ସରପଞ୍ଚଙ୍କ ଘରେ ଭିଜିଲାନ୍ସ ରେଡ

ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଜଣେ ସରପଞ୍ଚଙ୍କ ଘରେ ଭିଜିଲାନ୍ସ ପକ୍ଷରୁ ରେଡ କରାଯାଇଛି | ସରପଞ୍ଚଙ୍କ ନାମ ଉଷାନ୍ତ ସାହୁ | ଉଷାନ୍ତ ଗଞ୍ଜାମ ଆଙ୍କରୋଡା ଗ୍ରାମ ପଂଚାୟତର ସରପଂଚ| ଉଷାନ୍ତ ଦୁର୍ନୀତି କରୁଥିବାର ଅଭିଯୋଗ ଆସିଥିଲା ଏହାକୁ ନେଇ ଭିଜିଲାନ୍ସ ପକ୍ଷରୁ ତାଙ୍କ ଉପରେ ନଜର ରଖାଯାଇଥିଲା | ପରେ ଭିଜିଲାନ୍ସ ପକ୍ଷରୁ ତାଙ୍କ ଘର ଉପରେ ଚଢ଼ାଉ କରାଯାଇଛି | ଭିଜିଲାନ୍ସ ପକ୍ଷରୁ ପଂଚାୟତ ଅଫିସ ସହ ୬ଟି ସ୍ଥାନରେ ଚଢ଼ାଉ କରାଯାଇଛି | ବ୍ରହ୍ମପୁର ଭିଜିଲାନ୍ସ ଏସପି ମାୟାଧର ସ୍ୱାଇଁ ସୂଚନା ଦେଇଛନ୍ତି ଯେ ଉଷାନ୍ତଙ୍କ ନାମରେ ଆୟ ବହିର୍ଭୁତ ଠୁଳର ଅଭିଯୋଗ ଆସିଥିଲା | ଏହାପପରେ ଭିଜିଲାନ୍ସର ୬ଟି ଟିମ ପକ୍ଷରୁ ବର୍ତ୍ତମାନ ରେଡ କରାଯାଉଛି | ତେବେ ବର୍ତ୍ତମାନ ରେଡ ଚାଲିଥିବାରୁ କେତେ ଟଙ୍କା ଜବତ ହୋଇଛି ତାହାର ଆକଳନ କରାଯାଇନାହିଁ | ଚଢ଼ାଉ ପରେ ହିଁ କେତେ ଟଙ୍କାର ସମ୍ପତ୍ତି ରହିଛି ତାହା ଜଣାପଡିବ ବୋଲି ଭିଜିଲାନ୍ସ ପକ୍ଷରୁ ସୂଚନା ଦିଆଯାଇଛି |