ସମାଜସେବୀ ଦେବେନ୍ଦ୍ର ସାହୁଙ୍କ ପରଲୋକ

ପିପିଲିର ସର୍ବପୁରାତନ ଚଳଚ୍ଚିତ୍ର ପ୍ରେକ୍ଷାଳୟ ‘ବିଜୟାଶ୍ରୀ ଟକିଜ’ର ସେ ମାଲିକ ହୋଇଥିବା ବେଳେ ଅଞ୍ଚଳର ସାମାଜିକ ଓ ସାଂସ୍କୃତିକ ବିକାଶରେ ତାଙ୍କର ସ୍ୱତନ୍ତ୍ର ଅବଦାନ ଥିଲା। ବିଭିନ୍ନ ଅନୁଷ୍ଠାନ ଓ ବ୍ୟକ୍ତି ବିଶେଷଙ୍କୁ ସେ ସର୍ବଦା ସାହାର୍ଯ୍ୟର ହାତ ବଢାଉଥିଲେ। ଛୋଟ ପିଲାଙ୍କ ଠାରୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ ସମସ୍ତେ ତାଙ୍କୁ ଭାଇ ବୋଲି ସମ୍ବୋଧନ କରୁଥିବା ବେଳେ ସ୍ଥାନୀୟ ଅଞ୍ଚଳରେ ସେ ‘ଚକୋଲେଟ୍‍ ମ୍ୟାନ୍‍’ ଭାବେ ପରିଚିତ ଥିଲେ। ସ୍ଥାନୀୟ ଜବାହର ବିଦ୍ୟାପୀଠର ସେ ପ୍ରଥମବର୍ଷର ମାଟ୍ରିକପାସ୍‍ ଛାତ୍ର ଥିଲେ। ଜଣେ ଉଚ୍ଚକୋଟିର ମେଳାପି, ମ୍ରିଭାଷି, ସ୍ନେହୀ ପରୋପକାରୀ ମଣିଷ ଭାବେ ସେ ସମଗ୍ର ଅଞ୍ଚଳରେ ଖ୍ୟାତି ଅର୍ଜ୍ଜନ କରିଥିଲେ। ତାଙ୍କ ପରଲୋକରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଥିବା ବେଳେ ବହୁ ବିଶିଷ୍ଟ ବ୍ୟକ୍ତି ତାଙ୍କ ପିପିଲି ସ୍ଥିତ ବାସଭବନରେ ପହଞ୍ଚି ଶେଷଦର୍ଶନ କରିବା ସହ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ। ଏକ ଶୋକାକୂଳ ପରିବେଶ ମଧ୍ୟରେ ତାଙ୍କର ଶେଷକୃତ୍ୟ ସଂପନ୍ନ ହୋଇଥିବା ବେଳେ ଦୁଇପୁଅ ଆଶିଷ ଓ ଅରବିନ୍ଦ ମୁଖାଗ୍ନି ଦେଇଥିଲେ।