ଶରୀର ପାଇଁ ଭିଟାମିନ୍ Cର ଆବଶ୍ୟକତା
ଭିଟାମିନ୍ C’ ରୋଗପ୍ରତିରୋଧକ ଶକ୍ତି ବଢାଇବାରେ ସହାୟକ ହୋଇଥାଏ। ପ୍ରାକୃତିକ ଉତ୍ସରୁ ଏହି ଭିଟାମିନ୍ ଏବଂ ପୋଷକ ତତ୍ତ୍ୱ ଆହରଣ କରିବା ସର୍ବୋତ୍ତମ। ଯଦିଓ ଅସୁସ୍ଥତା କ୍ଷେତ୍ରରେ ଭିଟାମିନ୍ C’ ବଟିକା ନେଇପାରନ୍ତି, ତେବେ ଏହା ଡାକ୍ତରଙ୍କ ପରାମର୍ଶ କ୍ରମେ ନେବା ଜରୁରୀ। ଶରୀର ଏହାକୁ ପ୍ରସ୍ତୁତ କରିପାରୁନଥିବାରୁ ଖାଦ୍ୟ ଏବଂ ସପ୍ଲିମେଣ୍ଟରୁ ଏହି ଭିଟାମିନ ଗ୍ରହଣ କରିବାକୁ ପଡେ। ଅଧିକାଂଶ ଲୋକଙ୍କ କ୍ଷେତ୍ରରେ ଗୋଟିଏ କମଳା, ବ୍ରୋକୋଲି ଏବଂ ନାଲି ଲଙ୍କାରୁ ଦିନକର ପର୍ଯ୍ୟାପ୍ତ ଭିଟାମିନ୍ C’ ମିଳିପାରେ।
ଏହା ଦୈନିକ ୬୫ରୁ ୯୦ ମିଲିଗ୍ରାମ ଆବଶ୍ୟକ ହେଉଥିବା ବେଳେ ୨୦୦୦ ମିଲିଗ୍ରାମ ପର୍ଯ୍ୟନ୍ତ ସେବନ କରାଯାଇପାରିବ। ଖାଦ୍ୟରୁ ମିଳୁଥିବା ଭିଟାମିନ୍ C’ କ୍ଷତିକାରକ ହୋଇନଥିଲେ ବି ସପ୍ଲିମେଣ୍ଟର ଅଧିକ ସେବନ ମୁଣ୍ଡବ୍ୟଥା, ବାନ୍ତି, ନିଦ୍ରାହୀନତା ଆଦି ସମସ୍ୟା ସୃଷ୍ଟି କରିପାରେ। ଏମିତିରେ ଭିଟାମିନ୍ C’ ଥିବା ଖାଦ୍ୟପଦାର୍ଥର ତାଲିକା ଖୁବ୍ ଦୀର୍ଘ। ତେବେ ସାଧାରଣତଃ କମଳା, ଲେମ୍ବୁ, ପିଜୁଳି, ଜୁଆଣି, କିୱି, ଲିଚୁ, ଅମୃତଭଣ୍ଡା, ଷ୍ଟ୍ରବେରୀ ଆଦିରୁ ଏହା ପର୍ଯ୍ୟାପ୍ତ ପରିମାଣରେ ମିଳିଥାଏ। ଚୋପା ସହ ଗୋଟିଏ ଲେମ୍ବୁରେ ପ୍ରାୟ ୮୩ ମିଲିଗ୍ରାମ ଭିଟାମିନ୍ C’ ରହିଛି।
ଏହା ଅଭାବରେ ସ୍କର୍ଭି ରୋଗ ହୋଇଥାଏ। ପୂର୍ବରୁ ସ୍କର୍ଭି ରୋକିବା ଲାଗି ନାବିକମାନଙ୍କୁ ଲେମ୍ବୁ ଦିଆଯାଉଥିଲା।