ଦିବ୍ୟାଙ୍ଗ ଝିଅର ହାତ ଧରିଛନ୍ତି ଜଣେ ସାଧାରଣ ଯୁବକ

ବାଲେଶ୍ବର: ବାଜୁଛି ଶଙ୍ଖ ମହୁରୀ, ସଜା ହୋଇଛି ବେଦୀ, ନାଚୁଛନ୍ତି ବରଯାତ୍ରୀ । ରିତୀ ନିତୀରେ ଚାଲିଛି ବାହାଘର ଭୋଜି ଭାତରେ ଜମୁଛି ପୁରା ଆସର। ମୁଣ୍ତରେ ନାଲି ଓଢଣୀ ଟାଣି ନବବଧୂ ବେଶ ରେ ସଜେଇ ହୋଇଛି କନିଆ । ଆଉ କନିଆକୁ କୋଳ ରେ ଉଠାଇ ବେଦୀରେ ସାତ ଘେରା ନେଉଛି ବର । ହୋମ ନିଆଁକୁ ସାକ୍ଷୀ ରଖି ମଥାରେ ଦେଇଛନ୍ତି ସିନ୍ଦୁର । ଏଇ ଯୋଡି ସ୍ବୟଂ ଜଗନ୍ନାଥ ହିଁ ବନାଇଛନ୍ତି । କାରଣ ଜଣେ ଦିବ୍ଯାଙ୍ଗ ଝିଅର ହାତ ଧରିଛନ୍ତି ଜଣେ ସାଧାରଣ ଯୁବକ। ଝଡ଼ ତୋଫାନ ଭଳି ଦୁହିଁଙ୍କ ପ୍ରେମ ଜୀବନରେ ଅନେକ ବାଧା ଆସିଛି ହେଲେ କେହିବି କାହାର ହାତ ଛାଡି ନାହାଁନ୍ତି । ଆଜି ପ୍ରତିଜ୍ଞା କରିବା ସହିତ ଅଗ୍ନିକୁ ସାକ୍ଷୀ ରଖି ବିବାହ ବନ୍ଧନରେ ସାତ ଜନ୍ମ ପାଇଁ ବାନ୍ଧି ହୋଇଛନ୍ତି । ଆଜିର ସମାଜରେ ପ୍ରେମର ପରିଭାଷା ବଦଳୁଥିବା ବେଳେ ଅନେକ ପ୍ରେମ ଏମିତି ଥାଏ ନା କେବେ ଲିଭେ ନା କେବେ ହଜେ। ସେମିତି ଏକ ନିଃସ୍ଵାର୍ଥ ପ୍ରେମିକର ପ୍ରେମ ଦେଖିବାକୁ ମିଳିଛି । ଦୁଇ ପ୍ରେମ ପକ୍ଷୀଙ୍କର ଏହି ସୁନ୍ଦର କାହାଣୀ ସମସ୍ତଙ୍କୁ ଏକ ଶିକ୍ଷା ଦେଇଛି ।

ବାଲେଶ୍ବର ଜିଲ୍ଲା ଜଳେଶ୍ବର ବ୍ଲକ ପ୍ରହରାଜ ପୁର ଗାଁର ମଦନ ପାତ୍ରଙ୍କ ଝିଅ ଅନ୍ନପୂର୍ଣ୍ନା ପାତ୍ର । ଜଳେଶ୍ବର ମହିଳା ମହାବିଦ୍ଯାଳୟ ରେ +3 ବର୍ଷ ର ଛାତ୍ରୀ । ଜନ୍ମରୁ ଦିବ୍ଯାଙ୍ଗ ହୋଇଥିବା ବେଳେ ଚଲାବୁଲା କରି ପାରନ୍ତିନି । ତାଙ୍କର ସାହାରା କେବଳ ଏହି ହ୍ବିଲ ଚେୟାର। ପଢିବା ସମୟରେ ୮ମାସ ପୂର୍ବରୁ ଫେସବୁକ ଏବଂ ଇନଷ୍ଟାଗ୍ରାମରେ ଦକ୍ଷିଣ ପ୍ରହରାଜପୁର ଗାଁ ପଞ୍ଚାନନ ଜେନା ସହିତ ହୋଇଥିଲା ପରିଚୟ । ଆଉ ତାପରେ ଚାଟିଙ୍ଗ ଏବଂ ପରେ ଉଭୟଙ୍କ ମଧ୍ଯ ରେ ପ୍ରେମ ସମ୍ପର୍କ ଗଢି ଉଠି ଥିଲା । ଅନ୍ନପୂର୍ଣ୍ନା ଦିବ୍ଯାଙ୍ଗ ହୋଇଥିବା ଜଣାଇ ଥିଲେ ମଧ୍ଯ ପଞ୍ଚାନନଙ୍କୁ କିଛି ଫରକ ପଡି ନଥିଲା । ଦୁହେଁ ନିଜ ପ୍ରେମ ଗାଡିକୁ ଆଗକୁ ନେବା ପାଇଁ ନିଷ୍ପତ୍ତି ନେଇ ଥିଲେ । ଆଉ ପରିବାର ଲୋକଙ୍କ ସହମତିରେ ଏବେ ଉଭୟଙ୍କର ହାତଗଣ୍ଠି ପଡିଛି । ଅଗ୍ନିକୁ ସାକ୍ଷୀ ରଖି ବିବାହ ବନ୍ଧନ ରେ ବାନ୍ଧି ହୋଇଛନ୍ତି ଏହି ଦୁଇ ଲଭ ବାର୍ଡ ।

ପ୍ରେମ ଏଠି ନିଃସ୍ଵାର୍ଥ ଆଉ ଚିରନ୍ତନ ଏଠି ପାଇବାରେ ଆଶା ରଖି ନାହିଁ ପ୍ରେମିକଟିଏ । ବାସ୍ କଥା ଦେଇଛି ସବୁ ଜନ୍ମ ପାଇଁ ସାଥ୍ ଦେବ। ପ୍ରେମ ପାଇଁ ବଳିଦାନର ଅନେକ କାହାଣୀ ଆପଣ ଶୁଣିଥିବେ ହେଲେ ଏଠି ବଳିଦାନ ପାଲଟି ଯାଇଛି ଭଲ ପାଇବା । ଦୁଇ ଜଣକ ଯୋଡ଼ି ଯେତିକି ସୁନ୍ଦର ତାଙ୍କ ପ୍ରେମ କାହାଣୀବି ତା ଠୁ ଅଧିକ ସୁନ୍ଦର। ବିବାହ ପରେ ଅନ୍ନପୂର୍ଣ୍ନା ତାଙ୍କ ସ୍ବାମୀ ଙ୍କୁ ପାଇ ବେଶ ଖୁସି ଥିବା କହିଛନ୍ତି । ଏମାନଙ୍କ ବାହାଘର ରେ ଉଭୟ ପରିବାର ଲୋକେ ବେଶ ଖୁସି ଥିବା ବେଳେ ସାହି ପଡିଶା ଏବଂ ଗ୍ରାମବାସୀ ମାନେ ନବ ଦମ୍ପତ୍ତିଙ୍କୁ ଆଶୀର୍ବାଦ ଓଜାଡି ଦେଇଛନ୍ତି ।