ସରକାର ଗଠନ ପରେ ରୂପ ବଦଳିଲା ; କାଶ୍ମୀରର ମୁସଲମାନଙ୍କ ଲାଗି ସ୍ୱର ଉଠାଇବା ଆମ ଅଧିକାର: ତାଲିବାନ

ଆଫଗାନିସ୍ତାନରେ ସରକାର ଗଢ଼ିବାକୁ ଯାଉଥିବା ତାଲିବାନ କାଶ୍ମୀରକୁ ନେଇ ବଡ଼ ବୟାନ ଦେଇଛି । ତାଲିବାନ ମୁଖପାତ୍ର ସୁହୈଲ ଶାହିନ କହିଛନ୍ତି, କାଶ୍ମୀରର ମୁସଲମାନଙ୍କ ଲାଗି ସ୍ୱର ଉଠାଇବା ପାଇଁ ଆମ ପାଖେ ଅଧିକାର ରହିଛି । ଆଶଙ୍କା କରାଯାଉଛି, ତାଲିବାନକୁ ବ୍ୟବହାର କରି କାଶ୍ମୀରରେ ମୁସଲମାନଙ୍କୁ ଉସୁକାଇବାକୁ ତାଲିବାନ ଷଡ଼ଯନ୍ତ୍ର କରୁଛି । ସୁହୈଲ କହିଛନ୍ତି, ମୁସଲମାନ ଭାବେ ଭାରତର କାଶ୍ମୀର ହେଉ ଅବା କୌଣସି ଦେଶରେ ମୁସଲମାନଙ୍କ ଲାଗି ସ୍ୱର ଉଠାଇବା ତାଲିବାନର ଅଧିକାର ରହିଛି । ଆମେ ସ୍ୱର ଉଠାଇବୁ କହିବୁ, ମୁସଲମାନ ଆପଣଙ୍କ ଲୋକ, ଆପଣଙ୍କ ଦେଶର ନାଗରିକ । ଆପଣଙ୍କ ଆଇନ୍ ଅନୁସାରେ ସମସ୍ତ ସମ୍ମାନ ।

ଏହା ପୂର୍ବରୁ ତାଲିବାନ ମୁଖପାତ୍ର ମୁଜାହିଦ କହିଥିଲା, କାଶ୍ମୀରକୁ ନେଇ ଭାରତ ଓ ପାକିସ୍ତାନ ସକରାତ୍ମକ ଦୃଷ୍ଟିକୋଣ ରଖିବା ଉଚିତ୍। ଉଭୟ ଦେଶ ଏକାଠି ବସି ବିବାଦକୁ ତୁଟାଇବା ଆବଶ୍ୟକ । ଆମେ ପଡ଼ୋଶୀ ହୋଇଥିବାରୁ ଜଣଙ୍କର ହିତ ଅନ୍ୟ ଜଣଙ୍କ ସହ ଜଡ଼ିତ ।