ରାମମନ୍ଦିର ଖୋଲିବା ପରଠାରୁ ୨୫ ଲକ୍ଷ ଶ୍ରଦ୍ଧାଳୁ ଦର୍ଶନ କଲେଣି: ୧୧ ଦିନରେ ୧୧ କୋଟି ଟଙ୍କା

ଅଯୋଧ୍ୟା: ଅଯୋଧ୍ୟା ରାମମନ୍ଦିରରେ ଜାନୁଆରି ୨୨ରେ ରାମଲାଲାଙ୍କ ପ୍ରାଣପ୍ରତିଷ୍ଠା ସମାରୋହକୁ ୧୧ ଦିନ ପୂରିଗଲାଣି। ଉଭୟ ମନ୍ଦିର ଓ ରାମଲାଲା ମୂର୍ତ୍ତିର ସୌନ୍ଦର୍ଯ୍ୟକୁ ନେଇ ସାରା ବିଶ୍ୱ ଆଶ୍ଚର୍ଯ୍ୟ ହେଉଥିବା ବେଳେ ବହୁ ସଂଖ୍ୟକ ନାଗରିକ ମନ୍ଦିର ଦର୍ଶନ କରିବା ସହ ନିକଟରୁ ଦର୍ଶନ କରିବାରେ ସଫଳ ହୋଇଛନ୍ତି। ଏହି ୧୧ ଦିନରେ ୨୫ ଲକ୍ଷ ଶ୍ରଦ୍ଧାଳୁ ରାମ ଜନ୍ମଭୂମିକୁ ଆସିଥିବା ବେଳେ ଦାନ ବାକ୍ସରେ ପାଖାପାଖି ୮ କୋଟି ଟଙ୍କା ଜମା ହୋଇଛି। ଏହାବ୍ୟତୀତ ଅନଲାଇନରେ ୩.୫୦ କୋଟି ଟଙ୍କା ଦାନ କରାଯାଇଛି।
ମନ୍ଦିର ଟ୍ରଷ୍ଟର କାର୍ଯ୍ୟାଳୟ ପ୍ରଭାରୀ ପ୍ରକାଶ ଗୁପ୍ତାଙ୍କ କହିବା ଅନୁଯାୟୀ, ପ୍ରତିଦିନ ହାରାହାରି ୨ ଲକ୍ଷ ଶ୍ରଦ୍ଧାଳୁ ରାମଲାଲାଙ୍କ ଦର୍ଶନ ପାଇଁ ଆସୁଛନ୍ତି। ମନ୍ଦିର ଗର୍ଭଗୃହରେ ଭକ୍ତମାନେ ଠିଆ ହୋଇ ଦର୍ଶନ କରିବା ସ୍ଥାନ ନିକଟରେ ୪ଟି ବଡ଼ ଦାନବାକ୍ସ ରଖାଯାଇଛି। ଏହାବ୍ୟତୀତ ଲୋକମାନେ ୧୦ଟି କମ୍ପ୍ୟୁଟରୀକୃତ କାଉଣ୍ଟରରେ ଦାନ ମଧ୍ୟ କରିଥାନ୍ତି। ଦାନ କାଉଣ୍ଟରରେ ମନ୍ଦିର ଟ୍ରଷ୍ଟ କର୍ମଚାରୀଙ୍କୁ ନିଯୁକ୍ତ କରାଯାଏ ଏବଂ ସନ୍ଧ୍ୟାରେ କାଉଣ୍ଟର ବନ୍ଦ ହେବା ପରେ ସେମାନେ ଟ୍ରଷ୍ଟ କାର୍ଯ୍ୟାଳୟରେ ପ୍ରାପ୍ତ ଦାନ ରାଶିର ହିସାବ ଦାଖଲ କରନ୍ତି। ଦୈନିକ ରୁଟିନରେ ୧୪ ଜଣିଆ ଟିମ୍ ଅନ୍ତର୍ଭୁକ୍ତ- ୧୧ ଜଣ ବ୍ୟାଙ୍କ କର୍ମଚାରୀ ଏବଂ ଟ୍ରଷ୍ଟର ୩ ଜଣ କର୍ମଚାରୀ। ସେମାନେ ୪ଟି ବାକ୍ସରେ ମିଳିଥିବା ଦାନ ଅର୍ଥକୁ ଗଣନ୍ତି। ସିସିଟିଭି କ୍ୟାମେରା ନଜରରେ ସବୁକିଛି ରହୁଛି।