ଢେଙ୍କାନାଳ ଜିଲ୍ଲା କାମାକ୍ଷାନଗର ଉପଖଣ୍ଡର ସୁରପ୍ରତାପପୁର ଗ୍ରାମର ଜଣେ ମହିଳା ସୋମବାର ପୂର୍ବାହ୍ନ ରେ ନିଆଁ ପୁଇଁ ହେଉଥିବା ବେଳେ ପଡିହୋଇ ଗୁରୁତର ଭାବେ ଆହତ ହୋଇ ଉପଖଣ୍ଡ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସେ ହେଲେ ଗ୍ରାମର ଅଜିତ ରାଉତଙ୍କ ପତ୍ନୀ ସୀମା ରାଉତ । କାମାକ୍ଷାନଗର ଅଂଚଳରେ ଶୀତର ଲହରୀ ଜାରି ରହିଥିବା ବେଳେ ସୀମା ପୂର୍ବାହ୍ନରେ ନିଆଁ ପୁଇଁ ହେଉଥିଲେ । ଅସାବଧାନତା ଯୋଗୁଁ ସୀମାଙ୍କ ଲୁଗାରେ ନିଆଁ ଲାଗି ଯାଇଥିଲା । ଫଳରେ ସୀମାଙ୍କ ଦେହରେ ନିଆଁ ଲାଗିଯାଇଥିଲା । ପରିବାର ଲୋକେ ତୁରନ୍ତ ନିଆଁ ଲିଭାଇବା ପରେ ଉପଖଣ୍ଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଅବସ୍ଥା ଗୁରୁତର ହେବାରୁ ସୀମାଙ୍କୁ କଟକ ସ୍ଥାନାନ୍ତର କରାଯାଇଛି । ସୀମାଙ୍କ ଦେହ ୭୦ ଭାଗ ପୋଡ଼ିଯାଇଛି ।
