ଆଇପିଏଲ-୨୦୨୪ ଟ୍ରଫି କିଏ ଜିତିବ? ଭବିଷ୍ୟବାଣୀ କଲେ ଏହି ଭାରତୀୟ କ୍ରିକେଟର

କୋଲକାତା: ଆଇପିଏଲ ୨୦୨୪ ଟୁର୍ଣ୍ଣାମେଣ୍ଟ ମାର୍ଚ୍ଚ ୨୨ରୁ ଆରମ୍ଭ ହେବାକୁ ଯାଉଛି। ଏହାର ପ୍ରଥମ ମ୍ୟାଚ୍ ଚେନ୍ନାଇ ସୁପର କିଙ୍ଗ୍ସ (ସିଏସକେ) ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ମଧ୍ୟରେ ଖୋଳଯିବ। ଆରସିବି ପ୍ରଥମ ଆଇପିଏଲ ଟ୍ରଫି ହାତେଇବା ଲକ୍ଷ୍ୟ ନେଇ ଖେଳିବାକୁ ଯୋଜନା କରିଛି। ଏପରିସ୍ଥଳେ ଭାରତୀୟ କ୍ରିକେଟ ଟିମର ପୂର୍ବତନ ଖେଳାଳି କେଉଁ ଦଳ ଆଇପିଏଲ ୨୦୨୪ର ଟ୍ରଫି ଜିତିବ ସେନେଇ ଏକ ବଡ଼ ଭବିଷ୍ୟବାଣୀ କରିଛନ୍ତି। ପୂର୍ବତନ କ୍ରିକେଟର ଇରଫାନ ପଠ‌ାନ କେଉଁ ଦଳ ଆଇପିଏଲ ସିଜିନ ୧୭ର ଚାମ୍ପିୟନ ହେବ ସେ ସମ୍ପର୍କରେ ଏକ ସାକ୍ଷାତକାରରେ ପ୍ରକାଶ କରିଛନ୍ତି।ଷ୍ଟାର୍ ସ୍ପୋର୍ଟସ୍ ଶୋ ‘ଗେମ୍ ପ୍ଲାନ୍’ରେ ଏକ ସ୍ୱତନ୍ତ୍ର ସାକ୍ଷାତକାରରେ ପୂର୍ବତନ କ୍ରିକେଟର ମାଥ୍ୟୁ ହେଡେନ୍ ଏବଂ ଇରଫାନ୍ ପଠାନ୍ କହିଛନ୍ତି ମାର୍ଚ୍ଚ ୨୨ ରେ ଟୁର୍ନାମେଣ୍ଟର ପ୍ରଥମ ମ୍ୟାଚରେ ଆରସିବି ସିଏସକେ ମୁହାଁମୁହିଁ ହେ‌ବେ। ଆରସିବି ଏବଂ ସିଏସକେ ଉପରେ ଗୁରୁତ୍ବାରୋପ କରି ଆଗାମୀ ଆଇପିଏଲ୍ ୨୦୨୪ ସିଜିନରେ ଦୁଇ ଦଳର ବିଜୟୀ ହେବା ସମ୍ଭାବନା ଉପରେ ସେମାନେ ଭବିଷ୍ୟବାଣୀ କରିଥିଲେ। ହେଡେନ ଆରସିବିରେ ବିରାଟ କୋହଲିଙ୍କ ନେତୃତ୍ୱ ଉପରେ ଗୁରୁତ୍ବାରୋପ କରି ଦଳର ବ୍ୟାଟିଂ କ୍ଷମତା ଏବଂ ଦଳର ପ୍ରଥମ ଆଇପିଏଲ ଟ୍ରଫି ଜିତିବାରେ ସେମାନଙ୍କ ବୋଲିଂ ୟୁନିଟର ଗୁରୁତ୍ୱ ଉପରେ ସୂଚନା ପ୍ରଦାନ କରିଥିଲେ। ଏହି ସମୟରେ, ପଠାନ ଆରସିବିର ବିଜୟ ସମ୍ଭାବନାକୁ ବିଶ୍ଳେଷଣ କରି ଦଳର ଉନ୍ନତ ବ୍ୟାଟିଂ ଲାଇନ୍ଅପ୍ ଏବଂ ବେଙ୍ଗାଲୁରୁର ଚିନ୍ନାସ୍ୱାମୀ ଷ୍ଟାଡିୟମ୍ ପରି ଫ୍ଲାଟ ପିଚ୍ ଉପରେ ସେମାନଙ୍କର ଏକ୍ସପ୍ରେସ ପେସ୍ ବୋଲରଙ୍କ ସମ୍ଭାବ୍ୟ ପ୍ରଭାବ ଉପରେ ଗୁରୁତ୍ୱାରୋପ କରିଥିଲେ।

