ଶୀତଦିନେ ବଢ଼ିପାରେ କରୋନା ସଂକ୍ରମଣ: ଆଇସିଏମଆର୍

ନୂଆଦିଲ୍ଲୀ, ୧୮/୧୦: ବାୟୁ ପ୍ରଦୂଷଣ କାରଣରୁ ଶୀତଦିନେ କରୋନା ସଂକ୍ରମଣ ବଢ଼ିପାରେ । ଏପରି ଆକଳନ କରିଛି ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍)। ଏହାର ମହାନିର୍ଦେଶକ ବଳରାମ ଭାର୍ଗବ ୟୁରୋପ ଓ ଯୁକ୍ତରାଷ୍ଟ୍ର ଆମେରିକାରେ କରୋନା ସଂକ୍ରମଣ ଆଧାରରେ ଏପରି ଆକଳନ କରିଛନ୍ତି ।ସେ କହିଛନ୍ତି ଯେ ଅଧ୍ୟୟନରୁ ଜଣାପଡିଛି ଯେ PM2.5 କଣିକା ପଦାର୍ଥର ଜୀବାଣୁ କଣିକା ବାୟୁରେ ରହିଥାଆନ୍ତି ।  ୟୁରୋପ ଏବଂ ଆମେରିକାରେ ପ୍ରଦୂଷିତ ଅଞ୍ଚଳ ତଥା ଲକ୍ଡାଉନ୍ ସମୟରେ ମୃତ୍ୟୁହାରର ତୁଳନା ଏବଂ ପ୍ରଦୂଷଣ ସହିତ ସଂକ୍ରମଣ ବୃଦ୍ଧିର ପ୍ରମାଣ ମିଳିଛି ।  ଦିଲ୍ଲୀ ସମେତ ଉତ୍ତର ଭାରତରେ ପ୍ରତିବର୍ଷ ଶୀତଋତୁରେ ବାୟୁ ଗୁଣବତ୍ତା ଅତ୍ୟନ୍ତ ଖରାପ ସ୍ତରକୁ ଖସିଯାଏ। ଉଚ୍ଚ ସ୍ତରର ବାୟୁ ପ୍ରଦୂଷଣ କୋଭିଡ -୧୯ ମହାମାରୀକୁ ଆହୁରି ଖରାପ କରିପାରେ ବୋଲି ବିଶେଷଜ୍ଞମାନେ ଚେତାବନୀ ଦେଇଛନ୍ତି। ପ୍ରଦୂଷଣ ମୃତ୍ୟୁ ସହ ଜଡିତ ଏହା ଏକ ପ୍ରମାଣିତ ସତ୍ୟ ବୋଲି ଉଲ୍ଲେଖ କରି ମାସ୍କ ପିନ୍ଧିବା ସବୁଠାରୁ ଭଲ ଉପାୟ ବୋଲି ଭାର୍ଗବ କହିଛନ୍ତି ।  ସେ କହିଛନ୍ତି ଯେ ଅଧିକ ପ୍ରଦୂଷଣ ଥିବା ସହରରେ ମହାମାରୀ ନଥିଲେ ମଧ୍ୟ ଲୋକମାନେ ମାସ୍କ ପିନ୍ଧନ୍ତି। ମାସ୍କ ପିନ୍ଧିବା ଦ୍ବାରା ବାୟୁ ପ୍ରଦୂଷଣ ଓ କରୋନା ଭୂତାଣୁ ଉଭୟରୁ ରକ୍ଷା ମିଳିଥାଏ । ସେହିପରି  ଭାରତରେ ପିଲାମାନଙ୍କଠାରେ କରୋନା ଜୀବାଣୁ ସଂକ୍ରମଣ ବିଷୟରେ ସେ କହିଛନ୍ତି ଯେ ଦେଶର ସାମଗ୍ରିକ ତଥ୍ୟରୁ ଜଣାପଡିଛି ଯେ କୋଭିଡ -୧୯ ର ସଂକ୍ରମିତ ରୋଗର ମାତ୍ର ଆଠ ପ୍ରତିଶତ ୧୭  ବର୍ଷରୁ କମ୍।  ପାଞ୍ଚ ବର୍ଷରୁ କମ୍ ବୟସରେ ଏକ ପ୍ରତିଶତରୁ କମ୍ ପିଲା ଅଛନ୍ତି । କିନ୍ତୁ ବଡ଼ କଥା ହେଉଛି ଏହିମାନେ ସୁପରସ୍ପେ୍ରଡ଼ର ହେବାର ଆଶଙ୍କା ଅଧିକ ବୋଲି ଶ୍ରୀ ଭାର୍ଗବ କହିଛନ୍ତି।