କାହିଁକି ଫିଟ୍ ରହିବା ପାଇଁ ୧୦ ହଜାର ଷ୍ଟେପ୍ସ ଚାଲିବାକୁ କୁହାଯାଏ? ଜାଣନ୍ତୁ ଏହାର ପଛର କାରଣ

ଆଜିକାଲି ଆମେ ସମସ୍ତେ ଯେଉଁ ପ୍ରକାର ଲାଇଫ ଷ୍ଟାଇଲ ବିତାଉଛୁ, ଫିଟନେସ୍ ପାଇଁ ସମୟ ବାହାର କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଘର ଏବଂ ଅଫିସର ଦାୟିତ୍ୱ ମଧ୍ୟରେ, ଆପଣଙ୍କୁ ପୁରା ଦିନରେ ନିଜ ପାଇଁ ୧ ଘଣ୍ଟା ବାହାର କରିବାକୁ ପଡିବ । ସେ ସକାଳ ହେଉ କିମ୍ବା ସନ୍ଧ୍ୟା ଆପଣ ନିଜ ଫିଟନେସ୍ ପାଇଁ କିଛି ସମୟ ଦେବା ଉଚିତ । ଆପଣ ଦିନର ଯେକୌଣସି ସମୟରେ ବି ବ୍ୟାୟାମ କରିପାରିବେ । କୁହାଯାଏ ଯେ ସୁସ୍ଥ ରହିବା ପାଇଁ ଆପଣଙ୍କୁ ଦିନକୁ ୧୦ ହଜାର ଷ୍ଟେପ୍ସ ଚାଲିବାକୁ ପଡିବ । ଫିଟ୍ ରହିବା ପାଇଁ ଚାଲିବା ହେଉଛି ସବୁଠାରୁ ସହଜ ଉପାୟ ।

ଅନେକ ରିପୋର୍ଟରେ ଏହା ପ୍ରକାଶ ପାଇଛି ଯେ ଦିନକୁ ୧୦ ହଜାର ଷ୍ଟେପ୍ସ ଚାଲିବା ଆମ ଶରୀର ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ୧୦ ହଜାର ଷ୍ଟେପ୍ସ ଚାଲିବା ଦ୍ୱାରା ଆପଣ ପ୍ରାୟ ୭.୬ କିଲୋମିଟର ଅତିକ୍ରମ କରନ୍ତି । ତେବେ ବର୍ତ୍ତମାନ ପ୍ରଶ୍ନ ଉଠୁଛି କାହିଁକି ଆମକୁ କେବଳ ୧୦ ହଜାର ଷ୍ଟେପ୍ସ ଚାଲିବାକୁ କୁହାଯାଏ ଏବଂ ଏହାର ଲାଭ କ’ଣ? ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଦିନକୁ ୧୦ ହଜାର ଷ୍ଟେପ୍ ଚାଲିବା ଆମ ହାର୍ଟକୁ ଖୁବ ଶକ୍ତି ଯୋଗାଇଥାଏ । ଏଥିପାଇଁ ଆପଣ ୬ ମିନିଟରେ ୧୫୦୦ ଷ୍ଟେପ୍ ଚାଲିବା ଉଚିତ୍ ।

