ମହାକାଶଚାରୀଙ୍କ ପାଇଁ ନାସା ପ୍ରସ୍ତୁତ କଲା ୧୭୪ କୋଟି ଟଙ୍କାର ଶୌଚାଳୟ

ମହାକାଶଚାରୀଙ୍କ ପାଇଁ ଦାମୀ ଶୌଚାଳୟ ପ୍ରସ୍ତୁତ କଲା ନାସା |ପ୍ରାୟ ୧୭୪ କୋଟି ଟଙ୍କା ମୂଲ୍ୟରେ ପ୍ରସ୍ତୁତ ହୋଇଥିବା ଏହି ଶୌଚାଳୟକୁ ଆନ୍ତର୍ଜାତୀୟ ସ୍ପେସ୍ ଷ୍ଟେସନ୍ ରେ ବ୍ୟବହାର କରାଯିବ | ଆନ୍ତର୍ଜାତୀୟ ସ୍ପେସ୍ ଷ୍ଟେସନରେ ପୁରୁଣା ଟେକ୍ନୋଲୋଜିର ଶୌଚାଳୟ ବ୍ୟବହାର ହୋଇଆସୁଥିବାବେଳେ ବର୍ତ୍ତମାନ ୧୭୪ କୋଟି ମୂଲ୍ୟର ଶୌଚାଳୟ ବ୍ୟବହାର କରାଯିବ | | ତେବେ ଏହି ଶୌଚାଳୟ ବହୁତ ସ୍ୱତନ୍ତ୍ର | ଗତ କିଛି ବର୍ଷ ମଧ୍ୟରେ ସ୍ପେସ୍ ଷ୍ଟେସନକୁ ମହିଳା ମହାକାଶଚାରୀଙ୍କ ସଂଖ୍ୟା ବଢ଼ିଥିବାରୁ ନାସା ୬ ବର୍ଷର ଅନୁସନ୍ଧାନ ପରେ ଏକ ସମ୍ପୂର୍ଣ୍ଣ ନୂତନ ଶୌଚାଳୟ ନିର୍ମାଣ କରିଛି |

ଉଭୟ ପୁରୁଷ ଏବଂ ମହିଳା ଏହାକୁ ବ୍ୟବହାର କରିପାରିବେ। ବର୍ତ୍ତମାନ ପର୍ଯ୍ୟନ୍ତ ସ୍ପେସ୍ ଷ୍ଟେସନରେ ସ୍ଥାପିତ ଶୌଚାଳୟ ପୁରୁଷଙ୍କ ଅନୁଯାୟୀ ନିର୍ମାଣ କରାଯାଇଥିଲା | କିନ୍ତୁ ବର୍ତ୍ତମାନ ମହିଳା ମହାକାଶଚାରୀଙ୍କ ସଂଖ୍ୟାକୁ ଦୃଷ୍ଟିରେ ରଖି ଏକ ନୂତନ ଶୌଚାଳୟ ନିର୍ମାଣ କରାଯାଇଛି। ଯାହାଦ୍ୱାରା ମହିଳାମାନେ ସ୍ପେସ୍ ଷ୍ଟେସନ୍ ଏବଂ ଆଗାମୀ ମିଶନ୍ ରେ ଅସୁବିଧାର ସମ୍ମୁଖୀନ ହେବେ ନାହିଁ | ନାସା ମହିଳାମାନଙ୍କ ପାଇଁ ଏହି ଶୌଚାଳୟର ନାମ ୟୁନିଭର୍ସାଲ୍ ୱେଷ୍ଟ ମ୍ୟାନେଜମେଣ୍ଟ ସିଷ୍ଟମ ରଖିଛି |

ସେପ୍ଟେମ୍ବରରେ ନାସା ଏହି ଶୌଚାଳୟକୁ ସ୍ପେସ୍ ଷ୍ଟେସନକୁ ପଠାଇବ। ବର୍ତ୍ତମାନ ପର୍ଯ୍ୟନ୍ତ, ନାସାରେ ବ୍ୟବହୃତ ଶୌଚାଳୟକୁ ମାଇକ୍ରୋଗ୍ରାଭିଟି ଟଏଲେଟ୍ କୁହାଯାଉଥିଲା | ଏହା ମଇଳାକୁ ପୁନଃ ବ୍ୟବହାର କରିବା ପାଇଁ ବ୍ୟବହୃତ ହେଉଥିଲା | କିନ୍ତୁ ବର୍ତ୍ତମାନ ପଠାଯିବାକୁ ଥିବା ଶୌଚାଳୟରେ ଏକ ଫନେଲ-ଫଙ୍କସନ୍ ସିଷ୍ଟମ ରହିବ | ଯାହାଦ୍ୱାରା ମହାକାଶଚାରୀମାନେ ଶୌଚାଳୟକୁ ଭଲ ଭାବରେ ବ୍ୟବହାର କରିପାରିବେ |