ଚାବି ତିଆରି କରିବାକୁ ଆସି ୩୦ ଲକ୍ଷ ଟଙ୍କାର ସୁନାଗହଣା ଚୋରି

ଗୁରୁଗ୍ରାମ – ଚାବି ତିଆରି କରୁଥିବା ଜଣେ ବ୍ୟକ୍ତି ଚାବି ତିଆରି କରିବା ପାଇଁ ଆସି ୩୦ ଲକ୍ଷ ଟଙ୍କାର ସୁନାଗହଣା ଚୋରି କରିନେଇଥିବା ଅଭିଯୋଗ ହୋଇଛି । ଅବସରପ୍ରାପ୍ତ କେନ୍ଦ୍ର ସରକାରୀ କର୍ମଚାରୀଙ୍କ ଘରୁ ଏହି ଚୋରି ହୋଇଥିବା ଅଭିଯୋଗ ହୋଇଛି । ଗୁରୁଗ୍ରାମର ସେକ୍ଟର ୧୫ରେ ଏହି ଅବସରପ୍ରାପ୍ତ କର୍ମଚାରୀ ବସବାସ କରନ୍ତି ।ତାଙ୍କ ଘରେ କିଛି ସେଫ୍‌ ବା ଆଲମାରୀରେ ତାଲା କାମ କରୁନଥିଲା । ସେ ଜଣେ ଚାବି ତିଆରି କରୁଥିବା ବ୍ୟକ୍ତିଙ୍କୁ ଘରକୁ ଡାକିଥିଲେ। ଗତ ଶୁକ୍ରବାର ଦିନ ଏହି ଘଟଣା ଘଟିଥିଲା । ସୁରେନ୍ଦ୍ର କୁମାର ଯାଦବ ନାମକ ବ୍ୟକ୍ତି ଅବସରପ୍ରାପ୍ତ କେନ୍ଦ୍ର ସରକାରୀ କର୍ମଚାରୀ । ସେ ଚାବି ତିଆରିକରିବା ପରେ ତାଙ୍କ ସେଫ୍‌ରେ ଥିବା ଗହଣା କାଢିବା ପାଇଁ ଚାହିଁଥିଲେ। ହେଲେ ସେଫ୍‌ ଭିତରେ ଗହଣା ନଥିଲା । ତାଙ୍କର ପ୍ରାୟ ୩୦ ଲକ୍ଷ ଟଙ୍କାର ଗହଣା ଚୋରି ହୋଇଯାଇଥିବା ସେ ଅଭିଯୋଗ କରିଛନ୍ତି । ପୋଲିସ୍‌ ଏବେ ଏହି ଘଟଣାର ତଦନ୍ତ କରୁଛି । ଚୋରି ଗହଣା ଭିତରେ ସୁନା, ହୀରା ଏବଂ ରୁବି ଥିବା କଥା ସେ କହିଛନ୍ତି।ଏହି ସେଫ୍‌ରେ ସେ ହୀରା ମୁଦି, ମଙ୍ଗଳସୁତ୍ର କାନଫୁଲ ହାର ଇତ୍ୟାଦି ରଖିଥିବା କଥା କହିଛନ୍ତି । ଗୋଟିଏ ବ୍ୟାଗରେ ସେଫ୍‌ ଲକର୍‌ରେ ଏହି ଜିନିଷ ଥିଲା ।ସେ ଚାବି ତିଆରି କରୁଥିବା ବ୍ୟକ୍ତିକୁ ଜଗି ରହିଥିଲେ । ମାତ୍ର ମଝିରେ ଅଳ୍ପ ସମୟ ପାଇଁ ଛାଡି କରିଯାଇଥିଲେ । ଚାବି ତିଆରି କରୁଥିବା ବ୍ୟକ୍ତି ଏହାର ଚାବି ତିଆରି କରାଯାଇ ପାରିବ ନାହିଁ ବୋଲି କହି ଚାଲିଯାଇଥିଲେ । ଏହାପରେ ସେ ଅନ୍ୟ ଜଣେ ଚାବି ବାଲାଙ୍କୁ ଡାକିଥିଲେ । ସେ ଚାବି ତିଆରିକରିବା ପରେ ଚୋରି ଘଟଣା ସାମ୍ନାକୁ ଆସିଥିଲା । ସେଫ୍‌ ଭିତରୁ ଏକ ଭଙ୍ଗା ଚାବି ମଧ୍ୟ ବାହାରିଥିଲା । ଏବେ ପୋଲିସ୍‌ ପ୍ରଥମ ଚାବି ତିଆରି କରିଥିବା ବ୍ୟକ୍ତି ତଥା ଚୋରି ଅଭିଯୁକ୍ତକୁ ଧରିବା ପାଇଁ ତଦନ୍ତ ଆରମ୍ଭ କରିଛି ।