ଅନେକ ବେସାମରିକ ଲକ୍ଷ୍ୟସ୍ଥଳ ଉପରେ କ୍ଷେପଣାସ୍ତ୍ର ଓ ଡ୍ରୋନ୍ ଆକ୍ରମଣ

ଆମେରିକା-ଇସ୍ରାଏଲ ଆକ୍ରମଣର ଜବାବରେ ଇରାନ ମଧ୍ୟପ୍ରାଚ୍ୟରେ ଅନେକ ସାଧାରଣ ନାଗରିକ ଲକ୍ଷ୍ୟସ୍ଥଳ ଉପରେ କ୍ଷେପଣାସ୍ତ୍ର ଏବଂ ଡ୍ରୋନ ଆକ୍ରମଣ କରିଛି। ଆମେରିକା କେନ୍ଦ୍ରୀୟ କମାଣ୍ଡ ଅନୁଯାୟୀ, ଇରାନ ପକ୍ଷରୁ ବିମାନବନ୍ଦର, ବିଳାସପୂର୍ଣ୍ଣ ହୋଟେଲ ଏବଂ ଆବାସିକ ଅଞ୍ଚଳ ସମେତ ୧୪ ରୁ ଅଧିକ ସ୍ଥାନକୁ ଟାର୍ଗେଟ କରାଯାଇଛି । ଦୁବାଇ ଅନ୍ତର୍ଜାତୀୟ ବିମାନବନ୍ଦର, କୁଏତ ଅନ୍ତର୍ଜାତୀୟ ବିମାନବନ୍ଦର, ଆବୁ ଧାବିର ଜାଏଦ ଅନ୍ତର୍ଜାତୀୟ ବିମାନବନ୍ଦର, ଇରାକର ଏରବିଲ ଅନ୍ତର୍ଜାତୀୟ ବିମାନବନ୍ଦର ଉପରେ ଆକ୍ରମଣ କରାଯାଇଥିଲା, ଯାହା ଫଳରେ ବିମାନ ଉଡ଼ାଣ ବାଧାପ୍ରାପ୍ତ ହୋଇଛି ଏବଂ ଅନେକ ଲୋକ ଆହତ ହୋଇଛନ୍ତି। ଦୁବାଇର ଫେୟାରମଣ୍ଟ ପାମ୍ ହୋଟେଲ ଏବଂ ବୁର୍ଜ ଅଲ୍ ଆରବ ହୋଟେଲରେ ନିଆଁ ଲାଗିଯାଇଥିଲା, ଭଗ୍ନାବଶେଷ ପଡ଼ିବା ଯୋଗୁ କ୍ଷତି ହୋଇଛି। ବାହାରିନର କ୍ରାଉନ୍ ପ୍ଲାଜା ହୋଟେଲ, ଦୁବାଇ ପୋର୍ଟ ଏବଂ ବାହାରିନର ଏରା ଭ୍ୟୁ ଟାୱାର ମଧ୍ୟ ପ୍ରଭାବିତ ହୋଇଥିଲା । ଇସ୍ରାଏଲର ଆବାସିକ ଅଞ୍ଚଳରେ ବେଇଟ୍ ଶେମେଶ ଏବଂ ତେଲ ଅଭିଭରେ କ୍ଷେପଣାସ୍ତ୍ର ପଡ଼ିବାରୁ ମୃତ୍ୟୁ ଏବଂ ଆହତ ହୋଇଥିଲେ।
ଏହି ଆକ୍ରମଣରେ ଉପସାଗରୀୟ ଦେଶଗୁଡ଼ିକରେ ୧୦୦ ରୁ ଅଧିକ ଲୋକ ଆହତ ହୋଇଛନ୍ତି। ପାଞ୍ଚ ଜଣଙ୍କ ମୃତ୍ୟୁ ଘଟିଛି। ଯେତେବେଳେ ଇସ୍ରାଏଲରେ ନଅ ଜଣରୁ ଅଧିକ ଲୋକ ଆହତ ହୋଇଛନ୍ତି ।
ଅଧିକାଂଶ କ୍ଷେପଣାସ୍ତ୍ର ଏବଂ ଡ୍ରୋନ୍‌କୁ ପ୍ରତିହତ କରାଯାଇଥିବା ଇସ୍ରଏଲ ସେନା କହିଛି । କିନ୍ତୁ କିଛି ସାଧାରଣ ନାଗରିକ ଅଞ୍ଚଳରେ ପଡ଼ିଥିଲା, ଯାହା ଫଳରେ ଏହି ଅଞ୍ଚଳରେ ବିମାନ ଯାତ୍ରା ଏବଂ ବାଣିଜ୍ୟ ଗୁରୁତର ଭାବରେ ବାଧାପ୍ରାପ୍ତ ହୋଇଛି। ।