ଲକ୍ଷାଧିକ ଟଙ୍କାର ବିଦେଶୀ ମଦ ଜବତ, ସରପଞ୍ଚ ପୁଅ ଗିରଫ

ନୂଆପଡା:  ନୂଆପଡ଼ା ଜିଲ୍ଲା ସିନାପାଲି ଅବକାରୀ ବିଭାଗ ଚଢାଉ କରି ଲକ୍ଷାଧିକ ମୂଲ୍ୟ ର ବିଦେଶୀ ମଦ ଜବତ କରିବା ସହ ଏକ ମାରୁତି ସୁଜୁକି ଅର୍ଟିକା (ଓଡ଼ି ୨୬ଇ ୮୦୩୨) ୪ ଚକିଆ ଗାଡ଼ି ସହ ଟଙ୍କେଶ୍ୱର ଦଣ୍ଡସେନା (୩୨) ନାମକ ଯୁବକ କୁ ଗିରଫ କରି କୋର୍ଟ ଚାଲାଣ କରାଯାଇଛି। ପ୍ରକାଶ ଯୋଗ୍ୟ ଯେ, ଉକ୍ତ ଅଭିଯୁକ୍ତ ଜଣକ ଖଡିଆଳ ସହର ରୁ ସିନାପାଲି ବ୍ଲକ ଧିଙ୍ଗିଆମୁଣ୍ଡା ନିଜ ଗ୍ରାମକୁ ଆଣୁଥିଲେ। କୌଣସି ସୂତ୍ର ରୁ ଖବର ପାଇ ଯୁଗେନପଦର ଛକ ନିକଟରେ ଅବକାରୀ ବିଭାଗ ଚଢାଉ କରି ବିପୁଳ ପରିମାଣର ବିୟର ଓ ବିଦେଶୀ ମଦ ଜବତ କରିଛି।ଯାହାର ଆନୁମାନିକ ମୂଲ୍ୟ ଲକ୍ଷାଧିକ ବୋଲି ଅନୁମାନ କରାଯାଉଛି। ୨୯୬.୪୦୦ ଲିଟର ବିୟର ଓ ୩୫.୨୮ ଲିଟର ବିଦେଶୀ ମଦ ଜବତ ହୋଇଥିବା ଅବକାରୀ ବିଭାଗ ସୂତ୍ର ରୁ ଜଣାପଡ଼ିଛି। ଅଭିଯୁକ୍ତ ଜଣକ ଙ୍କ ବାପା ସିନାପାଲି ବ୍ଲକ କେନ୍ଦୁମୁଣ୍ଡା ଗ୍ରାମପଞ୍ଚାୟତ ର ସରପଞ୍ଚ ମଦନ ଦଣ୍ଡସେନା ଙ୍କ ପୁଅ ବୋଲି ଜଣା ପଡିଛି । ସିନାପାଲି ଅବକାରୀ ଥାନା ଅଧିକାରୀ ସିଦ୍ଧାନ୍ତ ପାତ୍ର ଙ୍କ ନେତୃତ୍ୱ ରେ ଏଏସଆଇ ସୁନା ମାଝି , କନେଷ୍ଟବଳ ମଳୟ ମହାଲିଙ୍ଗ, ରିତାଞ୍ଜଳି ଶବର , ଦେବସିଂ ମାଝି ଏହି ଚଢାଉ ରେ ସାମିଲ ଥିଲେ।