । ଏହା ମେଟାବୋଲିଜିମ୍ ଉପରେ ପ୍ରଭାବ ପକାଇଥାଏ ଏବଂ ପେଟରେ ଅନେକ ପ୍ରକାରର ସମସ୍ୟା ଆରମ୍ଭ ହୁଏ । ତେବେ ଆସନ୍ତୁ ଜାଣିବା ଚା’ ପିଇବା ଦ୍ୱାରା କ’ଣ କ’ଣ କ୍ଷତି ହୋଇଥାଏ…

ଏସିଡିଟି- ଖାଲି ପେଟରେ ଚା ପିଇବା ଦ୍ୱାରା ଆମର ଭୋକ ମରିଯାଏ ଏବଂ ଖାଇବାକୁ ଇଚ୍ଛା ହୋଇନଥାଏ । ଏହି କାରଣରୁ ଗ୍ୟାସ ସମସ୍ୟା ଆରମ୍ଭ ହୁଏ । ଫଳରେ ପେଟରେ ଏସିଡିଟି ସମସ୍ୟା ହୋଇଥାଏ ।

ଅଲସର୍– ସକାଳେ ଖାଲି ପେଟରେ ଚା’ ପିଇବା ଦ୍ୱାରା ପେଟର ଭିତର ଅଂଶ ନଷ୍ଟ ହୋଇଯାଏ । ଯଦି ଏହା ଦୀର୍ଘ ସମୟ ଧରି ରହିଥାଏ, ଅଲସର ଏବଂ ଏସିଡିଟି ସମସ୍ୟା ଆରମ୍ଭ ହୁଏ ।

ହାଡ ଦୁର୍ବଳ-ଖାଲି ପେଟରେ ଚା’ ପିଇବା ଦ୍ୱାରା କିଛି ବର୍ଷ ମଧ୍ୟରେ ଶରୀରର ଗଣ୍ଠିରେ ଯନ୍ତ୍ରଣା ହୁଏ । ଭବିଷ୍ୟତରେ ହାଡ ଗୁଡ଼ିକ ମଧ୍ୟ ଦୁର୍ବଳ ହୋଇଯାଏ ।

ପୁରୁଷମାନଙ୍କର ପ୍ରୋଷ୍ଟେଟ ସମସ୍ୟା –ସକାଳେ ଖାଲି ପେଟ ଚା ’  ପିଇବା କାରଣରୁ ପୁରୁଷମାନଙ୍କଠାରେ ପ୍ରୋଷ୍ଟେଟ ସମ୍ବନ୍ଧୀୟ ସମସ୍ୟା ଦେଖା ଦେଇପାରେ ।

ଡିହାଇଡ୍ରେସନ୍- ରାତି ସାରା ଶୋଇବା ଯୋଗୁଁ ଆମ ଶରୀରରେ ପାଣି ପାଇନଥାଏ, ଯେଉଁଥିପାଇଁ ଶରୀର ଡିହାଇଡ୍ରେଟ୍ ରହିଥାଏ । ଏପରି ପରିସ୍ଥିତିରେ ଯଦି ଆପଣ ଶରୀରରେ କଫିନ୍ ମିଶାନ୍ତି, ତେବେ ଡିହାଇଡ୍ରେସନ୍ ସମସ୍ୟା ବଢ଼ିଯାଏ ।

ଅନିଦ୍ରା-ଅତ୍ୟଧିକ ଚା ’ପିଇବା ଦ୍ୱାରା ନିଦ୍ରାହୀନତାର ସମସ୍ୟା ମଧ୍ୟ ହୋଇପାରେ । ଏହି କାରଣରୁ ଚିଡ଼ଚିଡ଼ା ଲାଗିବା ସହ ଥକାପଣର ସମସ୍ୟା ଦେଖାଦେଇଥାଏ ।

ମେଟାବୋଲିଜିମ୍ –ଏହା ଶରୀରରେ ଥିବା ଏସିଡ୍ ଏବଂ ଅଲକାଲାଇନ ସନ୍ତୁଳନକୁ ଡିଷ୍ଟର୍ବ କରିଥାଏ।