ଜମ୍ମୁ-କାଶ୍ମୀରରେ ପୁଣି ଟାର୍ଗେଟ୍ କିଲିଂ : ଶୋପିୟାଂରେ କାଶ୍ମୀର ପଣ୍ଡିତଙ୍କୁ ଗୁଳିମାରି ହତ୍ୟା

ପୁଣି ଥରେ କାଶ୍ମୀରରେ ଟାର୍ଗେଟ କିଲିଂର ଶିକାର ହେଲେ ଜଣେ ନୀରିହ କାଶ୍ମୀର ପଣ୍ଡିତ । ଆତଙ୍କବାଦୀଙ୍କ ଷଡଯନ୍ତ୍ରର ଶିକାର ହୋଇଛନ୍ତି ଶୋପିୟାଂରେ ରହୁଥିବା କାଶ୍ମୀର ପଣ୍ଡିତ ପୂରଣ କୃଷ୍ଣ ଭଟ୍ଟ । ପୂରଣ ଭଟ୍ଟ ତାଙ୍କ ଘର ପରିସରରେ ଥିବା ବଗିଚାରେ ବୁଲୁଥିବାବେଳେ ଆତଙ୍କବାଦୀମାନେ ତାଙ୍କ ଉପରେ ଗୁଳି ମାଡ କରିଥିଲେ । ପୂରଣ କୃଷ୍ଣଙ୍କୁ ଗୁରୁତର ଭାବେ ପାଖ ହସ୍ପିଟାଲକୁ ନିଆଯାଇଥିଲେ ବି ସେଠାରେ ଚିିକିତ୍ସା ଚାଲିଥିବା ସମୟରେ ତାଙ୍କର ମୃତ୍ୟୁ ହୋଇଛି । ପୂରଣଙ୍କ ପୂର୍ବରୁ ଶେପିୟାଂରେ ହିଁ ବାରମ୍ବାର କାଶ୍ମୀର ପଣ୍ଡିତଙ୍କୁ ହତ୍ୟା କରାଯାଇଛି । ଏହା ପୂର୍ବରୁ ଆତଙ୍କବାଦୀମାନେ କାଶ୍ମୀର ପଣ୍ଡିତ ସୁନୀଲ କୁମାର ଭଟ୍ଟଙ୍କୁ ଗୁଳିମାରି ହତ୍ୟା କରିଥିଲେ । ମେ ୩୧ ତାରିଖରେ ଗୁଲଗାଓଁ ଜିଲ୍ଲାରେ ଜଣେ ମହିଳା ସରକାରୀ ମହିଳା କର୍ମଚାରୀ ରଜନୀଙ୍କୁ ଗୁଳିମାରି ହତ୍ୟା କରିଥିଲେ । ମେ ୧୨ ତାରିଖରେ ମଧ୍ୟ କାଶ୍ମୀର ବଡଗାଓଁରେ ରାହୁଲ ଭଟ୍ଟଙ୍କୁ ମଧ୍ୟ ଗୁଳି ମାରି ହତ୍ୟା କରିଥିଲେ ଆତଙ୍କବାଦୀ ।