ଯୋଗ ପୋଜରେ ସମସ୍ତଙ୍କୁ ପଛରେ ପକାଇଲେ କରୀନା

ନୂଆଦିଲ୍ଲୀ ୨୧/୦୬: ଆଜି ଆନ୍ତର୍ଜାତୀୟ ଯୋଗ ଦିବସ ପାଳନ କରାଯାଉଛି । ଏଥି ସହିତ, ଅନେକ ଫିଟନେସ୍ ଫ୍ରିକ୍ ବଲିଉଡ ଷ୍ଟାର ଏହି ଅବସରରେ ସ୍ୱତନ୍ତ୍ର ପୋଷ୍ଟ କରୁଥିବା ଦେଖିବାକୁ ମିଳିଛି । ନିକଟରେ ଯୋଗ ଦିବସରେ ବଲିଉଡର ବେବୋ ଯଥା କରୀନା କପୁରଙ୍କ ଏକ ପୋଷ୍ଟ ଚର୍ଚ୍ଚାକୁ ଆସିଛି। ସେ ଏପରି ଯୋଗ ପୋଜ୍ ଦେଇଛନ୍ତି ଯାହା ସମସ୍ତଙ୍କୁ ପଛରେ ପକାଇଛି । କରୀନା ବିକିନିରେ ଏକ ଫଟୋ ପୋଷ୍ଟ କରିଛନ୍ତି ଯାହା ତାଙ୍କ ଫିଟନେସକୁ ଦର୍ଶାଉଛି । ସୋସିଆଲ ମିଡିଆରେ ତାଙ୍କ ପୋଷ୍ଟ ଜବରଦସ୍ତ ଭାଇରାଲ ହେଉଛି ।

ଯୋଗ ଦିବସ ଅବସରରେ କରୀନା କପୁର ଖାନ ନିଜ ଇନଷ୍ଟାଗ୍ରାମ ଆକାଉଣ୍ଟ ଷ୍ଟୋରୀରେ ଏକ ଥ୍ରୋବ୍ୟାକ୍ ଫଟୋ ସେୟାର କରିଛନ୍ତି, ଯେଉଁଥିରେ ସେ ବିକିନିରେ ସମୁଦ୍ର କୂଳରେ ଯୋଗ ପୋଜ୍ କରୁଥିବା ନଜର ଆସିଛନ୍ତି। ସେ ଏକ ଧଳା ବିକିନି ପିନ୍ଧିଛନ୍ତି ଏବଂ ଗୋଟିଏ ଗୋଡରେ ଠିଆ ହୋଇଥିବା ଦେଖାଯାଉଛି । କରୀନା ଏହି ପୋଜରେ ଦୁଇ ହାତ ଉପରକୁ ବଢାଇଛନ୍ତି। ଏହି ଫଟୋ ସହିତ ସେ ଲେଖିଛନ୍ତି – ‘ବିଶ୍ୱ ଯୋଗ ଦିବସର ଶୁଭେଚ୍ଛା । ମନକୁ ମୁକ୍ତ ରଖ’।

କରୀନା କପୁର ତାଙ୍କ ଫିଟନେସ ପାଇଁ ଜଣାଶୁଣା । ପ୍ରଥମ ଗର୍ଭଧାରଣ ପରେ ସେ ତାଙ୍କର ପରିବର୍ତ୍ତନ ସହିତ ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି । ଗର୍ଭଧାରଣ ଏବଂ ପ୍ରସବ କରିବାର ଅଳ୍ପ ସମୟ ପରେ ସେ ଫିଲ୍ମ ‘ଭୀରେ ଦ ୱେଡିଂ’ରେ ଅଭିନୟ କରିଥିଲେ । ଏଥି ସହିତ, ଦ୍ୱିତୀୟ ଗର୍ଭଧାରଣ ଏବଂ ପ୍ରସବ ପରେ ମଧ୍ୟ କରୀନା ତାଙ୍କ ଫିଟନେସ ପ୍ରତି ବିଶେଷ ଧ୍ୟାନ ଦେଉଛନ୍ତି ।