ଜଗତସିଂହପୁର: ମତଦାନ ବେଳେ ମାତିଲେ ଦୁର୍ବୃତ୍ତ । ନିର୍ବାଚନକୁ ନେଇ ପଟସରା କେନ୍ଦ୍ରରେ ଉତ୍ତେଜନା ଦେଖା ଦେଇଛି । ସଦର ବ୍ଲକର ପଟସରା କେନ୍ଦ୍ରର ୧ ଓ ୨ ନମ୍ବର ବୁଥରେ ଉତ୍ତେଜନା ଲାଗି ରହିଛି । ଉତ୍ତେଜନା ଯୋଗୁ ମତଦାନକୁ ବନ୍ଦ କରିଦିଆଯାଇଛି । ଦୁର୍ବୃତ୍ତ ମାନେ ମତଦାନ କେନ୍ଦ୍ରରେ ପଶିବା ସହ ଭୋଟ୍ ବାକ୍ସ ଭାଙ୍ଗିଥିବା ଦେଖିବାକୁ ମିଳିଛି । ଖାଲି ସେତିକି ନୁହେଁ ଦୁର୍ବୃତ୍ତ ମାନେ ଭୋଟ୍ ବାକ୍ସ ଭାଙ୍ଗିବା ପରେ ଭୋଟ୍ ବାକ୍ସ ନେଇ ମଧ୍ୟ ପଳାଇଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ସ୍ଥିତିକୁ ନିୟନ୍ତ୍ରଣ କରୁଛି । ତେବେ କେଉଁ ମାନେ ଏପରି ଘଟଣା ଘଟାଇଛନ୍ତି ତାହା ଜଣାପଡ଼ିନାହିଁ । ପୋଲିସ ତଦନ୍ତ ଚଳାଇଛି ।