ଯଦି ଆପଣ ୬୦୦ ଷ୍ଟେପ୍ସରୁ କମ୍ ଚାଲନ୍ତି, ତେବେ ଆପଣ ନିଜ ଡାକ୍ତରଙ୍କ ସହିତ ପରାମର୍ଶ କରନ୍ତୁ । ଯଦି ଆପଣ ଗୋଟିଏ ଦିନରେ ୧୦ ହଜାର ଷ୍ଟେପ୍ କମ୍ପ୍ଲିଟ କରନ୍ତି, ଏହା ମାଂସପେଶୀର ଶକ୍ତି ବଢ଼ାଇଥାଏ । ଶରୀରକୁ ପ୍ରଚୁର ଶକ୍ତି ଯୋଗାଇଥାଏ ଏବଂ ଶୀଘ୍ର ଓଜନ ମଧ୍ୟ ହ୍ରାସ କରିଥାଏ । ଯେତେବେଳେ ଆପଣ ପ୍ରାୟ ୧ ହଜାର ଷ୍ଟେପ୍ସ ଚାଲନ୍ତି, ଆପଣ ୩୦ ରୁ ୪୦ କ୍ୟାଲୋରୀ ବର୍ନ କରନ୍ତି । ଏପରି ପରିସ୍ଥିତିରେ, ଯଦି ଆପଣ ଦିନସାରା ୧୦ ହଜାର ଷ୍ଟେପ୍ସ ଚାଲିବେ, ତେବେ ଆପଣ ୩୦୦ ରୁ ୪୦୦ କ୍ୟାଲୋରୀ ବର୍ନ କରିପାରିବେ । ତଥାପି, ଆପଣଙ୍କର ଚାଲିବା ସ୍ପିଡ଼ ଉପରେ ନିର୍ଭର କରି ଏହି ନିର୍ଦ୍ଧିଷ୍ଟ କ୍ୟାଲୋରୀ ଅଧିକ କିମ୍ବା କମ୍ ହୋଇପାରେ ।

ତେବେ ଆସନ୍ତୁ ୧୦ ହଜାର ଷ୍ଟେପ୍ସ ଚାଲିବାର ଲାଭ ବିଷୟରେ ଜାଣିବା:

-ଯଦି ଆପଣ ପ୍ରତିଦିନ ସଠିକ୍ ସ୍ପିଡ଼ରେ ୧୦ ହଜାର ଷ୍ଟେପ୍ ଚାଲନ୍ତି, ତେବେ ଏହା ଆପଣଙ୍କୁ ଓଜନ ହ୍ରାସ କରିବାରେ ସାହାଯ୍ୟ କରିବ । ଏହି ଉପାୟରେ ଆପଣ ଏକ ମାସରେ ସହଜରେ ୧-୨ କିଲୋଗ୍ରାମ ଓଜନ ହ୍ରାସ କରିପାରିବେ ।

-ଯେତେବେଳେ ଆପଣ ଦୈନିକ ୧୦ ହଜାର ଷ୍ଟେପ୍ସ ଚାଲନ୍ତି, ହୃଦଘାତର ଆଶଙ୍କା ଯଥେଷ୍ଟ ମାତ୍ରାରେ କମିଯାଏ ।

-ଯେଉଁ ଲୋକମାନେ ପ୍ରତିଦିନ ୧୦ ହଜାର ଷ୍ଟେପ୍ସ ଚାଲନ୍ତି ସେମାନଙ୍କ ଠାରେ ବ୍ଲଡ଼ ପ୍ରେସର, ଡାଇବେଟିସ ଇତ୍ୟାଦି ଲାଇଫଷ୍ଟାଇଲ୍ ସମ୍ବନ୍ଧୀୟ ରୋଗର ଆଶଙ୍କା କମ୍ ହୋଇଯାଏ । ଏହା ସୁଗାର ଲେବଲ କଣ୍ଟ୍ରୋଲ କରିବାରେ ମଧ୍ୟ ସାହାଯ୍ୟ କରେ ।

-ଯଦି ଆପଣ ଦୈନିକ ୧୦ ହଜାର ଷ୍ଟେପ୍ସ ଚାଲନ୍ତି ତେବେ ଆପଣଙ୍କ ଷ୍ଟ୍ରେସ, ଚିନ୍ତା ଏବଂ ଡିପ୍ରେସନ ବହୁ ପରିମାଣରେ ହ୍ରାସ ହୋଇପାରେ ।

-ଯେଉଁମାନଙ୍କର ଅନିଦ୍ରା ସମସ୍ୟା ରହିଛି, ସେମାନେ ନିଶ୍ଚିତ ଭାବରେ ସେମାନଙ୍କ ଲାଇଫଷ୍ଟାଇଲରେ ୧୦ ହଜାର ଷ୍ଟେପ୍ସ ଚାଲିବାର ଲକ୍ଷ୍ୟ ସ୍ଥିର କରିବା ଉଚିତ୍ । ଏହା ଶରୀରକୁ ଆକ୍ଟିଭ ରଖିବା ସହ ଅନିଦ୍ରା ସମସ୍ୟାରୁ ମୁକ୍ତି ଦେଇଥାଏ ।