ଚଳିତ ବର୍ଷ ଆରସିବି ସହିତ ଆଇପିଏଲ୍ ଟ୍ରଫି ଜିତିବାର କୋହଲିଙ୍କ ସମ୍ଭାବନା ବିଷୟରେ ପଠାନ୍ କହିଥିଲେ, ବର୍ତ୍ତମାନ ସେ ଏକ ଦଳ ପାଇଛନ୍ତି, ଯେତେ ଦୂର ବ୍ୟାଟିଂ ଅଛି, ମୁଁ ପ୍ରକୃତରେ ଅନୁଭବ କରୁଛି ଯେ ବ୍ୟାଟିଂ ବର୍ତ୍ତମାନ ଅଧିକ କିଛି ହୋଇଯାଇଛି, ଯାହାକି କିଛି ସମୟ ପୂର୍ବରୁ ହୋଇ ନ ଥିଲା। ବୃହତ ରନ ସ୍କୋର ହେଉଛି। ଏଥି ସହିତ ଅନେକ ଲୋକ ଆରସିବି ମତ ଦେଉ ନାହାନ୍ତି କାରଣ ସେମାନେ ଭାବୁଛନ୍ତି ଯେ ସେମାନଙ୍କ ବୋଲିଂ ଠିକ ନୁହେଁ। ମୁଁ ମଧ୍ୟ ଭାବୁଛି ବୋଲିଂ ଭଲ ହୋଇ ନ ଥାଇପାରେ କିନ୍ତୁ ସେମାନେ ସେହି ପିଚରେ ଏକ୍ସପ୍ରେସ ଗତି ପାଇ ପାରିବେ। ଯଦି ଆପଣ ଚିନ୍ନାସ୍ୱାମୀ ପିଚ୍ ପରି ସମତଳ ପିଚରେ ୧୪୦ରୁ ଅଧିକ ବୋଲିଂ କରିପାରିବେ, ବେଳେବେଳେ ଏହା କାମ କରିପାରେ।

ବିରାଟ କୋହଲିଙ୍କ ପାଇଁ ଏହା ଏକ ବିଶେଷ ମୁହୂର୍ତ୍ତ ହେବ କାରଣ ସେ ୨୦୦୮ ମସିହାରୁ ଏହା ଚାହୁଁଛନ୍ତି କିନ୍ତୁ ଟ୍ରଫିକୁ ଛୁଇଁ ପାରି ନାହାନ୍ତି ବୋଲି ଇରଫାନ୍ କହିଛନ୍ତି। ଏହି ଆଇପିଏଲ ପାଇଁ ଆରସିବିର ସମ୍ଭାବନା ବିଷୟରେ ହେଡେନ ମଧ୍ୟ କହିଥିଲେ। ସେ କହିଥିଲେ ବିରାଟ, ୨୦୨୩ ରେ ଯେଉଁଭଳି ଭାବରେ ଖେଳିଥିଲେ, ତାଙ୍କ ଦଳ ସିଜିନ ୧୬ରେ ଦ୍ୱିତୀୟ ସ୍ଥାନରେ ଥିଲା । ଦଳର ଷ୍ଟ୍ରାଇକ୍ ରେଟ୍ ଶୀର୍ଷରେ ଥିଲା। ତେଣୁ ବିରାଟଙ୍କ ଆରସିବି ୨୦୨୪ ଆଇପିଏଲରେ ଟ୍ରଫି ନେବାର ସମ୍ଭାବନା ରହିଥିବା ‌ପଠାନ କହିଛନ୍ତି।