ଟ୍ବିନସିଟିରେ ଘନ କୁହୁଡ଼ି

ଭୁବନେଶ୍ୱର : ବଦଳିଲା ପାଣିପାଗର ମିଜାଜ । କମିଲା ଶୀତ, ବଢିଲା ତାତି । ଏହାସହ ରାଜ୍ୟର ବିଭିନ୍ନ ସ୍ଥାନରେ ଘନ କୁହୁଡ଼ି ଆସ୍ତରଣ। ପ୍ରବଳ କହୁଡି ପାଇଁ ଟ୍ବିନସିଟିରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଛି । ଲୋକମାନେ ଯାତାୟାତରେ ଅସୁବିଧାର ସମ୍ମୁଖୀନ ହେଉଛନ୍ତି । ୫୦ ମିଟର ଦୂରତା ପର୍ଯ୍ୟନ୍ତ ଭିଜିବିଲଟି ଶୂନ୍ ରହିଥିଲା । ଘନ କହୁଡ଼ି ପାଇଁ ୬ ଜିଲ୍ଲାକୁ ଚେତାବନୀ ଜାରି କରିଛି ପାଣିପାଗ କେନ୍ଦ୍ର । ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ, ବାଲେଶ୍ବର, ଖୋର୍ଦ୍ଧା ଓ କଟକକୁ ୟେଲୋ ୱାର୍ଣ୍ଣିଂ ଜାରି ହୋଇଛି । କୁହୁଡ଼ି ସତର୍କତାକୁ ଦୃଷ୍ଟିରେ ରଖି ସମସ୍ତ ଜିଲ୍ଲାପାଳଙ୍କୁ ଏସଆରସି ସତର୍କ ରହିବା ପାଇଁ ନିର୍ଦ୍ଦେଶ ଦେଇଛନ୍ତି ।

ସେପଟେ ଶୀତରେ ଗ୍ରୀଷ୍ଣ ଅନୁଭୂତ ହୋଇଛି। ସକ୍ରିୟ ପଶ୍ଚିମା ଝଡ଼ କୁ ନେଇ ରାଜ୍ୟକୁ ଜଳୀୟବାଷ୍ପପୁର୍ଣ ବାୟୁ ପ୍ରବେଶ ପ୍ରଭାବରେ ତାପମାତ୍ରା ବୃଦ୍ଧି ପାଇବ । ୨୫ ତାରିଖ ପର୍ଯ୍ୟନ୍ତ କଲବଲ କରିବ କୁହୁଡି। ଶୀତ କମିବା ପରେ ୨ ରୁ ୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ପାଇବ । ପାଗ ମୁଖ୍ୟତଃ ଶୁଖିଲା ରହିବ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁପୂର୍ବାନୁମାନ କରାଯାଇଛି ।