ରେଳ ଦୁର୍ଘଟଣା: ଗୋଟିଏ ପରିବାର ୩ ଭାଇଙ୍କ ମୃତ୍ୟୁ

ବାଲେଶ୍ବର ବାହାନଗାରେ କରମଣ୍ଡଳ ଏକ୍ସପ୍ରେସ ଦୁର୍ଘଟଣାରେ ୨୮୮ ଜଣଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ ୯ ଶହ ଜଣ ଆହତ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଏହି ଦୁର୍ଘଟଣାରେ ପଶ୍ଚିମବଙ୍ଗରୁ ଆସିଛି ଏକ ଦୁଃଖଦ ଖବର । ଏହି ଦୁର୍ଘଟଣାରେ ଗୋଟିଏ ପରିବାରର ୩ ଭାଇଙ୍କ ମୃତ୍ୟୁ ଘଟିଥିବା ସୂଚନା ମିଳୁଛି। ପଶ୍ଚିମବଙ୍ଗ ଦକ୍ଷିଣ ୨୪ ପରଗଣାରୁ ଆସିଛି ଦୁଃଖଦ ଖବର । ୨ ତାରିଖର କାଳ ରାତିରେ ଗୋଟିଏ ପରିବାରର ୩ ଜଣଙ୍କ ମୃତ୍ୟୁ ଘଟିଛି । ମୃତକମାନେ ସମ୍ପର୍କୀୟ ଭାଇ ବୋଲି ଜଣାପଡିଛି । ମୃତକମାନେ ହେଲେ ହରନ ଗାୟେନ, ନିଶିକାନ୍ତ ଗାୟେନ ଏବଂ ଦିବାକର ଗାୟେନ । ଏମାନେ ସମସ୍ତେ ଦିନ ମଜୁରିଆ । ଧାନ ଚାଷ ପାଇଁ ମଜୁରୀ ଲାଗିବାକୁ ଆନ୍ଧ୍ରପ୍ରଦେଶ ଯାଉଥିଲେ । ଏହାବାଦ ଚରନେଖଲି ଗାଁର ଦୁଇ ଜଣ ଲୋକଙ୍କ ମୃତ୍ୟୁ ଘଟିଛି । ମୃତକମାନେ ହେଲେ ବିକାଶ ହଲଦାର ଏବଂ ସଞ୍ଜୟ ହଲଦାର । ଏମାନେ ଶୁକ୍ରବାର ଘରୁ ବାହାରିଥିଲେ। ଏହି ଟ୍ରେନ ଦୁର୍ଘଟଣାରେ ପଶ୍ଚିମବଙ୍ଗର ବସନ୍ତୀ ଓ ଗୋସାବା ଅଞ୍ଚଳର ଏକାଧିକ ଲୋକ ଆହତ ହୋଇଛନ୍ତି । ଏହି ଅଞ୍ଚଳର ଶହେ ରୁ ଅଧିକ ଲୋକ ଯାତ୍ରା କରୁଥିବା ବେଳେ ଦୁର୍ଘଟଣାରେ ଆହତ ହୋଇଥିବା କୁହାଯାଉଛି ।