ଓଡ଼ିଶାର ଜାତୀୟ ରାଜପଥ ପ୍ରକଳ୍ପ କାମ ବିଳମ୍ବ ହେଉଛି କାହିଁକି? ଉତ୍ତର ରଖିଲେ କେନ୍ଦ୍ରମନ୍ତ୍ରୀ

କେନ୍ଦ୍ର ମନ୍ତ୍ରୀ ଶ୍ରୀ ଗଡ଼କରୀ ଆହୁରି କହିଛନ୍ତି, ଦେଶର ବିଭିନ୍ନ ସ୍ଥାନରେ ଜାତୀୟ ରାଜପଥ ନିର୍ମାଣ କାମକୁ କେନ୍ଦ୍ର ସରକାର ଗୁରୁତ୍ୱର ଅନୁଧ୍ୟାନ କରୁଛନ୍ତି। କାମ ସାରିବାରେ ଦେଖା ଦେଉଥିବା ସମସ୍ୟାର ସମାଧାନ ଲାଗି ବିଭିନ୍ନ ସ୍ତରରେ ସମୟ ସମୟରେ ସମୀକ୍ଷା କରାଯାଉଛି ଏବଂ ସବୁ ଏନଏଚ ପ୍ରକଳ୍ପଗୁଡ଼ିକର କାମ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦିଆଯାଇଛି। ଢେଙ୍କାନାଳ ସମେତ ସବୁ ବିଳମ୍ବିତ ଜାତୀୟ ରାଜପଥ ପ୍ରକଳ୍ପ କାମକୁ କେନ୍ଦ୍ର ସରକାର ଅନୁଧ୍ୟାନ କରୁଛନ୍ତି।

ନୂଆ ଜାତୀୟ ରାଜପଥ ପ୍ରକଳ୍ପ କାମ ସାରିବା ପାଇଁ ସାଧାରଣତଃ ୨-୩ ବର୍ଷର ସମୟସୀମା ନିର୍ଦ୍ଧାରଣ କରାଯାଇଥାଏ। ତେବେ ଜମି ଅଧିଗ୍ରହଣ, ବିଭିନ୍ନ ମଞ୍ଜୁରି ଭଳି ସରକାରଙ୍କ ସର୍ତ୍ତ ପୂରଣ, ନିର୍ମାଣ ସାମଗ୍ରୀ ପରିବହନ, ଠିକାଦାରଙ୍କ ପକ୍ଷରୁ ବିଳମ୍ବ, ଟଙ୍କା ମିଳିବାରେ ବିଳମ୍ବ ଆଦି ବିଭିନ୍ନ କାରଣରୁ ପ୍ରକଳ୍ପ କାମ ସମ୍ପୂର୍ଣ୍ଣ ହେବାରେ ଡେରି ହୋଇଥାଏ ବୋଲି ଶ୍ରୀ ଗଡ଼କରୀ ସୂଚନା ଦେଇଛନ୍ତି।