ଯଦି ଶୀତଦିନେ ଅସୁସ୍ଥ ହେବାକୁ ଚାହୁଁନାହାଁନ୍ତି, ତେବେ ନିଶ୍ଚିତ ଭାବରେ ଆପଣାନ୍ତୁ ଏହି ଟିପ୍ସ
ଶୀତ ଋତୁ ଆରମ୍ଭ ହୋଇଗଲାଣି । କିନ୍ତୁ ଶୀତ ଋତୁ ଆସିବା ସହିତ ନା ନା ପ୍ରକାର ରୋଗ ମଧ୍ୟ ଆଣିଥାଏ । ଏହି ଶୀତ ଋତୁ ଜୀବନ ଶୈଳୀ ଏବଂ ଖାଦ୍ୟ ପ୍ରତି ବହୁତ ଯତ୍ନବାନ ହେବାକୁ ପଡିବ, ନଚେତ୍ ଶୀଘ୍ର ଅସୁସ୍ଥ ହେବାର ସମ୍ଭାବନା ବଢିଯାଏ । ଶୀତ ଋତୁ ପାଇଁ ଏହିପରି ପ୍ରସ୍ତୁତି କରାଯିବା ଉଚିତ ଯାହା ଦ୍ୱାରା ଆପଣ ଶରୀର ଭିତରୁ ଶକ୍ତିଶାଳୀ ହୋଇ ଯେ କୌଣସି ପ୍ରକାରର ଭାଇରାଲ୍ ସହିତ ଲଢ଼ି ପାରିବେ । ଶୀତ ଋତୁତୁରେ ଆପଣ କେଉଁ ସବୁ ଦିଗ ପ୍ରତି ସଚେତନ ହେବ ଉଚିତ ଆସନ୍ତୁ ଜାଣିବା ।
ଫଳ ଏବଂ ପନିପରିବା ଖାଆନ୍ତୁ: ଶୀତ ଋତୁରେ ଖାଦ୍ୟ ଏବଂ ପାନୀୟର ଅନେକ ବିକଳ୍ପ ଅଛି। ଏହି ଋତୁରେ ଅନେକ ଫଳ ଏବଂ ପନିପରିବା ଖାଇବା ଉଚିତ୍ । ଏହି କାରଣରୁ ପର୍ଯ୍ୟାପ୍ତ ପରିମାଣର ଭିଟାମିନ୍ ଏ, ସି, ବି ଏବଂ ଫାଇବର ଆପଣଙ୍କ ଶରୀରରେ ପହଞ୍ଚିବ । ଭଲ ପରିମାଣର ପନିପରିବା ଏବଂ ଫଳ ପ୍ରତିରୋଧକ ଶକ୍ତି ବଢ଼ାଇ ଥାଏ ଏବଂ ମେଟାବୋଲିଜିମ୍ରେ ଉନ୍ନତି ଆଣେ।ଏଥିରେ ଶରୀର ଫିଟ୍ ରହିଥାଏ।
ବାରମ୍ବାର ଖାଇବା ଅଭ୍ୟାସରୁ ଦୂରେଇ ରୁହନ୍ତୁ: ବାରମ୍ବାର ଖାଇବା ଦ୍ୱାରା ଶରୀରରେ ଏହା ମେଦବହୁଳତାକୁ ବଢାଇଥାଏ । ତେଣୁ ଚକଲେଟ୍ , ଚିପ୍ସ , ନୁଡ଼ଲ୍ସ ଭଳି ଖାଦ୍ୟରୁ ନିଜକୁ ଦୂରେଇ ରଖନ୍ତୁ ଏବଂ ଫଳ , ନଟସ୍ ଏବଂ ଡ୍ରାଏ ଫ୍ରୁଟ୍ସ ଭଳି ଖାଦ୍ୟ ଖାଆନ୍ତୁ ।
ହାଇଡ୍ରେଟେଡ୍ ରୁହନ୍ତୁ : ଶୀତଦିନେ ଜଳ ଗ୍ରହଣ କମିଯାଏ, ଯାହା ଆପଣଙ୍କ ସ୍ୱାସ୍ଥ୍ୟ, ଚର୍ମ ଏବଂ କେଶ ଉପରେ ଖରାପ ପ୍ରଭାବ ପକାଇଥାଏ । ଯାହା ହେଉନା କାହିଁକି ଶରୀର ପାଇଁ ପର୍ଯ୍ୟାପ୍ତ ଜଳ ଜରୁରୀ। ପର୍ଯ୍ୟାପ୍ତ ପରିମାଣର ପାଣି ପିଇଲେ, ଶୀତ ଦିନରେ ମଧ୍ୟ ଆପଣ ବହୁତ ସକ୍ରିୟ ରହିବେ। ଏହା ସହିତ ଆପଣଙ୍କ ଶରୀର ମଧ୍ୟ ଭିତରୁ ଉଷ୍ମତା ପାଇବ । ପାଣି ବ୍ୟତୀତ ଆପଣ ଏହି ଋତୁରେ ହର୍ବାଲ୍ ଚା ଏବଂ ସୁପ୍ ମଧ୍ୟ ଖାଇପାରିବେ।
ଶରୀରକୁ ଗରମ ରଖନ୍ତୁ: ଥଣ୍ଡା ପାଗରେ ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଶରୀରକୁ ଗରମ ରଖିବା କିମ୍ବା ଅନ୍ୟଥା ଆପଣ ସହଜରେ ଅସୁସ୍ଥ ହୋଇପାରନ୍ତି । ପୋଷାକ ପିନ୍ଧନ୍ତୁ ଯାହା ଆପଣଙ୍କ ଶରୀରକୁ ସଂପୂର୍ଣ୍ଣ ଭାବେ ଆଚ୍ଛାଦନ କରେ। ସଠିକ୍ ପୋଷାକ ନ ପିନ୍ଧିବା ଦ୍ୱାରା ଥଣ୍ଡା, କାଶ ଏବଂ ଭାଇରାଲ୍ ଜ୍ୱର ହେବାର ଆଶଙ୍କା ରହିପାରେ।