ସର୍ଚ୍ଚ ଅପରେସନ ବେଳେ ପୁଲିସ ପାଖରୁ ଖସିପାରିଲେନି ୨ ମାଓବାଦୀ
ସୀମାନ୍ତ ଛତିଶଗଡର ସୁକମା ପୁଲିସକୁ ମିଳିଛି ଆଉ ଏକ ବଡ ସଫଳତା। ଜଂଗଲରେ ଅପରେସନ ବେଳେ ୨ ମାଓବାଦୀକୁ ଗିରଫ କରିବାରେ ଜିଲ୍ଲା ପୁଲିସ ସଫଳ ହୋଇଛି। ସୁକମା ଜିଲ୍ଲାର ଚିନ୍ତାଗୁମ୍ଫା ଥାନା ଅନ୍ତର୍ଗତ ତାଡମେଟଲା ଅଂଚଳରେ ଜିଲ୍ଲା ପୁଲିସ ଏବଂ ଡିଆରଜି ଯବାନ ସର୍ଚ୍ଚ ଅପରେସନ କରୁଥିଲେ। ପଚରାଉଚରା ବେଳେ ଦୁହେଁ ନକ୍ସଲ ସଂଗଠନରେ କାମ କରୁଥିବା କହିବା ସହ ଲ୍ୟାଣ୍ଡମାଇନ ଖଞ୍ଜିବା ସେମାନଙ୍କର କାମ ଥିବା କହିଥିଲେ। ଗିରଫ ହୋଇଥିବା ଦୁଇ ନକ୍ସଲ ହେଲେ ସୋଡି ଦୁଲା ଏବଂ ମାଡ଼ବୀ ବୁଦରା। ଗତ ୨୦୨୩ ମସିହାରେ ମେନପା ଅଂଚଳରେ ଲ୍ୟାଣ୍ଡମାଇନ ଖଞ୍ଜି ଦୁଇ ଯବାନଙ୍କୁ ଆହତ କରିଥିଲେ। ତେବେ ଏହି ଦୁଇ ନକ୍ସଲ ଗିରଫ ପରେ ବହୁ ଗୁରୁତ୍ବପୂର୍ଣ୍ଣ ତଥ୍ୟ ପଦାକୁ ଆସିବ ବୋଲି ପୁଲିସ କହିଛି।