ବିଜୟଙ୍କ ଠିକଣା ପରିବର୍ତ୍ତନ ..

ସମୟ ଥିଲା ଓଡ଼ିଶା ରାଜନୀତିରେ ବିନ୍ଧାଣୀ ଭାବେ ପରିଚିତ ଥିଲେ ବିଜୟ ମହାପାତ୍ର । ହେଲେ ସମୟ କ୍ରମେ ତାଙ୍କର ପତିଆରା କ୍ରମାଗତ ଭାବେ ହ୍ରାସ ପାଇବାରେ ଲାଗିଲା । 80 ଦଶକରେ ଓଡ଼ିଶା ରାଜନୀତିରେ ଚାଣକ୍ୟ ଥିବା ଏହି ହେବିୱେଟ ନେତା ଏବେ ଅଲୋଡ଼ା ହୋଇଯାଇଛନ୍ତି ରାଜନୀତିରେ । 2019ରେ କଣ ହେବ ବିଜୟଙ୍କ ଭୂମିକା ତାହାକୁ ନେଇ ଚର୍ଚ୍ଚା ଜୋରଦାର ହେଉଥିବା ବେଳେ ଏବେ ବିଜୟଙ୍କ ଅନ୍ଦରମହଲରୁ ଆସିଛି ନୂଆ ଖବର । 2019 ନିର୍ବାଚନରେ ବିଜୟ ମହାପାତ୍ର ଭୁବନେଶ୍ୱର ମଧ୍ୟରୁ ନିର୍ବାଚନ ଲଢିବେ । ଆଉ ମହାକାଳପଡ଼ା କି ପାଟକୁରା ପ୍ରତି ନାହିଁ ବିଜୟଙ୍କ ଦୃଷ୍ଟି । ବିଜେପିରୁ ନିଜେ ଇସ୍ତଫା ଦେବା ପରେ ବିଜୟ ଏଯାଏ ତାଙ୍କର ରାଜନୈତିକ କାର୍ଡ଼ ଖୋଲିନାହାନ୍ତି । ବିଜେଡ଼ିରେ ମିଶିବା ନେଇ ଯେଉଁ ଚର୍ଚ୍ଚା ହେଉଥିବା ତାହା ବି ମଉଳିଗଲାଣୀ ।

ଏବେ ଚର୍ଚ୍ଚା ହେଉଛି ବିଜୟ କଂଗ୍ରେସ ରାଜନୀତିରେ ସାମିଲ ହେବେ । ହେଲେ ବଡ଼ପ୍ରଶ୍ନବାଚୀ ସୃଷ୍ଟି ହୋଇଛି ଏହାକୁ ନେଇ । ଅଣକଂଗ୍ରେସରୁ ବାହାରି ବିଜୟ ଏବେ ହାତ ଧରିବେ । ଏହାଦ୍ୱାରା ସେ ନିଜର ପରିଚୟ ନୂଆ ପାଇବା ସହ ରାଜଧାନୀରେ କଂଗ୍ରେସକୁ ମଜବୁତ କରିବା ଲକ୍ଷରେ ରହିଛନ୍ତି । ତେଣୁ ବିଜେଡ଼ିର ବିଜୟଙ୍କ ସ୍ଥାନରେ କଂଗ୍ରେସ ବିଜୟ ମହାପାତ୍ରଙ୍କୁ ଠିଆ କରିବା ଲାଗି ବ୍ଲୁପ୍ରିଣ୍ଟ ପ୍ରସ୍ତୁତ କରିଛି । ତେବେ ଅପେକ୍ଷା କେବେ ବିଜୟ ମହପାତ୍ର କଂଗ୍ରେସରେ ସାମିଲ ହେବେ ।