ପୋଷଣରେ ଭରପୁର ସବୁଜ ମଟର ଛୁଇଁ, ଖାଇଲେ କଣ ଫାଇଦା ଆସନ୍ତୁ ଜାଣିବା…

ଋତୁ ଅନୁସାରେ ଖାଦ୍ୟପେୟର ମଧ୍ୟ ପରିବର୍ତ୍ତନ ହୋଇଥାଏ। ସେହିପରି ଶୀତ ଋତୁରେ ପ୍ରାୟ ସମସ୍ତେ ମଟର ଖାଇବାକୁ ପସନ୍ଦ କରନ୍ତି। ଛୋଟ ଦେଖାଯାଉଥିବା ମଟର ଛୁଇଁ କେବଳ ଖାଇବା ପାଇଁ ସ୍ୱାଦିଷ୍ଟ ନୁହେଁ ବରଂ ଅନେକ ପୋଷକ ତତ୍ତ୍ୱରେ ପରିପୂର୍ଣ୍ଣ । ଏଥିରେ ପ୍ରଚୁର ପରିମାଣରେ ତନ୍ତୁଜ, ପୋଟାସିୟମ, କ୍ୟାଲସିୟମ, ମ୍ୟାଗ୍ନେସିୟମ ଏବଂ ଅନ୍ୟ ଖଣିଜ ଲବଣ ରହିଥାଏ। ଏହା ଶରୀରକୁ ବିଭିନ୍ନ ରୋଗରୁ ରକ୍ଷା କରେ। ବିଶେଷକରି ଶାକାହାରୀମାନେ ମଟର ଛୁଇଁ ଖାଇବା ଜରୁରୀ। ଅନେକ ଅନୁସନ୍ଧାନରେ, ସବୁଜ ମଟର ମଧ୍ୟ ବିଭିନ୍ନ ରୋଗକୁ ରୋକିବାରେ ପ୍ରଭାବଶାଳୀ ହୋଇପାରିଛି। ଶୀତଦିନେ ମଟର ଛୁଇଁ ଖାଇବା ସ୍ୱାସ୍ଥ୍ୟ ପାଇଁ ଉପକାର ହୋଇଥାଏ।

ପ୍ରୋଟିନର ଉତ୍ତମ ଉତ୍ସ- ଅନେକ ଉପାୟରେ ସ୍ୱାସ୍ଥ୍ୟ ପାଇଁ ପ୍ରୋଟିନ୍ ଜରୁରୀ । ପ୍ରାୟ ଅଧା କପ୍ ମଟରରେ 4 ଗ୍ରାମ ପ୍ରୋଟିନ୍ ଥାଏ । କେବଳ ପ୍ରୋଟିନ୍ ନୁହେଁ, ମଟରରେ ଆଇରନ୍, ଫସଫରସ୍, ଫୋଲେଟ୍ ଏବଂ ଭିଟାମିନ୍ ଏ, କେ ଏବଂ ସି ମଧ୍ୟ ଥାଏ। ପ୍ରୋଟିନ୍ ଓଜନ ହ୍ରାସ କରିବାରେ ସାହାଯ୍ୟ କରେ ଏବଂ ମାଂସପେଶୀର ଶକ୍ତି ବଢ଼ାଇଥାଏ ଏଥିରେ ମିଳୁଥିବା ଭିଟାମିନ୍ ସି ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ ।

ମଧୁମେହ ରୋଗ ପାଇଁ ଉପକାରୀ- ମଟର ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରେ। ତେଣୁ, ଏହା ମଧୁମେହ ରୋଗ ପାଇଁ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ । ମଟରରେ କମ୍ ଗ୍ଲାଇସେମିକ୍ ଇଣ୍ଡେକ୍ସ ଅଛି, ତେଣୁ ମଧୁମେହ ରୋଗୀମାନେ ଏହାକୁ ନିଜ ଖାଦ୍ୟରେ ଅନ୍ତର୍ଭୁକ୍ତ କରିବା ଆବଶ୍ୟକ। ଏଥିରେ ମିଳୁଥିବା ଭିଟାମିନ୍ ମଧୁମେହ ହେବାର ସମ୍ଭାବନାକୁ ମଧ୍ୟ ହ୍ରାସ କରିଥାଏ।

ହଜମ ପ୍ରକ୍ରିୟାରେ ଉନ୍ନତି ଆଣେ – ସବୁଜ ମଟରରେ ଫାଇଟିକ୍ ଏସିଡ୍ ଏବଂ ଲେକ୍ଟିନ୍ ପରି ଆଣ୍ଟିନାଟ୍ରିଏଣ୍ଟ୍ ଥାଏ, ଯାହାର ଲୌହ, ଜିଙ୍କ, କ୍ୟାଲସିୟମ୍ ଏବଂ ମ୍ୟାଗ୍ନେସିୟମ୍ ପରି ଖଣିଜ ପଦାର୍ଥ ଶୋଷିବାର କ୍ଷମତା ଥାଏ। ଲେକ୍ଟିନ୍ ଗ୍ୟାସ୍ ସୃଷ୍ଟି କରେ ଏବଂ ମଟର ଏହାକୁ ହ୍ରାସ କରିବାରେ ସାହାଯ୍ୟ କରେ। ଏଥିରେ ମିଳୁଥିବା ଫାଇବର କୋଷ୍ଠକାଠିନ୍ୟର ସମସ୍ୟାକୁ ଦୂର କରିଥାଏ ଏବଂ ଅନ୍ତନଳୀରେ ଉନ୍ନତି ଆଣେ ।

ହୃଦୟକୁ ସୁସ୍ଥ ରଖେ – ମଟରରେ ମିଳୁଥିବା ମ୍ୟାଗ୍ନେସିୟମ୍ ଏବଂ ପୋଟାସିୟମ୍ ପରି ମିନେରାଲ୍ସ ହୃଦୟ ପାଇଁ ଲାଭଦାୟକ । ଅଧିକାଂଶ ହୃଦ୍ ରୋଗ ଉଚ୍ଚ ରକ୍ତଚାପ ଯୋଗୁଁ ହୋଇଥାଏ। ମଟର ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିବାରେ ମଧ୍ୟ ସାହାଯ୍ୟ କରେ। ଏଥିରେ ମିଳୁଥିବା ଫାଇବର ଖରାପ କୋଲେଷ୍ଟ୍ରୋଲକୁ ହ୍ରାସ କରିଥାଏ। ଏଥିରେ ଥିବା ଆଣ୍ଟିଅକ୍ସିଡାଣ୍ଟ ମଧ୍ୟ ହୃଦୟକୁ ସୁସ୍ଥ ରଖିବା ପାଇଁ ସହାୟକ ହୋଇଥାଏ ।