ରାଜୀବଙ୍କୁ ଛାଡପତ୍ର ଦେବେ ଚାରୁ
ମୁମ୍ବାଇ ୨୩।୦୬: ଟିଭି ଅଭିନେତ୍ରୀ ଚାରୁ ଅସୋପା ଏବଂ ରାଜୀବ ସେନ୍ ଅନେକ ଥର ତାଙ୍କ ସମ୍ପର୍କକୁ ନେଇ ଚର୍ଚ୍ଚା ଥାଆନ୍ତି। ବିବାହର କିଛି ସମୟ ପରେ ସୁସ୍ମିତା ସେନ୍ଙ୍କ ଭାଇ ରାଜୀବଙ୍କ ଜୀବନରେ ଉତ୍ତେଜନା ଦେଖାଦେଇଥିଲା। ଯାହା ବିଷୟରେ ଖୁବ୍ ଆଲୋଚନା ହେଉଥିଲା। ବାସ୍ତବରେ, ବିବାହ ପୂର୍ବରୁ, ରାଜୀବ ଏବଂ ଚାରୁ ଡେଟ କରୁଥିଲେ। ବିବାହ କରିବା ପରେ ସେମାନଙ୍କ ଜୀବନରେ ସବୁକିଛି ଠିକ୍ ଚାଲିଥିଲା। ହେଲେ ହଠାତ୍ ଦୁହିଁଙ୍କ ମଧ୍ୟରେ ମତଭେଦ ହେବାର ଖବର ସାମ୍ନାକୁ ଆସିବାକୁ ଲାଗିଲା। କୁହାଯାଉଥିଲା ଯେ ଉଭୟ ବର୍ତ୍ତମାନ ଛାଡପତ୍ର ନେବେ। ହେଲେ କିଛି ସମୟ ପରେ ଦୁହିଁଙ୍କ ମଧ୍ୟରେ ସବୁକିଛି ଠିକ୍ ହୋଇଗଲା।
କହିବାକୁ ଗଲେ ବର୍ତ୍ତମାନ ଉଭୟଙ୍କର ଗୋଟିଏ ଝିଅ ହେବା ପରେ ସବୁ ଠିକ୍ ଚାଲିଲା। କିନ୍ତୁ ଏବେ ପୁଣିଥରେ ଶୁଣିବାକୁ ମିଳିଛି ଯେ ଦୁହେଁ ଅଲଗା ହେବା ପାଇଁ ମନସ୍ଥ କରୁଛନ୍ତି। ଏହି ସମୟରେ ଉଭୟଙ୍କ ମଧ୍ୟରେ କିଛି ଠିକ ହୋଇନାହିଁ। ମିଡିଆ ରିପୋର୍ଟ ଅନୁଯାୟୀ, ଚାରୁ ଏବଂ ରାଜୀବଙ୍କ ସମ୍ପର୍କରେ ବର୍ତ୍ତମାନ ଫାଟ ସୃଷ୍ଟି ହୋଇଛି। ଉଭୟ ଛାଡପତ୍ର ନେବା ପାଇଁ ନିଷ୍ପତ୍ତି ନେଇଛନ୍ତି।
ସୂଚନା ମିଳିଛି କି ପ୍ରଥମ ଦିନରୁ ଉଭୟଙ୍କ ମଧ୍ୟରେ କିଛି ଭଲ ନଥିଲା। କମ୍ପାବିଲିଟି ଯୋଗୁଁ ସେମାନଙ୍କ ସମ୍ପର୍କରେ ବାରମ୍ବାର ଏକ ଝଗଡା ହେଉଥିଲା। ହେଲେ ଏଥର ଝଗଡାରେ ପରିବାର ଲୋକ ମଧ୍ୟ ଆସି ବୁଝାସୁଝା କରିବା ପରେ ବି କୌଣସି ସୁଧାର ଆସି ନାହିଁ। ଚାରୁ ନିଜେ ଇନଷ୍ଟାଗ୍ରାମରୁ ରାଜୀବ ସେନଙ୍କ ସମସ୍ତ ଫଟୋକୁ ହଟାଇ ଦେଇଛନ୍ତି।